ON.CC

林峯讚吳千語係煮餸天才 (視頻)

林峯大讚女友吳千語廚藝了得，自己則要惡補。

唔知峯峯平時係咪成日送花俾女友架呢？如果係，又會唔會比呢紮更大紮呢？

林峯無論擺乜甫都咁Chok，好嘢。

林峯即場炮製棉花糖。

林峯即場餵粉絲食棉花糖，睇吓個女仔幾冧呀。

【on.cc東網專訊】藝人林峯出席聖誕主題活動，現場有近百名粉絲，他更即場獻唱歌曲及與粉絲玩遊戲，又炮製棉花糖，他表示自己很喜歡吃棉花糖，亦愛下廚，問他有沒有親自下廚給女友吳千語？他說：「最好唔好啦，因為煮得唔好食，(千語話唔識煮嘢食？)佢應該係天才，因為佢嗅覺同味覺都好，佢都有整過嘢畀我食，係煮海鮮湯，唔係咁容易，基本上有咩材料喺度佢就整到，佢煮親都冇乜閃失。」記者笑指千語如此厲害娶得過吧？他笑而不答續說：「我覺得男仔都要識煮嘢食，我身邊都有好多男士識煮嘢，仲好叻，好似謝天華，我自己都要惡補！」他又自爆很愛逛街市，街坊都愛給他折扣。問到可會泡製聖誕大餐？他笑說：「肯試就得喇，不過我聖誕都要工作。」他表示稍後會出席台慶。

蘋果即時

林峯力讚千語BB係海鮮天才

林峯今日喺皇室堡出席聖誕活動，即場粉飾花束同整棉花糖，問佢係唔係整畀女友吳千語，佢話好正常，但手藝就唔係咁好，最好唔整，講到到千語唔識煮飯，林峯維護佢咁話：「我勤力學，佢係天才。」

之後再追問先透露試過千語BB煮嘅海鮮湯，仲力讚話：「好勁0架，就地取材整。」問到林峯女友入得廚房係唔係娶得過？佢就話：「佢少煮，煮親冇閃失，0依家好多男仔都識煮，好似謝天華咁，我會惡補，成日去超市、街市，同菜販熟，最精係煲湯。」

下星期二無綫台慶林峯都會出席，對於網友發起當日熄電視，林峯話：「目的引起政府交代，如果牽涉其他媒體機構冇乜必要，唔好將事情複雜化。」

林峯0依家開始好努力惡補廚藝。