加载中…
《西游记第一百零一回之仙
(2007-05-09 01:42:12)
标签：
杂谈 |
分类： MSN搬家 |
《西游记第一百零一回之仙履奇缘》係所谓嘅《大话西游II——大圣娶亲》嘅正式名称。
因为太爱呢出电影，我曾经傻傻地，一路睇呢出戏嘅DVD，一路将所有台词抄低。
而家我就将所有台词放上呢个blog度。
好，我知道网络上本身有出戏嘅剧本，所以我做紧D吃力不讨好嘅事，不过我愿意。
*注意*：我抄低嘅只係台词，唔係剧本！！而且係广东话版本！！
阿鸡！！我都话我愿意咯！！！（顺便睇下有冇错）
人物：（）内为简称
至尊宝（宝） 紫霞仙子（紫） 青霞仙子（青）
白晶晶（白）
牛魔王（牛） 铁扇公主（铁） 香香（香） 唐三藏（唐） 猪八戒（猪） 沙僧（沙）
观音（观） 菩提（菩） 春三十娘（春）
孙悟空（孙） 二当家
二郎神（二） 四大天王（四） 菩提嘅手下（M）
牛魔王嘅手下（N） 怪物（怪） 其他配角（X）
*注意*：因为出戏啲人物识变身吖，灵魂交换吖咁，所以我用=〉“真实身份（表面身份）”咁样嚟表示讲嘢嘅人嘅身份。
=======================不华丽的分割线=============================
紫：哇，好靓啊！
二（客栈掌柜）：好攰啊！……各位客官，阻你哋一阵，好快就点着噶啦……唔好意思，对唔住。
紫：阿伯，你咁样点灯点唔着噶，净係得D油，都冇灯芯。
二（客栈掌柜）：我都知，但係唔见咗条灯芯又有乜办法嚄。
紫：买过条啰。
二（客栈掌柜）：有道理。姑娘呀，借问一声，假如如来佛祖嗰盏神灯嘅灯芯唔见咗，咁又去边度买呢？
紫：知你有蛊惑噶啦，现身啦……哦！原嚟係二郎神同埋南天门嘅四大天王。
二：紫霞，你同你姐姐青霞仙子，本来係佛祖日月明灯捲埋一齐嘅灯芯，你竟然擅自离开天庭，仲公开对人话，边个能够将你手上嘅紫青宝剑拉出鞘，就係你嘅如意郎君。
四：你係神仙点可以动凡心噶，假如俾D邪魔妖道拔咗把宝剑出嚟，我哋仙界岂不是成为笑柄？
紫：我唔理佢神仙又好，妖怪又好，把剑只有我同我意中人先拉得开，就算佢係妖怪我都会一心一意咁跟住佢噶嘞，如果唔可以同我喜欢嘅人喺埋一齐呀，就算俾个玉皇大帝你做都唔会开心啦！
二：岂有此理，教焉不善。既然你係执迷不悟，咁样我就要替天行道，要你喺人间同仙界消失！
紫：只羡鸳鸯不羡仙，消失咪消失啰！
二：放肆！
二：唔使讲嘞，呢件事边个讲出去我就杀咗佢。
四：呃……
二：我都话咗唔准讲咯！
四：唔係呀，我想话你知，你只哮天犬喺出面骑住只狗乸。
二：连佢都动凡心？好，今晚我就劏咗佢嚟食！
四：好呀，我哋四兄弟想咗好耐噶啦！
宝：晶晶！晶晶！点解会咁噶？D人呢？
紫：神仙呀？妖怪？唔该！
宝：哎，盘丝洞唔好乱闯！
紫：盘丝洞？你虾我唔识字呀，水帘洞呀……盘丝洞，吓，呢个名又几好听嚄，就叫你做盘丝洞啦！好！我就住喺呢一度。
宝：咪住！
紫：哎！我而家郑重宣布，喺呢个山头所有嘢都係我嘅，包括你在内。
宝：我？
紫：係呀，好似係驴仔咁，帮你打个印先。你而家係我嘅人啦，如果有你“蛤”你，你就跶我朵啦，从今日起，我叫盘丝大仙。
宝：盘丝大仙？五百年前？
（回忆）观：你未变成孙悟空托世，係因为你未遇到俾三粒痣你嘅人。
紫：芝麻开门。芝麻闩门。
宝：我唔信。我唔信。我唔做马骝。我要返去救晶晶，俾翻个宝盒我呀唔该。芝麻开门。冇理由呀，我明明听到佢话芝麻开门。芝麻开门！喂……茅唔茅啲呀！怕咗你啦，睇嚟要运过第二条路入，上山！嗰边嗰边……
紫：芝麻开门。边个，边个呀？喂！喂！哗！使唔使砸到咁散呀……
宝：呢个月光宝盒呢
紫：我个啰，讲咗啦，呢度所有嘢都係我噶嘛，你想点呀？
宝：冇，冇。我听见你话想走，唔知可唔可以带埋我？
紫：你又俾人追杀？
宝：我赶住去救人呀。
紫：救边个呀？
宝：救我娘子啰！白晶晶吖嘛！你识佢噶！
紫：唔识。
宝：我知！但係你迟啲就识噶喇，因为佢将会做咗你嘅徒弟吖嘛！仲有呢个宝盒……
紫：我噶！
宝：我知！但係其实係我俾咗你，然之后，你再喺嗰个时候俾翻我，先至有我返翻到嚟家下呢度俾翻你咋嘛，你明唔明啫！
紫：我明了！你痴线噶！
宝：总之你带埋我走啦
紫：我点解要对你咁好啫
宝：咁你係主人，你走咗我一个人留低度有咩意思？
紫：係咩？坐吖！地下。手。乖呀吓，一阵呢，买过件新衫俾你返去见你娘子吓。吠呀，投入啲啦！
宝：仙子，快啲走啦，个月光出嚟啦，係时候啦
青（紫霞）：走去边呀？
宝：你唔走呀？你唔走俾翻个宝盒我，我走呀
青（紫霞）：咩宝盒
宝：我就唔会再等到听晚噶，讲你听，你都快啲啦，仲讲，唔係阵间又话个贱人家姐上嚟迫害你喇！
青（紫霞）：贱人！四周围同人讲话我迫害佢
宝：点话？
青（紫霞）：我就係个贱人嘅家姐。讲我坏话！
紫：至尊宝。喂，至尊宝呀。你做乜琴晚唔叫醒我呀？做咩啫，你行去边啫。企喺度呀。坐低！凳呀！做咩嘢啫，咁望住我噶。你见到啲咩呀？你见到佢呀？你见到我家姐呀！佢咁快追到嚟嘅？佢同你讲咗啲咩？你唔好信佢，佢痴线噶！我同佢呢，前世就斗得好犀利嘅，后嚟佛祖就将我哋捲埋一齐，成为一条灯芯。咁呀琳住要我哋苦行修炼化解呢段恩仇嘅，但係可惜呀，事与愿违，我哋比以前斗得更加厉害。唔好讲啦，走啦走啦。你以为我精神分裂呀？我冇呀！嗰个真係我家姐嚟噶！嗱！你唔信我！嚟！我哋将我哋嘅手绑埋一齐，今晚你就知。
宝：睇嚟今晚都唔会有月光。
青（紫霞）：係咩？贱人！你飞唔出我手指隙嘅！
宝：贵姓呀，（先）生~
青（紫霞）：姓林
宝：原来你就係我大佬讲嗰个林青霞。
青（紫霞）：你大佬？
宝：琴日俾你打嗰条粉肠，叫至尊宝呢
青（紫霞）：咁你呢？
宝：我係佢孖生细佬至尊玉。
青（紫霞）：至尊宝，至尊玉，你想呃我呀？
宝：你真係冰雪聪明，其实我大佬嘅真名叫做秦汉，我叫秦祥林。
青（紫霞）：咁夜你喺度做咩呀？
宝：我好仰慕你。
青（紫霞）：你仰慕我？
宝：仰慕何止呀，简直係怕失去咗你，所以专登将自己同你绑埋一齐。你接受我对你嘅爱啦！我哋一齐远走高飞呢！
青（紫霞）：爱我就付出代价先啦！哼！
宝：废话唔讲嘞，总之你家姐憎到你非常，我今晚呃佢话我杀咗你，你以后就安乐啦。所以我要攞你身上一件信物俾佢睇，咁你有啲乜嘢颈链首饰，金银珠宝吖，月光宝盒嗰啲。
紫：好呀，不过嗰啲冇用噶，嗱，你今晚攞我把紫青宝剑俾佢睇，佢一定会信到十足十噶！
宝：都好。
紫：（竟然係佢？）喂，趁而家未天黑带我入市集行下吖
宝：做咩呀？做乜啫？
紫：我个心跳得好厉害呀
宝：做咩得噶？
沙：而家大师兄变咗人样，仲同紫霞仙子喺埋一齐，唔通捉师父呢单嘢紫霞仙子都有份，我哋跟踪佢唔好打草惊蛇。
猪：论智慧同武功呢，我不嬲都比大师兄高少少。但係而家多咗个紫霞仙子，恐防佢就高翻我少少嘞
沙：呢边有我吖嘛！
猪：就係因为多咗你呢个负累，佢先至会高我少少
X/妇人：呢个猪头，切半边俾我吖唔该。
猪：猪头唔卖嘅，猪粉肠啦！
宝：做咩呀？
紫：我嘅意中人喺附近呀。
宝：係？你见到呀？
紫：唔係。因为我把紫青宝剑发出嘟嘟嘅信号。
宝：边有嘟嘟？
紫：嘟……嘟……嘟……係咪呀？
宝：你嘟啫，把剑冇
紫：我就係知你听唔到，所以我咪嘟俾你听啰。死喇，我好惊呀，你信我啦，我真係好惊呀。
宝：惊咩啫？
紫：呢段姻缘係上天安排嘅，你话几惊呢。
宝：又嚟嗱？
紫：係呀，我个心又跳，我把剑又嘟嘞。死啦，我点同佢讲呀？点同佢讲啫？
宝：照直讲啦，话上天安排咗有单咁嘅姻缘啦。
紫：咁如果佢唔钟意我，又或者佢有老婆呢？
宝：奈你唔何噶，你而家上天安排係大晒噶嘛！
紫：真係？
宝：咁你上天安排啦已经，仲唔大晒咩你家下
紫：咁又係。係呀。佢嚟咗呀
宝：唔係我呀嘛？
紫：係呀！你点知噶？就係你呀！你知唔知呀，我头先唔知点同你讲好呀，我真係聪明呀
宝：但係我有老婆噶啰嚄。
紫：我知，但係我都冇办法噶，段姻缘係上天安排大晒噶嘛，嗱，你而家呢，就惟有撇咗你嗰个老婆，跟我一齐走。
宝：都好嚄
紫：好呀？
宝：好好添呀直情
紫：咁我而家开始我哋大家呢段感情啰嚄
宝：即刻开始吖
紫：咁我哋锡啖先呀
宝：听见就兴奋嘞
紫：嚟呀
宝：妖！你俾翻个宝盒我先啦
紫：你呃我。你根本就唔想锡我，你头先讲嘅嘢全部都呃我嘅
宝：我讲真嘅，你俾翻个宝盒我先喇，使唔使我攞个心出嚟你睇下啫
紫：唔使，我自己嚟。……哇！乜你个良心，成个椰青咁嘅。
宝（良心）：小姐，无可否认我係样衰，不过我很丑，但我很温柔，仲永远都唔会讲大话添。
紫：咁你老实话俾我听，佢同佢娘子係咪好恩爱呀？
菩：嗰个咁嘅木咀，见一锅打一锅呀
M：菩提大哥，你睇下佢
菩：係噃，睇过，真係唔郁噶噃！
紫：我明啦
菩：你耖下佢吖喂，嚟呀
宝：老友，咩嘢意思
菩：冇呀，见你身材咁好，咪耖下你啰
宝：咁样，又难怪你嘅
菩：咁即係冇嘢啦，咁继续啦，你耖下面啦
紫：边个只手呀？
菩：你讲咩呀？
紫：缩开！
菩：神仙呀！
宝：玩完未呀
紫：喂，你唔好嬲啦，我玩下噶咋，个宝盒其实喺我家姐度啊，佢实会俾翻你嘅
宝：点敢嬲你吖姐姐，摆你上神台当观音咁拜都嚟唔切啦
紫：天黑啦，我避开家姐啊，祝你好运吖
宝：唔慌唔好运嘞，呢锅真係……青霞，你喺边度呀，出嚟吖，我杀咗你阿妹嘞
观：孙悟空，你只畜牲，你为咗同牛魔王个妹成亲，竟然将师父唐三藏做贺礼，仲要约埋D妖魔鬼怪食唐三藏
孙：八婆！追咗我三日三夜，我见你係女人先唔打你咋，唔好以为我怕咗你嚄！
唐：悟空，你点能够咁同观音姐姐讲嘢嘅呢
孙：咪嘈！
唐：你又嚇我嘞
宝：孙悟空，唐三藏？
观：你知唔知你已经犯咗弥天大罪呀？你仲抢咗紫霞仙子嘅月光宝盒，分明就係想避开我啫
孙：既然避无可避，老孙就同你决一死战啦
唐：做咩呀，悟空。你曳曳嘞。我教你好多次唔好乱咁掟嘢，你又唔听话嘞，话口未完，连支棍都揼埋。月光宝盒係宝物，你乱咁掟，会染污环境噶，好容易掟亲啲小朋友，就算冇小朋友，掟亲啲花花草草都唔好嘅。做咩呀？
孙：放手吖！
唐：你爱呀，你爱要出声至得噶，你爱我会俾你，你唔爱我当然唔俾你啦。冇理由你话爱，我唔俾你，你唔爱我俾你噶。大家讲道理吖嘛，嗱，我数三声，你话爱唔爱啰噃。一……
孙：我淒！
观：吓？孙悟空！
孙：你见到啦，条友讲嘢长篇大论，九唔搭八，依依哦哦。就成日好似有一只乌蝇嬲埋嚟，Eh……哦，对唔住，唔係一只，而係一咋乌蝇喺你耳仔边，Eh……哦……一路飞入你嘅脑里头。救命啊，救命呀！于是乎，我要捉住只乌蝇，链爆佢嘅肚，“必”佢条肠出嚟，再将佢条肠箍翻住佢条颈，用力一扯，成条脷筋出咗嚟喇，我再手起刀落。哗，成个世界清静晒。咁你哋而家知道，我点解要食咗佢嘞
唐：真嘅咩
观：诸多籍口，你根本唔想去取西经，就算多嘢讲都唔可以原谅你欺师灭祖嘅行为
唐：姐姐你咁讲够唔啱啦，悟空要食我，只不过係一个构思，都未成为事实，你又冇证冇据，佢又何罪之有呢？不如等佢食咗我之后，你有证有据嘞，再定佢罪都未迟啦
观：唐三藏，你烦我一早就听讲过啦，不过琳唔到你咁烦啫，我以前俾个金刚圈你制服呢只马骝，你竟然唔用
唐：讲起嗰个金刚圈，尺码又差，前重后轻，左宽右窄，佢戴咗之后好唔舒服噶，成晚失眠，连累埋我噶。佢虽然係只马骝，但係都唔能够咁虐待佢，官府知道会告我虐畜噶，讲起个金刚圈，啊，去年我喺陈家村认识一个铁匠，佢嘅手工精美，价钱公道，童叟无欺，不如等我介绍你再打造一个吖
孙：收声啊！
观：咪嘈！罪过罪过
孙：咁你而家了解到我嘅痛苦未呀，答我啦！
宝：掂嘞！
唐：都话叫你唔好乱咁揼嘢噶啦
宝：吓？
观：妖猴，受死啦！
孙：凭你想捉住我？你估你係如来佛祖呀
唐：唔好打嘞，唔好打嘞。观音姐姐，求你放过悟空，唔好杀佢啦，都话唔好打咯
观：今日我要替天行道
唐：观音姐姐，手下留情。试问人谁无过。佢始终係我徒弟。徒弟有错，做师父都有责任嘅，求观音姐姐你放佢一条生路啦
观：我唔消灭佢，我冇办法同玉皇大帝交代
唐：我唔会令你难做嘅，求你同玉皇大帝讲声，我愿意一命换一命。正所谓我不入地狱，谁入地狱，求姐姐你体谅，我咁样做，无非想感化劣徒，以配合我佛慈悲嘅大无畏精神啊！
观：善哉善哉，悟空，希望你有一日都可以领悟到你师父呢种舍身取义嘅精神
唐：南无阿弥陀佛……啊……
宝：唔通琴晚又发恶梦，呢锅大，发亲恶梦都未好过嘅。青霞呢？冇嚟过嘅，青霞……
X/商人：咁好口，去嗰边啦！
宝：大吉大利老细，万寿无疆添噃老细！
猪：啊，明明见月大仙走咗上嚟噶，点解突然间唔见咗人嘅
沙：哎！最衰係你，屙咩尿呢，忍多阵都唔得
猪：屙尿都叽拮
沙：黑风老妖？
唐：呃，悟空，你又扮人样啦，你认得为师吗？
宝：吓？係你条木契
唐：悟空
宝：冇可能嘅，一定又係发梦嘅啫
唐：悟空，发梦冇咁早，不过，我喺时空穿梭嘅时候就经常发梦见到你，你係咪好挂住为师呢
宝：係嚄，个月光宝盒喺你度嚄
唐：喺我度，你仲想要？
X1/商人：边个？咩嘢事呀？
宝：有官差啊
X1/商人：做咩嘢？
宝：又话喺度借宿一晚嚄，係我阿爹嚟噶，冇问题吖嘛？
X2/商人：你阿爹？
宝：係呀，阿爹，出嚟同几位大哥打个招呼
X1/商人：佢守边度噶？
唐：守印度
X1、X2/商人：印度？
X1/商人：未听过嘅。我哋听日仲要赶路，你训嗰边
宝：多谢晒
X2/商人：嘈鬼住晒
X1/商人：真係麻烦
宝：训上去
唐：该煨啰，啱啱先喺印度嗰边训醒又要我再训
宝：趴低啦，死铲。个月光宝盒喺边度啊？
唐：悟空，你斯文D得唔得，做乜咁猴急啫。你睇
宝：做咩呀佢？
唐：吸紧阳气啊，咋训啦，希望佢吸饱人哋唔吸我哋，训啦
宝、唐：走啊！
唐：你唔认得我呢。正话嗰个嚒啰叉呢。你钟意呀，攞去。我徒弟叫我，bye
bye。叫咗你唔好玩火噶啦，阿弥陀佛，bye bye。
宝：哗，我唔係你师兄呀
猪、沙：师兄
宝：唔好烦我啊你哋
猪：咪走啦
猪、沙：师父，终于见翻你啦，师父
宝：个盒呀，盒呀。又係牛魔王？
牛：贤弟，你捉咗唐三藏嚟俾我啦
怪：恭喜香香小姐新婚之喜呀
X/女仆：小姐，毛巾呀
宝：喊咩吖，就算係都係我先喊先啦
香：我唔係喊，不过见到你流晒口水啫
牛：各位兄弟，招呼唔到呀
猪：师兄，师兄呀，师兄
牛：今日可以话係双喜临门
怪：点解呀？
牛：今日除咗係舍妹出阁之日，亦都係我雄牛纳妾之时
怪1：纳妾呀，咁阿嫂冇意见咩？
牛：个黄面婆不解人意，佢而家喺十万八千里外嘅火焰山度，第日就算佢知道都奈我唔何呀
怪2：牛大哥呀，你究竟点样认识呢一位新夫人嘅呢？
牛：我前晚经过洛阳沙漠，见到一位貌美如花嘅女子，伏咗喺地度奄奄一息
猪：大师兄呀，咁点呀
宝：得噶啦！係咁话啦，得噶啦
怪：紫霞仙子。係嚄，紫霞嚄
猪：好嘢，今次得咗
牛：紫霞，你个名真係好听，等我介绍我个妹夫同我细妹你识呀！香香！贤弟！过嚟呀。呢个係我妹夫，呢个係我细妹香香
香：紫霞姑娘
紫：乜你可以留低喺度成亲咩？
宝：得挂
紫：咁你屋企个老婆点呀？
牛：老婆？乜你哋识噶？
香：你有老婆？
宝：离咗婚噶啦！
香：点解我从来冇听你讲过嘅？
牛：妹啊妹，男人有三妻四妾好平常噶咋嘛，使乜咁紧张吖。贤弟呀，你话係咪吖？
宝：係呀，係呀
牛：紫霞，实不相瞒，经过呢两日朝夕相对，我发觉我已经深深爱上咗你，为咗表示我嘅诚意，我当住我啲兄弟面前向你求亲，呢个月光宝盒，就係我送俾你嘅定情信物，我希望你会答应我。
怪1：我反对呢头亲事呀！
牛：你讲咩呀？！
宝：等我嚟。讲咩？讲咩？讲咩？人哋家下郎才女貌，天生一对，几时轮到你“咋”鸦乌嚟反对啫
怪2：紫霞仙子择偶係有一个规矩嘅，如果大哥你能够做得到，咁我哋就心服口服嘞。
宝：规咩矩呀，有呀？
怪2：呢个规矩就係，边个能够将佢把紫青宝剑拉出鞘，就係佢嘅如意中人嘞
怪：紫青宝剑？！
牛：等我嚟！
紫：冇啲咁嘅事，呢个只不过我以前同大家开嘅一个玩笑
怪：开玩笑？
紫：把剑边个开到，边个开唔到，根本冇关系
牛：你班冚家铲喺我地头搞搞震，边个阻我，边个死！边个阻我，我杀边个！
N：大王，铁扇公主嚟咗
宝：你做乜匿埋喺度啫？（当时把剑距离我喉咙只有零点零一公分，但喺四分之一炷香后，把剑嘅女主人将会彻底咁爱上我，因为我决定讲一个大话。虽然本人生平讲大话无数，但係呢一个，我认为係讲得最完美嘅！）
紫：你再行前半步嘅话，我杀咗你
宝：你应该咁做，我亦应该死。曾经有一份至真嘅爱情摆喺我面前，我冇珍惜，到冇咗嘅时候，先至后悔莫及。尘世间最痛苦莫过于此。你把嘢喺我喉咙度拖落去啦，唔需要犹疑噶啦。如果个天可以俾个机会我返转头嘅话，我会同个女仔讲三个字，我爱你。如果係都要喺呢份爱加上一个期限，我希望係一万年。
紫：咁你点同你嗰位娘子交代呀？
宝：一定要交代。所以我点都要攞翻个月光宝盒，同你一齐翻去同佢哋讲清楚。我唔理任何人点讲，亦都唔怕后世会有千千万万嘅人对我唾骂！我一个人承受。
紫：你唔好呃我嚄！
宝：但係，我痛恨我自己冇本事攞翻个宝盒。我……
紫：我帮你。
宝：唔好，好危险。
紫：你唔想？
宝：想！
牛：我点会进屋藏娇吖，夫人。谣传嚟噶咋
铁：我信你就傻呀。你哋喺度做咩呀？佢係边个？我问你呀，佢係边个呀！
牛：佢呀……贤弟，佢係边个吖，你好讲啦
宝：我发妻
牛：哗！你听到啦！你都算衰啦！贤弟，好兄弟！
铁：咁你仲将个妹嫁俾佢？
牛：所以佢老婆都睇唔过眼，用剑插佢啰
铁：你跟我过嚟！我有嘢问清楚你
紫：原来你有老婆嘅
牛：冇晒感情噶啦~
铁：你好同我讲清楚，成件事究竟係点吖？
宝：讲咗啦，阿嫂
铁：你叫我做阿嫂呀？
宝：对唔住，应该係牛夫人
铁：以前一齐睇月光嗰阵，就叫人哋做小甜甜，而家新人胜旧人，就叫人哋牛夫人
宝：小甜甜？
铁：你估我咁辛苦翻嚟呢度，真係为咗嗰衰佬呀？我为咗你呢只咁冇良心嘅马骝精咋！
宝：哎呀，哎呀
牛：贤弟帮我啃呢一剂真係辛苦啦
宝：唔关我事噶！
铁：我唔理，总之你今晚二更时分，你一定要喺度等我，大家四四六六拆掂佢……如果我係你呀，个老公要娶妾侍嘅话，我就死咗佢！
牛：真係？
铁：係！不过首先要阉咗你先！行！
宝：紫霞，咁我……
紫：我信你吖。今晚等我攞翻个月光宝盒，二更喺度见。
猪、沙：师兄呀
宝：等我搞掂我班兄弟先，今晚见
铁：死马骝吖，二更啦，都未出现
猪、沙：大师兄
猪：嗱！係咪呀，我都话大师兄实唔係敷衍我哋嘅，佢一定救师父嘅，咁夜出嚟唔通屙尿咩！唔使赞，我高你少少咋嘛，冇咩大不了呀。又赞我啰！
沙：唔好讲咁多，去救师父呀。行啦。
猪：行啰
宝：我真係出嚟屙尿
猪、沙：行啦。
N1：边有人成日吟吟寻寻
N2：边有人咁多嘢讲啫，真係吖，攞命呀，走啦！
猪：肯定师父喺入面嘞
沙：係呀係呀
宝：除咗佢之外，冇人会咁攞命嘅。你哋入去先，我喺后面。
猪：你喺中间。行啦。
沙：入去。就係呢度呀，呢度呀，嚟
猪：师父，师父呀。师父，我同佢哋嚟救你噶！
沙：我哋嚟带你走噶！
唐：我唔会走嘅
猪：点解呀？
沙：你唔走？
唐：我哋四师徒今次取西经可以讲困难重重嘅原因係我哋唔得齐心合力，所以俾D妖魔鬼怪得逞啫。既然係咁，我喺呢个监仓，同喺外边有乜分别呢？外边对我嚟讲，只不过係一个大D嘅监仓。你哋出去先，我有啲嘢要同大师兄讲
猪：师父
唐：八戒，你又曳啦
猪：唔係呀，师父，咁我喺出面帮你睇水啦，沙僧跟我嚟，你翻去。吹个波，吹个大个波。嘻，跌咗嘢呀。师弟，收埋佢哋。
沙：点解係我呀？
猪：因为我本领高强过你
唐：你入嚟坐下啦
宝：坦白讲吖，我唔係你徒弟嚟噶，更加唔想係你徒弟。大师我知你慈悲为怀，你当係放过我啦，好吗？
唐：你知唔知咩嘢係登登登登……？
宝：咩登登登登？
唐：登登登登就係，Only
you， can take me取西经。Only you，能杀妖精鬼怪。Only
you，能保护我，唔使俾D蚌精蟹精dap我，只有你咁劲，就是only you。O-O-Only
you，莫怪师父喑谮，戴翻个ku，莫怕死咪发TiTeng，碰到钉咪惊，I
understand，要全力地去Do，要惊就两份惊，喃呒阿弥陀佛
宝：我真係唔得嘞，你唔好再……
唐：O-O-Only
宝：你老板话，你真係，我已经话咗唔得噶啦，你仲要啊啊啊啊咁，完全唔理我几咁难受嘅你，你唔好再烦我，我一嘢“队”死你
唐：悟空，你即管“队”死我啦。生亦何哀，死亦何苦。到你明白到舍生取义，你自然会翻嚟同我一齐唱呢首歌噶嘞。喃呒阿弥陀佛……
宝：紫霞
猪：师兄，你仲咩带埋个女人走呀
宝：师父走咗啦，叫你哋喺三百里外大树林等佢，快D去啦
沙：咪住，前面有埋伏
猪：一眼就睇到啦，使乜听啫，正蠢材
宝：抱住！香香！点解你喺度嘅，哗，咁多血嘅你只手
香：呢D血，係你抱住个女人嘅
宝：係佢嘅
香：冇错，係佢嘅。今晚我趁佢训着咗，插咗佢几刀。呢个女人一日唔死，你都唔会翻嚟我嘅身边
宝：真係，有D嘢冇得勉强，天意係咁就咁啦，你哋话係咪
猪、沙：係呀
香：废话，如果个天要你钟意猪八戒你会唔会钟意吖？
宝：如果个天真係要咁安排，我都冇办法噶
香：好，唔使等个天安排
宝：哗！想点呀
猪：走呀，走呀
香：移形换影大法……我要将你同旧石调转！
沙：放开我，抓你个波！
宝：紫霞，紫霞。醒下喂
猪（紫霞）：大师兄，做咩揽住我呀？
宝：猪八戒？
猪（紫霞）：係呀
宝：咁紫霞呢？
青（猪八戒）：秦祥林。
宝：青霞？哗，唔好搵D咁嘅嘢搞好嚄
猪（紫霞）：死啦死啦，连我都中埋招嚄，家下两旧胸肌揼到落肚脐嚄
青（猪八戒）：你唔会嫌弃我吖嘛？
宝：咁又唔会
青（猪八戒）：咁你即係嫌弃我啫。好！一拍两散啦！
宝：你俾D时间我吖。我呕下呕下就惯噶啦嘛
青（猪八戒）：好！我信你。我就俾D时间你而家慢慢习惯下先啦
宝：好呀。我得啦。
青（猪八戒）：嚟呀
猪（紫霞）：唔好讲啦，连我都想呕呀
青（猪八戒）：一日都係你个样衰，如果唔係，佢使呕成咁样？吓？佢咁为得我，我决定嫁俾佢，俾个温暖嘅家庭佢！同佢生好多好多细路仔。祥林。
沙（香香）：我要杀死你，杀死你！
猪（紫霞）：师弟师弟，连你都仲埋招呀？
沙（香香）：你快啲同我调翻转呀！
猪（紫霞）：咪嘈！听我讲。我唔难为你，你快啲发功，将我哋调翻转。
香（沙僧）：你估我唔想咩，发咗一次功，要等七七四十九日至可发第二次噶
猪（紫霞）：七七四十九日？我叉你得唔得呀？
青（猪八戒）：祥林，你面对现实啦！
沙（香香）：快D俾翻个肉身我呀，快D发功，唔好咋谛，快啲！
紫：边个喺我里面呀？
猪（紫霞）：乜嘢喺你里面呀？我都唔知喺边
沙（香香）：两把声嘅？
紫：你係边个？
猪（紫霞）：我咪猪八戒啰，你呢？
紫：我係紫霞
青（猪八戒）：祥林。
紫：至尊宝！
沙（香香）：师兄
宝：紫霞，紫霞……你仲喺度吓？
青（猪八戒）：你呢个贱人。
紫：哦，终于俾我见到你啦！做咩呀你？冇见咁耐变咗咁嘅样嘅？
宝：个月光宝盒
紫：唔记得咗攞呀。呃你咋！
宝：攞嚟
青（猪八戒）：你攞个月光宝盒做咩呀？
紫：同我远走高飞啰！嗱，你咪缠住佢呀，肥婆！
青（猪八戒）：祥林会同你远走高……牛魔王呀！你唔好又喺度发梦呀。
紫：唔信吖？你问佢吖！
青（猪八戒）：你话钟意我就係为咗攞呢旧嘢，想同佢走係咪？
宝：唔係……完全冇D咁嘅事，唔信你揼咗呢旧嘢佢吖笨！
青（猪八戒）：好！
宝：做人有阵又唔使太冲动。
青（猪八戒）：你睇你个衰样吖，你仲话唔係，我就揼咗佢！
香（沙僧）：阿哥！
沙（香香）：行开！
香（沙僧）：好有男子气概吖！
沙（香香）：收嗲呀！
香（沙僧）：我钟意呀！
牛：今次睇你哋仲走得去边！
宝：哗！牛兄，乜咁伤呀？
牛：你估个衰婆好得过我好多呀？你睇下啦！
铁：你都呃得我够啦！
宝：喂！其实我就根本唔係
青（猪八戒）：祥林，嗰个边个嚟噶？
铁：我信你就傻呀，衰佬！而家我正式撇你，以后各自搵食啦！
牛：好！你捉你嘅！我捉我嘅！
宝：快D救紫霞，个肉身你都有份噶。打到佢血肉模糊，你攞翻都冇用呀！
青（猪八戒）：係嚄
铁：想走？
牛：今日唔讲清楚你咪使旨意走啊！
青（猪八戒）：唔准打佢！
紫：喂，死肥婆，我同佢啲嘢使乜你帮手呀？
青：慳啲吖你，我惊佢整花我完美嘅身体，鬼得闲帮你手！
紫：哎吔。打就打啦，咁多嘢讲，信唔信我帮佢手，打埋你吖嗱！
青：你试下！女人嚟噶，你使唔使咁大力呀？我同佢死过！
紫：我就唔帮手，睇你两个打得几耐。
宝：走啦！
紫：唔得，我一定要帮你攞翻个月光宝盒，等你翻去同你位娘子都有得交代
宝：你个人好嘢呀，冇得顶！
紫：真係？
宝：你点会仲有得顶啫咁样。等等。
牛：衰婆，唔好打我条女呀！
铁：我钟意！
牛：你个契家佬走咗啦！
紫：走都走得咁有型，我真係幸福呀
宝：冇办法啦，扮跳崖啦。摆翻近啲好嚄
铁：孙悟空，唔好跳崖呀！
宝：我都唔想噶！
铁：（你宁愿跳崖都唔见我。）算啦，我都係翻火焰山。
M1：早知要充军，我哋就唔做嗰单嘢啦
菩：点知去偷菩提子都要充军咁大锅得噶
M2：早知係咁就偷第二样嘢啦
X/官差：早知就唔好做贼！好似我咁当兵。你哋冇机会噶嘞，除非神仙打就你哋啦
菩：真係神仙打救呀。神仙呀！
宝：晶晶……
M1：菩提大哥呀，唔知佢想蒸乜嘢呢？
菩：多事呀你
沙（香香）：你唔好再博我懞。
香（沙僧）：人哋钟意你先博你懞之嘛
沙（香香）：嗱！要做我嘅女人，以后就唔好好似你哥咁为非作歹
香（沙僧）：哦，知啦
沙（香香）：行啦
菩：饮茶
宝：唔该晒你
菩：唔好客气
宝：点解又要带我翻嚟呢个洞？
菩：唔係我带你嚟，係你晕咗迷迷糊糊带我哋嚟嘅
宝：我一定係太挂住晶晶
菩：係呀！你晕咗嘅时候，叫咗晶晶呢个名九十八次
宝：晶晶係我娘子
菩：仲有一个名叫做紫霞嘅，你叫咗七百八十四次。七百八十四次，阿紫霞梗係挣你好多钱。
白：我要拜盘丝大仙为师，佢分明将水帘洞改咗做盘丝洞。你哋够胆呃我话冇呢个人？死马骝，原来你仲喺度，点解你咁对我呀？
宝：晶晶，晶晶，见翻你真係好
白：咩嘢话？
宝：你瘦咗。我唔係孙悟空嚟，但我唔知点同你讲，因为你实唔信
白：我信。只死马骝唔会对我咁温柔，你係边个？
宝：我就係你五百年后嘅相公，五百年后你会因为我而放弃你而家呢段感情，我千辛万苦翻到嚟呢度同埋做嘅任何嘢完全都係为咗你。晶晶，我好挂住你，我真係好挂住你，我太挂住你啦！你信唔信呀？
白：唔信
宝：唔怪得你嘅，等我再琳琳点样
白：不过我觉得我识你
宝：绝对识噶！
白：仲好熟
宝：非常咁熟噶
白：五百年之后？
宝：係！
白：我哋点识噶？
宝：喺一个月黑风高阴森恐怖嘅晚上，我係至尊宝，你係白晶晶，奇妙嘅爱情，就由桥头上面嘅呢一点火而开始！我一拧过嚟你就失惊无神向我一指，我成只手着晒火，你仲要冲埋过嚟係咁噍，係咁噍，係咁噍，係咁噍。唔係，咪，咪，咁噍，咁噍，噍呀，噍呀。係！就係咁噍啦，你见到啦？跟住嘅发展我可以大胆用一句峰回路转嚟形容，因为突然杀出一个牛魔王。你当时手揸一条尾龙骨大战牛魔王之后，仲将我捉咗翻去盘丝洞添。所谓光阴似箭真係一啲都冇错，因为眨下眼啫，就讲到戏肉呢。喺断崖顶，就係感情爆发嘅时候。当时我不顾一切咁耖你，你又不顾一切咁耖我，仲立下永不分离嘅约誓。但係快乐永远係短暂嘅，换嚟只係无穷无尽嘅痛苦同埋唏嘘。点解你会死咗嘅？我当时惟有利用月光宝盒令时光倒流嚟搵出真相。终于俾我发觉原来你係自杀嘅！喺最后关头，我终于能够将你救翻。但係喺最后一次嘅时光倒流，月光宝盒发生故障，我“卓”一声翻番嚟五百年前。
M1、M2：大哥！菩提大哥！
宝：就係咁啦
白：究竟你而家想点呀？
宝：见翻你我唔使再翻去，我哋成亲
白：我……啱啱训醒冇耐，行过出面无所事事，琳住顺便入嚟拜师学艺咋嚄！你霎时间讲到成亲咁大件事，我……牙都未刷嚄
宝：我知道其实你心里面仲有怀疑，如果我可以攞个心出嚟俾你睇，你就知我冇讲大话
白：好容易啫。咦？乜你咁似……
宝（良心）：椰青吖嘛！以前都有个女仔咁讲过
白：咁椰青呀椰青，佢头先讲啲嘢係咪真噶？
菩：唔使琳啦，照旧呀，你耖下面！
白：多谢晒你呀椰青！咁样係即係佢最爱嘅人就係我呀？
牛：哼！你翻嚟咁耐，一日到黑“螺”住要个月光宝盒，算咩意思呀？我问你几时同我成亲，你就喺度推三推四，你到底嫁唔嫁俾我呀？
紫：[国语]我嫁。
牛：喂！你细妹係咪傻咗呀，成晚喺度讲国语
青（猪八戒）：佢唔係傻，佢係黐线！
牛：黐线都杀啦，应承咗就得啦，七日后成亲！
青（猪八戒）：你真係决定嫁俾佢咩？
紫：[国语]我骗他嘛！[粤语]我等紧我嘅男人翻嚟接我呀
青（猪八戒）：乜你真係信嗰只蛊惑仔会翻嚟接你咩？係就真係恭喜晒啰。不过就算佢翻嚟，又凭咩本事喺牛魔王手上抢翻你呀？
紫：个天安排得佢拔得出我把紫青宝剑呢，佢必定係一个非凡嘅人，唔会错嘅。我知道终有一日佢会喺个万众瞩目嘅情形之下出现，身披金甲圣衣，脚踏七色彩云嚟迎娶我嘅
青（猪八戒）：你仲唔认係黐线？
紫：呢啲唔係黐线，係理想！
猪（紫霞）：认啦，黐线妹！
紫：唔认！
菩：兄弟，世事难料，估唔到你咁快同白姑娘成亲
宝：我自己都估唔到
菩：我哋都邓你高兴
宝：多谢你
菩：琴晚你发梦，又叫咗紫霞个名七百八十五次，比上次多咗一次
青（猪八戒）：过咗六日啦，听晚你就嫁人啦，佢会嚟？
紫：琴晚我托只蜘蛛同你讲，叫佢讲俾你知，我好挂住你，你知唔知呀？
宝：你又知唔知呀？我不嬲呃你咋噃
紫：呃咪呃啰！正如D飞蛾咁，明知会受伤都会扑埋D火度。飞蛾就係咁傻噶嘞。
宝：出嚟呀菩提子
菩：我唔係想监视你，我只不过想研究一下人与人之间嘅一啲微妙感情啫
宝：贼嚟啫你，大佬，唔好学人研究嘢啦
菩：贼都有好学嘅
宝：慳啲啦你！训啦！
菩：紫霞喺你心目中係唔係一个感叹号，亦或係一个句号，你脑海里係咪充满问号呢？
宝：紫霞只不过係我一个识得嘅人，以前讲过一个大话呃佢，我而家心里面有多少内疚咁解嘅啫！我越嚟越讨厌佢！我听日结婚啦！想点啫而家？！
菩：有一日当你发觉你爱上一个你讨厌嘅人，呢段感情先至最攞胆。
宝：我点会爱上一个我讨厌嘅人？你俾个理由我唔该！
菩：爱一个人係需要理由嘅咩？
宝：唔使嘅咩？
菩：要嘅咩？
宝：唔使嘅咩？
菩：要嘅咩？
宝：唔使嘅咩？
菩：我同你研究下啫，唔使咁认真……乜要嘅咩？
宝：边个？
N1：时辰到
N2：大王万岁！
唐：你有几多兄弟姐妹呀？你父母尚在吗？你睬下我啦，我不过想喺临死之前结交个朋友啫
沙（香香）：弊啦，点样上去救师父呀
唐：所以话，做妖好似做人咁样，要有仁慈嘅心，有咗仁慈嘅心，就唔係妖，係人妖。啊，佢明白啦，你明白未呀？
青（猪八戒）：（冇人会嚟接你噶！你醒未呀蠢婆！）
M1：大哥你有封信呀
白：（你嘅良心话我听，你最爱嘅唔係我，係另外一个女人。当我见到佢喺你良心嗰度留低嘅嘢之后，我觉得你经过呢五百年翻嚟要搵嘅唔係我，而係佢。你同我都要相信，呢啲係天意，亦都係传说中嘅缘分。）
宝：晶晶走咗
菩：我知，封信我睇咗啦
M1、M2：菩提大哥，咩事吖？
菩：你哋睇咗未呀？
M1、M2：未呀
菩：快啲睇下
春：讲！我知我师妹白晶晶嚟过呢度，佢依家响边呀？
M1：唔知呀
宝：咩咁大仇，咁多年嚟你都唔肯放过你师妹？
春：咦，新郎哥，讲到好似好熟咁嚄，不如就你话我知呀
宝：我都唔知佢去咗边
春：唔知呀，听你讲嘢，你心地唔错嚄，嗰啲你朋友呀？
宝：唔好呀喂！
春：知唔知呀？
宝：你夹硬要杀人嘅杀我啦。佢哋唔识你师妹噶。全部係无辜噶
菩：我同意
春：我不嬲都好佩服啲人唔怕死嘅。既然你係咁，我就成全你啦
宝：咪住！
春：哈～我以为你真係咁勇添
宝：横竖都係啰，你帮帮忙。我听讲话如果把刀出得快落点准，劏开一个人之后唔係即刻死住，只眼仲睇到嘢，你拍硬档出手快啲，劏开我个心出嚟俾我自己睇下得唔得
春：乜嘢话？
宝：我有个朋友话留低啲嘢喺我心里边，我好想睇吓係咩嚟嘅。
春：无厘头。你抛我！
唐：人同妖精，都有阿妈生。不过人係人那妈，妖係妖那妈。
N1：我顶唔顺啦！
唐：你贵姓啊？
N2：啊！！！！！
X：准备交拜天地。
牛：美人，我哋拜堂啦。
紫：咪住！
唐：嗱！而家个妹呢就救个大姊，一阵间呢，个大姊梗係救翻个妹嘅。
牛：你又想点呀？
紫：我哋今晚都成亲咯，你放咗我家姐姐先啦，我一定会守诺言噶。我唔想斗啦，你走啦，呢世女我得你一个姐姐噶咋。姐姐。
青（猪八戒）：牛魔王，我唔俾个妹嫁俾你噶！
紫：姐姐
牛：你讲咩话
青（猪八戒）：我呢世女亦都係得一个妹噶咋。嚟啦！
唐：嗱，係咪呀。竟然俾人快过我？你好嘢啊吓！
沙（香香）：係时候啦！
香（沙僧）：好，嚟！移魂大法！
牛：香香
青（香香）：我唔係你个妹
牛：香香你做咩呀
香（狗）：阿哥，我喺度呀，出咗事啦
牛：香香？
香（狗）：我喺只狗里面呀
紫、猪、沙：你係边个呀？
青（香香）：我係青霞呀
紫：姐姐
牛：我杀咗你哋！
沙：救师父先
紫：唔好打我姐姐呀！
唐：小心呀
牛：同我钉死个女人
紫：唔好呀！
N：大王，佢係香香小姐嚟噶
牛：行开。佢唔係我妹，边个阻我，我杀边个！
宝：观音大使，我琳我开始明白你所讲嘅嘢。以前我睇嘢係用对肉眼去睇，但喺我死咗嗰一刹那我开始用心眼去睇呢个世界。所有嘅嘢真係可以睇得前所未有咁清楚。原来嗰个女仔喺我嘅心入面留低咗一滴眼泪。我完全感受到佢当时係几咁伤心。
观：尘世间嘅事，你唔再留恋啦咩？
宝：冇所谓啦。生亦何哀，死亦何苦。
菩：讲得好，讲得好
宝：点呀老友，喂，坐吖喂
菩：嚟吖，你坐吖
宝：最唔好嘅呢，就係连累咗我呢三位新相识，完全唔关佢哋事吖嘛
M1：乜说话吖
宝：不过我好唔明，憎一个人，可以十年，五十年，甚至五百年咁憎落去，即係个人仇恨可以大到咁样噶吓
观：所以唐三藏去取西经，佢就係想藉住呢本经书，去化解人世间嘅仇恨
宝：明白。我要留低，因为有啲事等住我去做，你哋自己嗱嗱林去投胎先啦
菩：好呀
宝：呢世我累你哋俾人片咗一嘢，希望下世有机会可以还
菩：要还起码要还三嘢
宝：点话点好啦菩提子
菩：好啦，走啦，係咁先
宝：再见，唔送啦
观：我要再提醒你一次，金刚圈戴上之后，你就唔再係一个凡人，人世间嘅情欲唔能够再沾半点。如果动心，呢个金刚圈就会喺你头上越收越紧，苦不堪言。
宝：听到。
观：喺戴上金刚圈之前，你仲有咩嘢说话想讲？
宝：曾经有一份至真嘅爱情摆喺我面前，但係我冇去珍惜，到冇咗嘅时候先至后悔莫及，尘世间最痛苦莫过于此。如果个天可以俾个机会我翻转头嘅话，我会同个女仔讲我爱佢，如果係都要喺呢份爱上加上一个期限，我希望係一万年。
牛：叩头
N：再叩首，三叩首。
牛：拜咗祖师爷，饮过合卺酒，你就係我牛家嘅人啦
紫：彩云呀！
猪：好似棉花糖呀
青（香香）：唔通真係佢？
唐：小心呀！有雷暴！落雨好收衫啦！
牛：你个勾二嫂反骨仔
孙：熟还熟啫，乱咁讲嘢我都一样会告你毁谤噶
牛：同我杀咗佢！
N：小心啊，佢再打乞嚏
孙：对唔住，呢个乞嚏一定令到大家好失望。
紫：至尊宝
孙：今次大家满足啦卦。师父。
唐：啊！原来係悟空！我以为係旧雨云添。
孙：师父，弟子昔日罪孽深重，幸得观音大使指点迷津，而家一心归于我佛，绝不会再留恋人世间半点情欲，护送师父去取西经呢个重任弟子愿意一力承担。
唐：善哉，善哉。你终于肯重返正途啦。
紫：至尊宝呀，至尊宝。你翻咗嚟啦
孙：姑娘，我……确实识得有个朋友叫做至尊宝，佢仲有啲嘢托我向一个叫紫霞仙子嘅人讲。係咪就係你呀
紫：至尊宝
孙：企喺度。我问係咪你呀，殊殊，係咪啫？係咪啫？係咪啫？係咪啫？讲啦！
紫：係
孙：啱嘞。佢话，佢已经翻去以前嘅地方，仲话希望仙子你能够早日搵到个如意郎君嚄
紫：你唔好玩啦，至尊宝呀
孙：我再讲多次呀，我个名叫做齐天大~圣！唔好再叫错啰。
牛：今日有你冇我！
孙：变！
牛：打死你个反骨仔，看叉！
孙：烧鸡翼，我钟意食
牛：攞我枝叉烧鸡翼？！
孙：係，差啲唔记得咗添，我食斋嘅！
牛：攞翻嚟！
孙：嚟紧！觉得好唔好玩啫，讲嚟听下。讲呀！讲呀！讲呀！讲呀！讲呀！讲呀！讲呀！讲呀！讲呀！点解你硬係、硬係、硬係、硬係、硬係唔讲嘢嘅啫
牛：救我呀
孙：对唔住，喺你啲“靓”面前，係唔应该咁落你面嘅，等我帮你。起身。俾翻你！
牛：蚁多褛死象。无敌牛蚤！
孙：我好惊啊，好多牛牛啊。好彩啲马骝都唔输蝕。
牛：同我杀晒啲马骝
孙：俾佢杀啦
紫：喂！齐天大圣孙悟空啊嗬？你咪要去取西经嘅，不如带埋我去呀
孙：係嚄，有个女人带埋去，寂寞嘅时候有人可以做下慰安妇，琳起都真係……我唔得啰，我真係唔得嚄。过嚟，揽住我。顶我唔顺呀？
紫：顶得顺。
孙：我顶你唔顺呢，你咁丑样。拍硬档大家都係神仙，唔好再性骚扰我啦，得嘛？
紫：点解要咁对我
孙：你嬲呀？
紫：我唔会嬲噶
孙：喊出嚟呀笨……哈哈……
牛：等我泼你班畜牲上西天
孙：芭蕉扇
紫：救我呀
孙：真係麻烦，师父！
唐：悟空，救我呀！
紫：我唔信你咁对我
猪：师兄
孙：你两个护住师父
猪：我知啦
青（香香）：紫霞，唔好呀
孙：搞咩呀你
紫：舍得埋嚟啦咩？咁关心我做咩呀，由得我死呀笨！
孙：我唔係关心你，只不过蝼蚁都尚且偷生，神仙做着你咁都算大锅啦
牛：孙悟空，你斗我唔过嘅
唐：好大条坑呀
猪：跌跌呀，跌跌
孙：唔係话吓？
牛：我成个城泼落太阳度，我睇你救得边个
孙：咪阻住我做正经嘢，要死你就死远啲
紫：咪住。仲呃我？
牛：你只死马骝顶住个城。我泼
孙：我顶翻转头
牛：死啦，热得滞，着火添
紫：衰人
孙：你又想点呀，贱人？
紫：扑街
孙：扑你个街
紫：冚家铲
孙：冚你个家铲，你唔好再发神经啦，头先同你讲嘢你明唔明呀？
紫：咁你又明唔明我而家已经唔再係神仙呀？我要问明一样嘢，原来喜欢一个人係咁痛苦噶
孙：你唔好同我讲埋晒啲废话，我都话你认错人
紫：咁呢串金铃你喺边间铺头买噶？小心！
牛：紫霞！
孙：我淒！
猪：小心呀，师父
孙：紫霞
紫：我钟意嘅人係一个盖世嘅人物，有一日佢会踩住七色彩云嚟迎娶我。我估中咗个开头，但係我估唔到个结局。
沙：师父
孙：攞你命
猪：好热呀，就嚟变烧猪啦
孙：呢度就嚟爆炸啦，一定要靠个月光宝盒先可以离开呢度。走。
沙：就嚟撞埋太阳度啦，快啲走啦
孙：带师父走先。青霞。
青（香香）：我妹妹都唔喺度啦，我琳我应该翻去如来佛祖度做灯芯，你自己保重了。
沙：大师兄，咁早就起身呀？
孙：发生咩事啊？
猪：大师兄，你唔记得咗嗱？寻晚遇到一场大风沙你带咗我哋翻嚟呢度吖嘛
唐：走
孙：去边呀，师父？
唐：天竺。
孙：咁讲嘢嘅师父
猪：师父讲嘢不嬲都咁简洁噶啦。行啦。师父唔行咁快呀
沙：师兄，小心呀
猪：唔该
导游（菩提）：相传五百年前呢度就係水帘洞，齐天大圣就係喺呢度住噶嘞。自从佢打死牛魔王，救翻唐三藏之后，呢个世界就冇晒妖怪。自此之后好多人嚟呢度浑水摸鱼。呢，嗰个嘢呀，装个猪头又话自己係猪八戒呀咁样。哗，大佬呀！你化个咁嘅妆又话当係孙悟空呀？俾啲专业精神得噶。你睇，嗰啲毛冚扮烂披晒嘅，又好似戴两块咸煎饼喺个头度咁样。出嚟搵食呀，落啲本钱得噶。望咩嘢啫，你个妆係化得核突吖嘛，嬲都係咁话噶啦。
孙：我唔会嬲嘅，“队”多我三嘢添
导游（菩提）：你估我唔敢呀？你啲咁嘅人渣。
孙：多谢
导游（菩提）：条友叫我“队”佢三嘢係咪前世欠咗我噶
猪：大师兄
沙：大师兄
猪：师兄啊，预备出发啰嚄
孙：菩提洞？！
X/妇人：俾两砖豆腐我呀
豆腐西施（白晶晶）：好呀。多谢，多谢。
猪：大师兄呀，你睇紧乜嘢呀？
孙：卖豆腐嗰两个
猪：嗰两个，哦，豆腐西施啰。听呢度啲人讲呢，佢哋辛辛苦苦卖豆腐赚埋啲钱呢，就俾佢哋嘅相公上京考状元噶
随从（盲炳）：状元到！
X/妇人：哎呀，媚娘呀媚娘，真係恭喜晒你呀。你相公呀，高中状元翻嚟呀，仲唔去迎接你相公？
状元（二当家）：娘子
豆腐西施（白晶晶、春卅娘）：相公你翻嚟啦？
随从（盲炳）：行开啦，睇乜嘢嚄，八婆！
状元（二当家）：辛苦两位磨豆腐呀，辛苦两位磨豆腐
豆腐西施（白晶晶、春卅娘）：相公
猪：磨豆腐唔係好辛苦啫，我都识呀
唐：走（yang）
猪：走（yang）啰。吹个波，吹大个波，吹大个波波玩波波
X/路人：佢哋好似想郁手啰嚄，快啲去睇下啰喂。
唐：悟空
孙：师父
唐：及及。
孙：好。
X/路人1：睇下佢哋吖，企咗几日几夜噶啦
X/路人2：哗，妖呀
X/路人3：妖呀
男子（至尊宝）：睇嚟我唔应该嚟
女子（紫霞）：而家先知太迟啦
男子（至尊宝）：留低段回忆得唔得呀？
女子（紫霞）：我唔要回忆，要留就留低你个人
男子（至尊宝）：咁都只係得到我嘅肉体啫，并唔係得到我嘅灵魂。我已经有爱人噶啦，冇结果噶，你俾我走吧啦
女子（紫霞）：好我俾你走，但临走之前锡我一啖
X/人群：锡……
男子（至尊宝）：我假假地都係一个夕阳武士，你叫我锡就锡，我嘅形象仲使要嘅
女子（紫霞）：你讲大话。你唔敢锡我，因为你仲钟意我。我话俾你知，你今次拒绝我嘅话你呢一世都会后悔。
男子（至尊宝）：后悔都唔会锡噶啦，只能怪相逢恨晚，造物弄人啦
X/人群：好嘢
孙（男子）：我呢世都唔会走噶。我爱你！
X/人群：好嘢！
X/路人：早就应该锡啦
男子（至尊宝）：做咩吖？
女子（紫霞）：嗰个人嘅样好怪呀
男子（至尊宝）：我都见到。好似只狗咁嚄嗬。
*完* *終わり* *The End*
喜欢
0
赠金笔
前一篇：华少的歌词 2