11-10-2013

蘋果

甄子丹宇宙最強認低威 (視頻)

【亂噏24　第14集】原來「宇宙最強」甄子丹都有認低威的時候！第一，他為即將上映的合拍片《特殊身份》任監製，不得不為過檢而妥協；第二，當被問到與成龍「隻揪」誰勝誰負，他竟亂噏答成龍，即被黎智英（肥佬黎）喝罵！《亂噏24》足本版逢周四晚上11時播出，讀者可在http://bit.ly/appletalk24http://staticlayout.apple.nextmedia.com/template/common/scripts/images/replacelink/url.gif宇宙最強認低威" TITLE="【亂噏24】甄子丹專訪 宇宙最強認低威" />重溫。

撰文：馮國康、Sidekick

人稱「宇宙最強」的甄子丹，母親麥寶嬋是舉世聞名的武術家和太極高手，他年輕時也曾在美國參加武術比賽奪冠，絕對打得兼睇得。肥佬黎當然知道丹爺的功夫底蘊，便隨口問：「如果你同成龍打，邊個贏？」豈料丹爺答：「梗係成龍啦！」即時辣着肥佬黎：「你亂噏啦，你條友真係識撈！肯定你贏啦，成龍都唔係真係功夫嚟！」連蔡瀾也不認為成龍是真功夫：「佢頭腦打贏囉或者！」肥佬黎給丹爺多一次機會，問他可覺得李小龍是真功夫？丹爺答得認真得多：「梗係啦，我認為千千萬萬嘅人都覺得佢係（真功夫）。」

電影《葉問》令丹爺紅遍亞洲，肥佬黎忽然想到條橋，就是讓他飾演葉問徒弟李小龍，又笑稱假若內地批准他開戲（機會微乎其微），他也夠膽投資：「你應該拍李小龍，因為全世界都賣！」丹爺不以為然，深深吸了一口氣後說：「我就咁睇，其實我拍咗兩套《葉問》，咁已經深入民心，咁再做李小龍會唔會有啲怪怪哋呢？」肥佬黎以其生意人眼光堅稱這條橋必定work，反而丹爺欠缺信心：「全世界賣箒，但你猛俾人鬧吖嘛，啲人去睇你點演得差吖嘛！我之前演關雲長已經俾人話演得差。」

蔡瀾心中有個疑問，非要親口問丹爺不可：「《龍虎門》你係武術指導，本身劇本一睇你係配角嚟，但我好佩服你，可以搞到自己係主角！」誰知丹爺反應甚大：「嘩蔡生，乜你言中有語嘅！你意思係咪話我搶咗主角個位？所以我當住三個camera講先，唔係你夾硬屈我！」蔡瀾笑嘻嘻的聽他解釋。「由始至終呢個劇本都係我做主角，你問番黃玉郎先，唔係就搞到霆鋒唔開心！」肥佬黎見丹爺如此激動，嘗試安撫，丹爺則繼續澄清：「嗰個劇本叫做《王小龍傳》，呢個係鐵一般事實！」

眼見丹爺有火，肥佬黎急轉話題，輾轉間說到《葉問》導演葉偉信。眾所周知，丹爺與葉偉信合作無間，甚至有傳丹爺拒演《葉問3》，就是因為導演不是葉偉信。丹爺認為《葉問》成功，是導演加插他的「好男人」形象入電影之故：「我話咦，你寫嗰個葉問唔係完全根據歷史，佢答話係從我生活上係一個家庭男人，延伸到角色入面。所以葉問入面，點樣錫佢老婆呀、點樣返屋企食飯呀……」蔡瀾插嘴：「都係你自己經歷！」此時丹爺才順番條氣。

無疑《葉問》是丹爺「遲來的春天」，他將功勞歸於太太汪詩詩，太太這十年來給予他很多運氣，也令其性格變得外向。肥佬黎說：「我對你係素仰，唔係因為你係宇宙最強，我覺得你咁樣對太太，係好感動。以你一個打仔出身，個人咁活躍，婚姻又點解咁好呢？」丹爺即時糾正：「我覺得唔應該用個standard話打唔打仔嘅，斯文都有敗類嘛，每個人都有選擇權利，去決定人生路途。其實我好盼望一段好成功嘅婚姻，當然我亦都有過失敗嘅婚姻。」

丹爺自問拍《葉問》之前，從未認真鑽研過演技：「原來觀眾鍾意我演技喎！」但在磨練演技之前，必須先學懂放下形象：「我踎低可以幫仔女挽鞋抿屁股，同大俠形象相反！」肥佬黎十分認同，尤其覺得放下ego（自我）才可演得收放自如，但丹爺認為這點與練功夫背道而馳：「搏擊係乜箒？打倒別人吖嘛！係好有ego嘅嘢。」換言之要有取捨。

宇宙最強在娛圈打滾31年，肥佬黎問他可有「驚」的時候？丹爺自信爆棚的答：「驚？我已經過咗呢個階段，應該可以調番轉嚟講，我點樣做得最好。」即場舉出日前擔任周杰倫演唱會嘉賓的例子，還以為他擔心唱《龍捲風》唱得不好，誰知他說：「我擔心跌咗支雙截棍咋！」結論是，他的自信才是宇宙最強。

新片北上要過檢　宇宙最強都要俾面
http://bit.ly/talk241401http://staticlayout.apple.nextmedia.com/template/common/scripts/images/replacelink/url.gif宇宙最強認低威" TITLE="【亂噏24】甄子丹專訪 宇宙最強認低威" />

銀行得$100　子丹認借貴利
http://bit.ly/talk241402http://staticlayout.apple.nextmedia.com/template/common/scripts/images/replacelink/url.gif宇宙最強認低威" TITLE="【亂噏24】甄子丹專訪 宇宙最強認低威" />

婚後性格大改造　怕醜仔變開籠雀
http://bit.ly/talk241403http://staticlayout.apple.nextmedia.com/template/common/scripts/images/replacelink/url.gif宇宙最強認低威" TITLE="【亂噏24】甄子丹專訪 宇宙最強認低威" />

費事成龍嬲　謙稱唔夠揪
http://bit.ly/talk241404http://staticlayout.apple.nextmedia.com/template/common/scripts/images/replacelink/url.gif宇宙最強認低威" TITLE="【亂噏24】甄子丹專訪 宇宙最強認低威" />

大陸拍戲麻煩多多　港人怕怕避談政治
http://bit.ly/talk241405http://staticlayout.apple.nextmedia.com/template/common/scripts/images/replacelink/url.gif宇宙最強認低威" TITLE="【亂噏24】甄子丹專訪 宇宙最強認低威" />

被寸片場戲霸　丹爺怒呼冤枉
http://bit.ly/talk241406http://staticlayout.apple.nextmedia.com/template/common/scripts/images/replacelink/url.gif宇宙最強認低威" TITLE="【亂噏24】甄子丹專訪 宇宙最強認低威" />

港動作片拳拳到肉　意外傷人頻生
http://bit.ly/talk241407http://staticlayout.apple.nextmedia.com/template/common/scripts/images/replacelink/url.gif宇宙最強認低威" TITLE="【亂噏24】甄子丹專訪 宇宙最強認低威" />

識英雄重英雄　丹爺周董紅館較量
http://bit.ly/talk241408http://staticlayout.apple.nextmedia.com/template/common/scripts/images/replacelink/url.gif宇宙最強認低威" TITLE="【亂噏24】甄子丹專訪 宇宙最強認低威" />

拋低男士形象　港星挽鞋抿屁股
http://bit.ly/talk241409http://staticlayout.apple.nextmedia.com/template/common/scripts/images/replacelink/url.gif宇宙最強認低威" TITLE="【亂噏24】甄子丹專訪 宇宙最強認低威" />

甄子丹宇宙最強　認低威
http://bit.ly/talk241410http://staticlayout.apple.nextmedia.com/template/common/scripts/images/replacelink/url.gif宇宙最強認低威" TITLE="【亂噏24】甄子丹專訪 宇宙最強認低威" />

10-10-2013

蘋果即時

【短片】【亂噏24】甄子丹為練演技要挽鞋?

宇宙最強甄子丹，一向俾人感覺都唔擅長演文戲，丹爺話為咗磨練演技，不惜幫女仔挽鞋抿屎?又話好多朋友想佢做導演，丹爺又會唔會應承呢?想知就要睇今晚11點，足本《亂噏24》!