28-9-2013

蘋果即時

楊怡鍾嘉欣林峯素顏look 認得冇？

今早機場認真熱鬧，凌晨五點幾先有幸福滿瀉嘅陳茵媺由多倫多返港，跟住就有一眾TVB小生花旦包括林峯、鍾嘉欣、胡杏兒、苟芸慧等由香港出發去新加玻，出席《星和無綫電視大獎2013》。

林峯、鍾嘉欣、米雪、胡杏兒、楊怡、黃宗澤、馬國明、徐子珊、黃智雯、陳展鵬、陳智燊等成班TVB藝人今朝一早就喺機場準備上機去新加玻出席《星和無綫電視大獎2013》。

對於有傳無綫會開唱片公司，仲會捧林峯做一哥，又話會加入嘉欣、杏兒同阿Fred鄭俊弘。嘉欣就話冇聽過呢個消息，但係自己同唱片公司星煥合約仲有一段時間先完喎。

至於盛傳會做一哥嘅林峯亦都話冇收過消息，但如果真係成事，對無綫好多有才華嘅同事都係好事，因為多咗渠道同層面去涉足唔同方面喎。

杏兒似乎就對傳聞興趣唔大，因為佢係咁話拍劇唱歌好難一齊兼顧，仲話：「要考慮吓先，一係唔做，一做就要最好。有阿峯同嘉欣就得啦，仲有《星夢》一班團隊。」

ON.CC

林峯續約唔使做一哥 (視頻)

【on.cc 東方互動 專訊】對於有報道指無綫為誘餌林峯續約，計劃開唱片公司力捧他成一哥。林峯認為報道很有趣。問一哥地位否吸引他？林峯卻表示沒有關係：「我之前同英皇都係由公司安排，我都無聽過呢個消息，不過公司開唱片公司都好，始於無綫好為藝人著想，畀多個機會同平台佢哋，同埋咁多年我做音樂主要係同合作多年嘅音樂人一齊，（自由度重要過一哥？）唔係一唔一哥問題。」

林峯心情甚好。

林峯支持公司開唱片公司。

[10:26] 

談及有指無綫計劃成立唱片公司，羅致她成為四大王牌之一。嘉欣坦言未收到消息，不過會支持公司的政策：「希望更多鍾意唱歌o既藝人可以有機會出碟，展示歌藝。」嘉欣強調與現在的唱片公司仍然有約。問捧林峯做一哥如何？嘉欣說：「佢已經係一哥啦！喺我心目中佢又唱得又有才華。」

無綫拉大隊到新加坡出席頒獎禮。

提到有傳無綫計劃成立唱片公司，並安排她成為四大王牌歌手之一。杏兒表示沒有收到這個消息，目前正為再闖樂壇而掙扎：「唱歌需要好多時間，（寧願返內地揾錢？）又唔係，我想專注一樣嘢，之前試過兩邊好難兼顧。」問這會否打亂無綫的計劃？杏兒認為有林峯、鍾嘉欣坐陣已經足夠，若真的要再唱歌也要好好考慮。

明報即時

林峯未聞以樂壇一哥換續約TVB[18:20]

有指無綫（TVB）有意成立唱片公司，以力捧林峯成為樂壇一哥作續約條件。林峯今日赴新加坡出席頒獎禮時表示，沒聽聞有這回事。被問到若此事屬實能否吸引他續約，林峯說：「我覺得不關事，因為我多年來也是與長期合作的音樂人做我們想做的音樂，唱片公司是一個途徑發行我們的唱片，我暫時沒想過這些事情。」

林峯表示，未聞無綫有意成立唱片公司，以力捧他成為樂壇一哥作續約條件。

頭條即時