ON.CC

碧咸做人肉布景板咬唇

【on.cc 東方互動 專訊】萬人迷英國退役球星碧咸來港出席投資論壇演講，西裝骨骨現身，吸引不少人到場，完場後於VIP私人派對上碧咸被一眾Fans重重包圍，患有「強迫症」的他慘變人肉布景板，被不停索簽名合照，逗留15分鐘後速閃離開。

另外，愛妻號的碧咸不忘趁香港之行為碧咸嫂旗下產品進行硬銷，帶同最新手袋贈李玟，幫手打開亞洲巿場。

碧咸被要求合照時咬晒唇。

[22:48] 09月25日

碧咸118樓欣賞東方之珠

【on.cc 東方互動 專訊】「萬人迷」碧咸完成投資論壇講座後，至晚上10時許，有網友上載他現身九龍區高級酒店的118樓OZONE酒吧，而該酒吧一直是國際巨星的「蒲點」，歌星Lady Gaga曾是這裡的客人，見碧咸西裝骨骨，未見疲態，在酒吧內欣賞香港夜景，非常疏乎。

碧咸坐在118樓的酒吧內欣賞香港夜色。

蘋果即時

【碧咸來港】萬人迷登118樓OZONE夜蒲

萬人迷碧咸（David Beckham）前日攻港，應邀出席財經活動，前日一到埗即應約飯局，包括CoCo李玟同Simon Fuller等，相約於中環中國會晚膳，之後CoCo仲喺微博晒命，話同碧咸食飯之餘，更收到對方送贈由碧咸嫂設計嘅最新款手袋，李玟亦回贈個人最新專輯《盛開》畀萬人迷，交換禮物好開心。

噚晚(25號晚)，碧咸又出動，過咗海去九龍，去全世界最高酒吧——位於Ritz-Carlton 118樓OZONE酒吧，相約李玟老公Bruce Rockowitz，以及一眾友人摸酒杯底密斟，但就唔見李玟。一行人約有十人，有男有女。西裝骨骨嘅碧咸一到場已經全場癲晒，爭相影合照，不過碧咸就未有答應，只係傾傾吓熱得滯，除咗件西裝褸，更加型!