27-10-2013

林峯不打算加盟星夢 (視頻)

林峯昨晚在活動上透露，剛與英皇完了唱片約，沒打算加盟星夢，亦無計劃與鄧智偉合作或自組公司。可擔心失去TVB一哥位置？他說﹕「怎會呢！怎會擔心，無所謂！每人都有自己風格。」

蘋果即時

隨時俾《星夢》鄭俊弘取代地位？淡定林峯話：點會呀？

蔡卓妍（阿Sa）、林峯和方大同等噚晚喺金鐘出席雜誌頒獎禮。

林峯就話，佢都好支持發多個免費電視牌照，佢話：「我覺得應該支持嘅，我自己作為電視觀眾，我都想多一個選擇，百花齊放，而且呢個係良性競爭，咁先會進步。」談到好拍檔鄧智偉離開無綫，有傳是同林峯拍住上開製作公司，喺樂壇殺出一條血路，林峯只係話佢哋一定會keep住合作:「總之我哋一定會繼續合作，但未諗到，慢慢啦。」談到無綫同星煥合作、余詠珊老公何哲圖入主無綫，令英皇一哥一姐地位有啲危，更有傳樂易玲愛將鄧智偉因為權力鬥爭而辭職，林峯表明唔關事，但就表示事前的確唔知星煥入主一事:「我都係啱啱先聽到。」

對於其喺無綫嘅地位，可能分分鐘俾《星夢》鄭俊弘取代，林峯笑道:「點會呢？」心底話？林峯即再補充謂:「冇所謂。我哋做番自己嘢。」佢又話啱啱完咗唱片公司合約，但就暫無打算再簽任何唱片公司。係咪準備結婚？林峯即笑道:「唔係唔係!」有冇邊間公司向佢招手？佢話:「冇呀，慘喇，我係咪應該擔心？」但表明暫時無意開唱片公司。

星煥入主無綫，《星夢》鄭俊弘亦將轉投旗下，同英皇已經冇約嘅林峯話唔擔心地位受威脅。

成報

蔡卓妍（阿Sa）、佘詩曼、林峯、方大同、楊張新悅及許靖韻等，前晚出席時尚雜誌《瑪麗嘉兒》舉辦的頒獎禮。

林峯暫未再想向音樂發展

林峯好友鄧智偉於微博宣布辭去無綫音樂總監一職，林峯表示對方才華高，而且音樂無界限，定有更好發揮，而自己亦會繼續與對方合作，林峯又言暫未有計劃與對方開公司，他說：「不是這麼簡單，現在唱片公司已經架構好完整。（智偉離開因何哲圖入主有關？）不關事。」林峯又言與英皇唱片已經完約，暫時未考慮向音樂發展，至於人群聚集政總為發牌問題抗爭，林峯就表示支持，又言增加電視台為良性競爭。

新報

林峯支持朋友製作音樂

林峯好兄弟鄧智偉在微博宣布離開工作12年的無綫，辭去「音樂總監」一職，前晚出席雜誌晚宴頒獎禮時他就表示已經知道，問到係咪兩兄弟夾份自己開公司？阿峯就表示會在音樂製作上合作：「開公司唔係咁簡單既，而家既唱片公司架構經已好完整。（呻過意慶欄柵？）無啦！創造無界限。（同Herman入主搞「星夢」有關？）我唔知星夢喎，都係睇新聞先知。（兩件事有關連？）唔關事啦！我而家完左英皇既唱片合約，都好想停吓先。」提及港視一眾在政府總部集會，阿峯更表示支持，直言多個電視台是良性競爭。

時尚雜誌《瑪麗嘉兒》舉辦頒獎禮，有份得獎的一眾藝人如蔡卓妍（阿Sa）、佘詩曼、王菀之、林峯，以及張新悅（前名張燊悅）及許靖韻等均盛裝出席接受頒獎。

此外，林峯對於好兄弟鄧智偉，於微博宣布離開工作了12年的無綫，辭去「音樂總監」一職，他就表示知道：「音樂無界限嘅，一直有聯繫喺音樂上，（同你講過？）無，但我知佢會有新發展，佢係有抱負嘅，都會繼續搵佢合作。（公司想你換人呢？）之前都有搵過其他音樂人。」