蘋果

主人日日貼街招尋鸚鵡 (視頻)

「佢好有靈性，好嗲我……街坊如果搵到呢隻小鸚鵡，求你哋通知我……」話未說完聲音已變得哽咽的退休人士葉生，近日茶飯不思，他養了五年的迷你金剛鸚鵡「GAG GAG」上月28日因被樓上裝修鑽牆聲嚇壞，在旺角廣華街寓所窗口飛走。葉擔心愛鳥遇危險或找不到東西吃，過去12天踏破鐵鞋，天天到雀仔街及附近街頭問街坊及貼街招尋雀，只望早日人雀團圓。

葉嘆稱自己及家人早已把一身翠綠的鸚鵡「GAG GAG」當成家人，對牠失蹤全家心急如焚。

但每當憂心忡忡的葉講到「GAG GAG」如何聰明及搗蛋時，總不禁微笑，像談及調皮小孩：「佢冇敵人㗎，就算同『天敵』屋企隻貓，都好好朋友……不過有時GAG GAG會啄隻貓條尾，但貓貓都只會避，從不還手，兩貓雀如歡喜冤家」，「GAG GAG唔止識學人講Hello，仲識學唱卡拉OK㖭！」

12天風雨無間

葉生稱GAG GAG雖聰明，卻從未試過自行野外覓食，好擔心牠會餓壞，故他過去12天風雨無間每天步行到雀仔街及寓所附近的登打士街、京士柏甚至何文田，一邊問街坊，一邊貼尋雀街招，又在網上討論區及拍賣網貼文尋雀，惜依然杳無音信。「佢好鍾意喺個籠度玩滑梯，食瓜子囉……」講到這些生活細節，葉生不止一次眼紅哽咽，他指GAG GAG除了肩有紅色，右腳更繫有刻着出生紙編號的腳環。「若各位巿民搵到，勞煩通知我，一定有酬勞……感謝大家」葉先生再三拜託，只望與愛鳥再續緣份。

■葉先生的迷你金剛鸚鵡上月底失蹤。葉先生提供圖片