加载中…峯語金鐘行街街
(2013-10-14 12:36:56)
标签：
林峯吳千語娱乐 |
分类： 峯‧新聞 |
14-10-2013
蘋果
林峯千語互摸調情 (視頻)
【金鐘】林峯同吳千語愛到難捨難離，真係見少一秒都空虛！前日佢哋兩個又出動，仲沿途打情罵俏旁若無人。約下晝4點鐘，峯峯開住佢部過百萬嘅瑪莎拉蒂跑車，載住千語BB去金鐘行街，峯峯將架車開落金鐘停車場，跟住交咗架車畀汽車護理中心扮靚，佢同千語BB就上咗樓上商場行街。兩個人都戴住墨鏡，上身都係黃色衫，簡直襯到絕。
撞膊撒嬌
女人行街自然離不開買嘢，千語BB當然唔例外，佢好快就買咗袋戰利品，交咗畀男友峯峯攞住，又搭住佢膊頭行。其間千語不時玩電話，峯峯好有耐性咁陪佢行。行咗大概半個鐘有多，峯峯同千語去咗商場一間專賣三文治同沙律嘅餐廳叫外賣，佢哋一邊睇一邊商量要乜嘢配菜，而因為佢哋副太陽眼鏡太黑，揀到最後佢哋都要除咗副眼鏡至望得清楚啲食物。
經過五分鐘精挑細選，等攞外賣嘅時候，峯峯同千語BB開始打情罵俏有講有笑，千語仲不時用膊頭輕撞峯峯膊頭，峯峯稍後亦還以顏色，摸女友頭又揑佢後頸，搞到佢痠軟到要蹲低，感覺好似初戀嘅情侶。
撻唔着車
攞完外賣，峯峯同千語行返落停車場攞車，準備返屋企撐枱腳，不過峯峯第一次撻車時撻唔着，要護理中心嘅師傅指導至搞掂。當記者問到佢買乜嘢？峯峯就話：「專訪我先答問題㗎，唔好意思。」有禮貌得嚟又幾冇厘頭喎！採訪、攝影：朱志聰
■林峯同吳千語前日拍拖逛商場，唔止件衫同墨鏡襯到絕，連行路姿勢都一樣！DV圖片
【血拼搭膊頭】DV圖片
【外賣摸秀髮】DV圖片
【揸瑪莎拉蒂】DV圖片
蘋果即時
【新鮮娛頭】「峯語」旁若無人當眾互摸調情
林峯同吳千語呢pair情侶愛到難捨難離，真係見少一秒都覺得空虛！
前日佢哋兩個又出動拍拖喇，仲沿途打情罵好似周圍冇人咁。大約下晝4點鐘，峯峯揸住佢部過百萬嘅瑪莎拉蒂跑車，載住千語BB去金鐘行街街，峯峯將架車開落金鐘停車場，峯峯同千語BB咁靚，架車當然要靚埋一份啦，所以交咗架車畀汽車護理中心扮靚，佢同千語BB就上咗樓上商場行街街。兩個人戴住副黑超，上身都係着黃色衫，真係襯到絕。
千語BB同其他女人一樣都鍾意Shopping，所以唔使一陣就買咗袋戰利品。而峯峯作為男朋友，當然會幫千語BB拎袋戰利品，盡顯紳士風度，而千語BB仲好恩愛咁搭住峯峯膊頭一齊行。
行咗大約半個鐘左右，喺時候醫肚，「峯語」去咗商場一間專賣三文治同沙律嘅餐廳買外賣，兩個人邊睇邊商量食咩好。兩個等攞外賣嘅時候，當然唔會放過打情罵俏機會啦，千語BB不時用膊頭輕撞峯峯膊頭，峯峯又摸下女友個頭，又揑佢後頸，搞到佢酸軟到要蹲低，認真sweet。
買完外賣就準備返屋企撐枱腳，峯峯同千語BB行返落停車場攞車，但峯峯第一次撻車時竟然撻唔着，所以就搵護理中心嘅師傅嚟幫幫手。
當記者問到佢買乜嘢？峯峯就話：「專訪我先答問題0架，唔好意思。」
兩個揸住百萬名車去街街。
喺女友面前拒絕記者嘅題問係特別有風度。
千語BB拉住峯峯四圍行。
千語BB仲搭住峯峯膊頭。
兩個諗食咩嘅時候有商有量。
等外賣嗰陣千語BB用膊頭撞下峯峯。
峯峯就用手摸下千語BB個頭。
仲用手揑下千語BB後頸。
百萬名車竟然撻唔着，唔緊要，有師傅嚟幫幫手
兩個當眾互摸，不過都係摸下頭同頸咁。
喜欢
0
赠金笔