頭條網

34歲「盛女」周麗淇戀愛了，傳媒看似很關心，極速為她這位「高富帥」新歡徐正曦起底，28歲上海富二代、家底雄厚，有幾層樓手，還要年賺千萬人仔，聽落條件不錯，「我是愛情至上的人，拍拖一定諗結婚，絕不會玩玩下，若是只喜歡對方的外貌、背景，那就太膚淺了。」周麗淇說，處女座的性格偏向穩陣、認真，一旦認定目標便會全力進發，難怪拍拖無耐已見家長，「感情事不想多說，想保留點私人空間，不想有任何雜質，也不要有輿論壓力。」要知道，兩個人能走在一起，不容易，我也認識徐正曦，人品好有修養，屬優質筍盤，周麗淇能遇上他，是福氣。

撰文：彭燕燕

周麗淇好講義氣，只要能力做到一定幫你，眼見劉家豪夫婦過檔now頭炮作《大漢賢后衛子夫》招兵，第一時間舉手埋位，一報知遇之恩，「當年家豪哥搵我拍《秀才遇著兵》的，今次佢夫妻檔頭炮，我係義無反顧地支持，平陽公主一角很重戲、好壓場，從劇本製作到造型都好滿意，每次出場都要控制局面，因為皇帝好聽我這個家姐話，埋位前睇了很多資料，平陽公主經歷過三段婚姻，很聰明、有霸氣，敢愛敢恨，遇上喜歡的男人，會要求皇帝賜婚，好有烈女風範。」根據梅小青所說，《衛子夫》投資逾兩億元人民幣，預計明年在內地電視台播映。

對愛情畏首畏尾

演戲最有趣的是，你能把角色活現人前，歷史記載的平陽公主處事果斷，愛恨分明，睇過《衛子夫》片花的都會讚，周麗淇真係好有勢，「我沒她咁勇，對愛情總是畏首畏尾，唔係受傷怕了，係性格問題，我是那種行出來要有個勢的，做嘛，私下卻完全是另一個人。」認識周麗淇的會知道，她從不妥協，即使爆出戀上28歲「高富帥」徐正曦，一樣唔睬你，是怕了傳媒嗎？「我是愛情至上的人，拍拖一定諗結婚，絕不會玩玩下，感情事我想低調處理，我係唔想講，想保留點私人空間，唔想有太多雜質，也不要有輿論壓力，平時做舉手投足都會被批評，可能你會話幫我去查佢身家背景，但我想保護和低調處理感情事，若是只喜歡對方的外貌、背景，那就太膚淺了。」

對男友讚不絕口

戀愛大過天，周麗淇明知各路狗仔到實，仍跟男友徐正曦十指緊扣現身上海，最後還公開承認戀情，說到徐正曦被喻為「黃曉明接班人」，周麗淇有讚無彈地說：「無得咁比較，佢就係佢，我覺得佢做事認真和勤力，都係今次拍劇先識佢，原來佢識廣東話，在內地發展幾年，我唔係好清楚佢背景，唔知佢有冇衰，只知佢各方面、外形都OK，他日不得了。」人人讚周麗淇執到筍盤，我見她很努力捍這段感情，不想受傷害，「我個人唔難相處，但極度有要求，一段感情需要溝通，鍾意就鍾意，沒特定準則，我依然貫徹自我，做自己喜歡的事，對每件事都付出100%。」其實我也認識徐正曦，是絕世好仔，人品好，有內涵，懂得照顧身邊人，如今更是內地當紅小生，身價追住黃曉明那班一線阿哥。

對林峯另眼相看

說到劇中的皇帝細佬，周麗淇坦言對林峯另眼相看，「無諗過要做林峯家姐，初時都有壓力，我同阿峯性格好似，做事認真不馬虎，開工求開心，有問題會去解決，而唔係製造問題，第一次合作都擔心佢會有少爺脾氣，但出乎意料地唔難相處，更可成為朋友，我覺得林峯係一個好演員，埋位前做好準備，大家都唔係新人，知道用咩方法和態度去做，即使吳千語探班都無影響進度，其實我幾欣賞的，既然已公開關係，拍拖好正常，你理得人有冇探班，sweet唔sweet，能搵到個自己鍾意的人係好事，我戥佢開心，其他事不要再問我了！」