余詠珊為藝人歌手再加獎品

余詠珊出席台慶拜神儀式，她表示獎金獎品仍然在不斷加碼，最新加碼有TVB股票1000股、燃油1噸及50萬元的MV制作及宣傳費。前兩項是藝人抽獎禮物之一，後者就只有到場歌手才可以參與抽獎。

蘋果即時

少英皇歌手亮相台慶 余詠珊：我唔覺失色囉！

今日無綫台慶拜神，由阿叻陳百祥、曾志偉，陳芷菁及崔建邦擔任司儀，出席歌星包括許廷鏗、鄭俊弘、羅鈞滿、王君馨及吳若希等。

有指今年台慶獎金及獎品加碼，無綫高層余詠珊承認此事，並解釋今年想做一個類似聯歡會嘅party：「個個返到嚟都開開心心。」問到可是因為近日是非多多，故以獎金獎品加碼嚟淡化事件？余詠珊冇直認，佢只係話:「你睇我哋個台個景，半年前已決定咗，想今年方向都係開心。」余詠珊又表示:「我哋一開始話上堂，就定咗一個方向，就係要好開心，因為我哋覺得從來未做過一個節目係，完全好似自己屋企人生日，嚟嘅都有好多獎金獎品。」

有報道指今屆台慶獎品包括1,000股無綫股份、一噸汽油，以及50萬MV製作宣傳費，MV製作宣傳費呢個獎，就係留俾歌手玩遊戲時抽獎。問余詠珊係咪因為無綫已經冇乜歌手，所以出呢招吸引佢哋返嚟？余詠珊否認。

至於點解今年咁少英皇歌手出席？係咪因為星夢娛樂成立，令英皇不滿無綫偏心自己歌手？余詠珊表示:「英皇歌手我哋有邀請，其實都係咁上下咋喎。因為我哋主要係要啲歌星嚟參與，咁都有邀請佢哋，度到咪度到，度唔到都冇辦法0架。」問佢覺唔覺得今年冇咗祖兒同Twins佢哋有啲失色？余詠珊斬釘截鐵謂:「我唔覺，我覺得最緊要開心嘅啫。」記者提到無綫同英皇關係一向良好，余詠珊未等記者問完即說:「依家都好呀，依家都好呀!」余詠珊老公何哲圖係星夢娛樂老闆，依家無綫同星夢一家親，英皇會否不是味兒？可以想像，不過余詠珊就強調英皇歌手只係度唔到期出席而已。

ON.CC

余詠珊透露取消「台慶趣劇」

【on.cc東網專訊】藝人鄭裕玲、汪明荃、曾志偉、陳百祥、鄭俊弘、陳凱琳等人出席台慶綵排活動。無綫高層余詠珊透露當晚獎品和獎金不斷加碼中，希望當晚觀眾感覺到一家人慶祝生日的感覺，但她透露當晚「台慶趣劇」環節被取消，問到會否擔心觀眾不滿？她則表示觀眾看了台慶才判斷。被問到無綫契仔李克勤不會出席台慶，她表示找不到那麼多的項目給藝人演出，但否認全部安排給「星夢幫」，她強調無綫無分自己人同外人，全部自己人。

對於英皇歌手不出席台慶一事，她指是有邀請，但好似好多無期，其實陣容同上年差不多，唔覺失色。鄭俊弘亦表示公司不會偏心。

同場陳百祥表示香港人有言論自由，歡迎網民致電電台與他傾談，他強調會撐無綫撐到盡。