corrupt检测

最近omicron

病毒真厉害

疫情真严重

有其侬核酸都做十把轮

我听讲有蜀隻病哑

因为喉咙直透揬

病哑都揬过会讲话去

说明核酸检验野准野厉害

有真侈城市就是总款做

都清零去

由omicron病毒

我想遘corrupt病毒

翻译成中文就是贪污病毒

我自家偷偷着厝礼研究

最终研究出检测

corrupt病毒其药水

我将药水掏乞书记看

书记看完野欢喜

伊讲方法是好

但是着有临床试验成果

我讲汝可以去试蜀试嘛

汝俪儥相信

也可以着自家身礼试

伊无讲话

第二工

书记就通知

所有公司干部

都来做corrupt检测

我其办法

共做omicron核酸差罔多

也是使棉签着喉咙礼揬

但是距离伓是蜀米两米

是关办公室礼做

每蜀回俪容许蜀隻侬裡来

旁边固有公安局其侬徛礼

做完就告伊转厝等通知

我公司真大啊

干部有成百隻

仱过几工，固未通知

就有三四隻侬自家就躃来

讲蜀身儥舒畅

我就讲嚽就是“阳性”反应

我就让喇叭不断发出

坦白从宽抗拒从严其声音

伊马上就交代自家贪污情节

我讲像伊总款着隔离去

接落其就是隔离“密接”

伊老妈伊丈夫伊囝

伊兄弟姐妹

固有外家侬也是算“密接”

更更伓使讲着单位裡势

共伊有关系其其他干部

特别是伊其上下级

将所有“密接者”

都告伊来做“核酸”

结果喉咙固未揬啊

是蜀隻都交代去

贪污偌夥钱，钱都囥底呢

总款公安局派侬将囥其钱

使货车都下转来

只下，全公司其侬都八去

书记不断接遘

受corrupt病毒感染其

贪官其电话

伊忙都儥赴去

比原底搦贪官其效率

提高蜀百倍固伓啻

现在我已经得遘

国家发明一等奖

但是只种检测

也有后遗症

就是现在我公司无剩几隻干部

公司都做遘无办法正常生产去

所以我下蜀步其工作就是

开发蜀种corrupt病毒疫苗

拍裡以后

再碰着corrupt病毒辰候

伊自动就将伊消灭去

估计着拍三四针

并且每年都着拍

总款效果更更好

再伓使日日

乞伊上堂上课唠

总款侬家其社会

就充满明媚其阳光

现在我其研究所

都上市去

别侬股价都是绿其啊

唯一我其股价不断着上扬

都是红其

所以我劝各侬赶紧买

包汝会趁蜀笔钱