大哥從澡室走出來, 立即感到一陣寒風… 「嘩, 做咩開到個窗咁大?!」

賞正坐在床上, 蓋著被子, 抱著電腦讀Paula剛發來的專訪「你唔覺得今晚好熱咩?! 我直情覺得自己由個心到熱出黎~」

「哦..」雖然他回應得簡單, 但汝大心裡是在想 “其實你係咪作感冒..”

「師兄呀, 你睇唔睇今期Paula個專訪?」快要生的準媽媽已經準備要關機, 跟寶寶溝通一會後就要休息

「唔啦~ 你食左維他命未?」這應該叫心繫老婆沒錯吧, 在老公的眼中沒其他事比老婆更重要了, 特別是有身孕的老婆

.. .. 有個在私事上迷糊的人忘了.. 她撥撥頭髮, 乾笑幾聲「唔記得左, 以家即刻去~」

「得得得! 唔該你訓返低, 我去拎俾你~」其實大哥早就猜到顧著工作的女人會把藥給忘了.

 

 

賞把手放在已經像個籃球大的肚子上「BB, 你覺得Paula 姐姐嘅功課點呀?! 今日媽咪同爺爺, 姑姐佢地開會個陣, 你咁大力踢媽咪, 真係嚇左我一跳呀, 你係咪想同我地say hi呢?!」這還真的把原本專心開會的她嚇了一跳, 更在會議室引起一陣騷動

「我地一陣等爸爸返黎, 我地再同爸爸say hi好唔好?! 咁我地同爸爸傾完計就一齊訓覺嫁啦, BB都已經好眼訓啦係咪?!..  Um.. 不如我地聽日晏晝同爸爸一起出去食野囉好冇呀?」

汝大拿著杯暖水回來, 在書桌純熟地從不同瓶瓶罐罐拿出幾顆形狀, 顏色有異的維他命遞給小師妹「好呀~ 咁我聽日叫Lemon記得下晝唔好幫我安排schedule.」

賞聽到他說要交代Lemon後不禁在心裡笑著.「Lemon仲點敢星期六放工要你留低呀, 見過鬼唔怕黑咩?!~ 」他們婚後汝大就盡量把時間放在家庭上, 很多時候還是他這個 “助理主席” 等 “ 總編大人” 下班呢. 賞懷孕後, 大哥就更是連星期六下午以後的時間都堅決拒絕辦公. 前幾個月, Lemon 逼於無奈地安排了一個appointment 在大哥的「堅決拒絕辦公」時間, 無奈地被黑臉對待了好幾天, 她以後還敢再重蹈覆轍?! 現在再有推不掉的重要場合要大哥出席, Lemon第一就是去拜託Apple看看Tina可不可以代替, Tina不行的就去拜託大閆生, 再再行不通的就只好到七樓去拜託賞姐了.

 

大哥脫下拖鞋, 爬到床上, 把耳朵貼在賞的肚皮上「BB 今日係咪因為看到爺爺想叫佢呢~ … …」跟 “未來閆少” 道完一輪晚安後, 一家三口就休息了

 

 

閆太這個孕婦呀, 除了懷孕初期胃口受到影響之外其他時間都還好, 可今天起床開始, 她又食慾缺缺. 大哥問「點呀, 有冇特別想食d咩野呀?!」

女人勾著老公從公司走出來「你話事啦, 今日好似口淡淡咁, 都唔係好想食野~」

「咁好啦…」走著走著, 汝大想起昨晚糊里糊塗的感覺到師妹不停的往他那邊靠過去, 他當下就知道是因為“有人”把窗戶開太大, 睡著睡著就覺得冷了, 自然而然地往溫暖的地方靠過去. 他今晨醒來第一個感覺就是 “未來閆少” 貼在他身上.

「等陣.」大哥突然喊停

「做咩呀?!」

「你甩鞋帶~」然後大哥就蹲下來, 幫她重新綁好才繼續走下去

 

… 現在會蹲下來幫女人綁鞋帶的男人不多了…                          

 

                

結果, 他們在公司附近逛了一會, 東西也沒食就回家去了. 老婆沒胃口, 又說有點頭痛, 大哥亦自然沒心情食飯, 所以他打了通電話回家叫傭人準備皮蛋瘦肉粥後就駕著MD 1077回去了. 坐在車上無聊的賞此時此刻既在心內哼著一句「連累你, 唇乾口淡, 因要共我吃最淡的粥, 最清的菜」… 沒關係啦, 如此愛你的師兄不會介意的, 因為他早早就覺得你是感冒了.

 

 

距離預產期越近, 產檢就越緊密, 上次本來跟醫生說好下星期六見準備開刀的. 沒想到 “閆少” 卻等不及, 要在這之前出來跟大家見面, 搞得人仰馬翻. 大哥收到七樓的電話就立即送老婆去醫院, 交代Lemon 通知大閆生, Tina, 並馬上跟主診醫生聯絡. 醫生一收到大哥的電話當然不敢怠慢, 立即排開自己的行程, 在手術室恭候.

 

在高爾夫球場的閆生一接到電話就馬上興奮得跟葉生, 陸生兩個球友大喊「我唔打啦, 啊賞生得, 汝大同佢去緊醫院啦!」

陸生祝福他說「真係?! 真係恭喜你囉, 終於俾你等到個孫出世, 做人呀爺喔.」

葉生又說「咁你快d去啦老閆, 睇你個樣開心到呢~ 我一陣同埋啊Ben同Tina去醫院同你會合啦下!」當然, 葉生說完話就只看到大閆生的背面和他揮手示意

陸生開玩笑說「你睇, 你睇.. 老閆有孫萬事足~」

「你睇佢個樣直情開心到見牙唔見眼, 開心過金波賺大錢!~」

「哈哈, 梗係啦, 我睇我地三個呀, 好快就全部都做晒湊仔 “公”.」

葉生亦很期待升級成為外公, 爺爺「咁就要睇Marco同呀Suki啦, 你都唔洗好耐, Icy 實俾機會你做湊仔公嘅~」有小生命是喜事, 一提起老人家都特別精神

 

 

剖腹生產現在都以半身麻醉為多, 所以, 當殷賞躺在手術床上, 下半身已經沒有知覺, 醫生亦準備就緒的時候, 閆汝大得以蹲在老婆旁邊, 握著她的手, 跟她說話.

「我岩岩係出面等個陣呢… 聽到… 聽到有個小朋友安慰佢Daddy, 叫佢唔好緊張, … 佢… 佢… 佢講d野好鬼好笑~」汝大希望可以利用複述那對父子的對話令她沒那麼緊張.. 說真的啦, 他也好緊張呢.

 

「爸比, 你唔好咁緊張啦. 以家係媽咪要生BB, 唔係你要生..」小男孩的語氣令人知道他其實在笑爸爸的緊張

「你唔明白嫁啦, 就係因為媽咪要生我先緊張, 如果係我要生, 我先唔會緊張~」

「爸比.. .. .. 老師話女仔先可以生BB嫁. 你係男仔~」

 

…接下來的對話汝大就沒有聽到了, 因為到他這個準爸爸戰戰兢兢地去換裝進產房...

 

雖然沒有任何痛楚的感覺, 但這刻躺在床上讓醫生剖腹的人會忐忑是再正常不過的事, 特別是腦海中會不斷出現自己身體被割開, 身體穿了一個大孔的畫面「師兄呀~」

「… 嗯?!... 」他緊張得聲音都在抖

「其實真係幾好笑, 但係係知道醫生係到做緊野, 而下半身冇晒知覺嘅情況下.. 我真係想笑都笑唔出..」

 

幽默的醫生聽到她的話後並沒有停止手上的工作, 只是停著頭說「咁好彩, 你冇笑姐.. 如果唔係咪代表d麻醉藥失效?! 咁到時候就大件事囉~」

護士小姐突然拍拍大哥「閆生, 你要映BB出世嗎? 以家可以映嫁啦~」

 

 

神通廣大的記者朋友一收到風聲說殷賞進醫院了, 大家就立即一窩蜂的來到醫院門口, 擠得水泄不通. 結束當晚新聞出來就是好幾條分別是大閆生, Tina趕到醫院和大概兩個小時後父女連同汝大三人一起下樓見傳媒的新聞片.

「… 我地一齊睇下一身高爾夫球裝嘅大閆生趕到醫院嘅情況呀~」

「大閆生, 大閆生!」十幾個記者一起喊, 再加上十幾個來由不同公司的攝影師把大閆生的車包圍著

可心急的大閆生根本就等不及司機楊幫他開門就直接下車了「辛苦啦, 辛苦啦~」 可憐的司機楊只好擠回大閆生的身邊, 盡職的幫他擋「武器」

 

「大閆生, 出左世未呀?!」

「係女定仔呀?!」

「會不會好興奮呀?!」

.. 在短短的路程, 記者不斷提問, 而大閆生只是帶著喜悅的笑容跟大家說辛苦了和揮手..

 

片段鏡頭一轉, Tina就出現在畫面「… 大約半個鐘頭之後Tina王麗薇亦到趕到醫院, 但係佢冇發表任何意見只係急急腳咁走左入醫院… … 係大家苦等左半個鐘之後, 閆家派出助理為記者朋友準備飲品, 可見大閆生對… … …我地再睇下初為人父嘅細閆生閆汝大連同大閆生同Tina一齊見傳媒嘅片段~」

 

 

片段裡就是一大群記者問不同的問題.. 很嘈.. 只有三位主角開口回應的時間才會靜下來

「閆生, 係仔定女呀?!」香港人就是特別喜歡知道性別然後就想到分家產這問題

「BB點呀?!」

「改左咩名呀?」

「幾重呀?」

 

「多謝大家關心, 母子平安, BB六磅半.」大哥笑著回應

 

「有冇相俾大家睇呀?」

「大閆生抱過個孫仔未呀?!」

「大閆生, 大閆生.. 呢件係開心事, 可唔可以同大家講下心情呀?」

「大閆生會唔會有d咩想同細閆生講咁呀?!」

 

大閆生笑得比花開更燦爛「抱過, 好得意嫁喎~ 梗係開心啦.. 你都識講啦, 係開心事.」                    

「係啦~ 有冇野要同個新抱講呀?」

「大閆生俾幾多分呢個新抱呀?」

「不嬲都係一百分!」

「會唔會點獎勵個新抱呀?!」

「大閆生會唔會俾新抱係你地金波旗下嘅樓盤到任揀呀?」.. 大家見大閆生不再回答就轉向Tina

 

「Tina會唔會驚自己地位不保呀?!」

「Tina 幾時同Ben少拉埋天窗呀?」

「一直都傳你同殷賞不和, 今天佢生左個仔, 會唔會令你地嘅關係更惡化呢?!」

又是他們不和的傳言, Tina已經回應過這類的白痴問題, 如果不是今天她心情好, 一定不會再浪費時間回應「我地一家人嘅關係都係好好, 希望大家唔好再亂寫. 今日好開心我地屋企多左個新成員~」

 

 

住了七天醫院, 殷賞終於抵不過在醫院的無聊而要求老公讓她出院. 如果你在這一刻問她要不要再生, 她一定說「不!」, 這幾天, 除了子宮收縮的痛之外, 還有那15CM長的傷口. 沒錯, 大家看到小孩子很高興, 但可別忘了媽媽真的是非常勞苦功高! 不論是自然產還是剖腹生產, 寶寶出來了, 對媽媽來講並不是結束, 而是那一個 “開始”… 對於殷賞這位剖腹的媽媽來說, 她是動了個大手術, 光是可以看得到的傷口要一點一點的復原, 更可況是在懷孕過程中受影響的五臟六腑?! … 幸運的是, 身為 “閆太”, 她不用親自下床去看孩子, 因為護士會按時把寶寶送到她的房間. 要不然麻醉藥過後要下床, 她一定會站不穩, 直接跌倒, 引至傷口裂開.

 

「喂~ 哦. 好啦.. 等醫生巡完房我地就返黎嫁啦.」 大哥掛上大閆生打來說寶寶已經順利到家的電話

這是他們為了 “閆少” 避過記者, 以免發生意外的計劃. 在大清早, 在門外狗仔最鬆懈的時候讓汝大, 大閆生和新請回來的陪月員女姐靜悄悄地把安睡在Car sit的閆少帶上司機楊的車. 送他們上車回家之後, 汝大當然是回去病房陪老婆, 因為他們要讓主診醫生來再看一次傷口.

 

「佢地返到去啦?!」雖然在這 “偷渡行動”中賞並不需要實際參與, 但她亦是早早醒來… 沒辦法呀, 關係到她十月懷胎生出來的Baby嘛…

「嗯, 你真係要今日出院?!」

「師兄, 我就黎悶死啦..」小師妹第五百一十九次投訴

「但係你傷口仲未好返嫁喎.」

「醫生都會正常黎講最快都要成個月先好得返啦, 唔通我住醫院成個月咩~」

其實屬意老婆能住多久就住多久的大哥挑眉說「如果你肯就最好啦~」

「冇你咁好氣…哈哈」看到老公臉上問她 “你願意住到傷口完全復原嗎?”的表情就笑了, 然後只要她一笑, 一牽動到下腹… 痛!

「得得得, 你唔好講野, 唔好笑, 唔好郁!」一看到老婆皺眉他就緊張, 每天醫生檢查和護士上藥的時候都是大哥最痛苦的時間. 這個年頭好老公難當呀, 心都痛死了.

 

 

等醫生來看完賞之後, 已經是快要中午, 也就是說他們這對注定不平凡的夫婦還是得面對傳媒.

「出黎啦, 出黎啦!」記者朋友都可以去參加田徑比賽了, 什麼短跑, 跨欄一定拿冠軍

「BB冇同你地一齊出院嘅?!」眼尖的他們看到他們並沒有和 “閆家未來繼承人”出來

「BB唔係有咩事呀嗎?!」那記者以為 “閆少” 要留院了

 

面對大家的問題和鏡頭對於大哥來講是平常事, 但今天他只是希望他們不要擠到他的小師妹「小心, 小心.」他們乖乖的站定讓大家問, 賞一直都堅持自己在鏡頭前小說話, 因為她總是覺得那個感覺很奇怪, 畢竟她才應該是拿著錄音筆去問別人問題的人, 而不是被訪. 所以跟大哥在一起的時候, 他總是發言人.

 

「點解唔見BB嘅?!」

「爺爺接佢左返屋企啦, 有心~」

 

「咁BB改左名未呀?!」

「“理帆” Leven. 道理個理, 巾凡, 帆. BB呢一代係理字派, 跟返屋企傳統係爺爺嘅意思. 帆字就係我地兩個改嘅.」

 

「咁點解會改帆字呀?!」

「我地兩個都覺得帆字有好靚嘅意境.」其實除了取其韓愈和李白詩中意境之外, 汝賞都心內都覺得 “平凡是福”

 

「會唔會幫BB生返個弟弟,妹妹呀?!」

「我地仲係新手父母, 冇經驗. 呢D遲小小先算啦.」 想到這幾天和將來幾星期老婆要受的痛楚和過去十個月她的辛苦, 光是這兩點大哥就一點都不想再生, 讓師妹再經歷懷孕和生產.

 

「有冇合照俾大家睇呀?」雖然這已經夠做版面了, 但大家還是很想登一張有 “閆少” 的照片

「今晚我會叫人email俾你地, 辛苦晒.」看到司機楊已經在外面等, 大哥小心的護著賞的頭讓她上車

 

合照大哥當然會公佈出去, 畢竟他也是半個傳媒人, 知道大家會窮追不捨, 所以直接公開是最好的解決方法. 反正Leven的樣子天天都在變, 照片上他長這樣, 明天又是另一個樣子了.

坐在旁邊, 久久沒開口的小女人說 「我唔要上鏡. 一陣你, 老爺同Tina三個同BB映啦下~」雖然閆少已經改了名字, 可是大家還是習慣叫初生的嬰兒做 “BB”

大哥聽後嘴角含笑, 因為了解師妹的他很清楚她的原因 「咁未唔係三代同堂囉.」

「咩唔係三堂?! 唔制呀, 我以家個樣咁肉酸, 未來三個月都唔好映我, 唔該. 你映你個寶貝啦下~」說到要拍BB成長過程, 這重任當然直接落在 “專業人士” 身上

「映我個寶貝?! 即係你呀?!」故意逗她

受落的人嘴角不受控制地上揚, 還裝嚴肅地說「師兄! 你一定係識左D壞朋友, 學到曳晒~」

END

欲知閆家三堂生活事, 請鎖定「給汝殷賞」系列!