蘋果即時

【保羅喪生】《狂野7》喪禮片段曝光 網民慨嘆：雙重心噏

保羅獲加喺《狂野時速7》演出的部份片段近日曝光。

荷李活電影《狂野時速》（The Fast and the Furious）系列主角、美國男星保羅獲加（Paul Walker）喺香港時間大前晚，喺加州撞車身亡，終年40歲。而保羅離世亦令《狂野7》劇組傷心停工，但就唔會全面中止拍攝。

近日網上流傳一段名為「First look at Fast and Furious7」，亦即係《狂野7》片段率先睇。據悉《狂野6》DVD/藍光碟將於12月10日發售，事前據稱藍光碟內藏有一段《狂野7》影片，而該影片開首就播出喺上集尾段喪生嘅韓裔美籍男演員「韓哥」喪禮，而保羅及其他演員包括雲迪素等，都有演出呢個喪禮場面出現，唔少網民睇完條片都好心噏，好多網民睇完後留言感心酸，慨嘆保羅英年早逝。