ON.CC

千語送驚喜懷石料理賀林峯生日 (視頻)

千語BB剛剛與男友林峯蜜遊日本返港。

千語BB自言一早知畀人跟。

千語表示帶林峯去食好難Book o既懷石料理。

【on.cc東網專訊】吳千語日前與男友林峯到了日本旅行慶祝男友生日，她甫返港即開工出席活動，她說：「今朝啱啱落機，一返嚟就做嘢。（報道話你送自己畀男友？）我諗實在無乜好寫，好平常嘅活動，都係跟到我哋食飯行街。（咁送咗咩？）送咩唔講得，我哋去咗間好難Book嘅餐廳食懷石料理，係我安排嘅，我早一個月Book，用咗好多Effort（努力）先book到，我打IDD過去又溝通唔到，要搵識日文嘅朋友幫手。（食咗有無五位數字？）唔係平貴問題，係好好食，好多朋友都介紹我去。（男友滿唔滿意？）要問番佢，我諗都滿意嘅，嗰晚餐飯食得好開心，食咗兩個鐘（有無咩驚喜畀佢？）嗰餐飯已經好驚喜，餐廳原本話十二月已經Full晒，我求咗好耐，話想慶祝啲特別節日，問佢哋可唔可以畀兩個位我，最後有人Cancel，我哋先有位，我係Waiting（後補）嘅。（話你哋喺酒店纏綿十幾小時？）我哋都知道有記者跟，第二日應該跟甩咗，我哋喺酒店附近，周圍去係旅行嘅意義，無理由匿喺酒店房。」

她透露此行在日本玩了個多星期，問到她是否喜歡到外地拍拖，她說：「放假都想遠離自己工作嘅地方，好多人。（聖誕節你哋有咩節目？）要做嘢，但可能會一齊去慶祝，同埋啲朋友。（男友會唔會畀好多驚喜你？）OK，大家都差唔多，預計到嘅驚喜，都係食飯慶祝多，最好係去旅行。（想收咩聖誕禮物？）聽人講有間酒店嘅熏雞好好食好難買到，要早好多Book，如果收到呢樣都好。」

蘋果即時