缺嘴

缺嘴，现在是会补其

譬如王菲共李亚鹏其诸娘囝

就是缺嘴，伊就补好去

但是以前缺嘴就是缺嘴

蜀世侬汝都是缺嘴

伊就是总款其侬唠

因为厝礼复穷复逼

再加礼缺嘴

老妈都无块讨

有蜀日天寢寢光

侬看见伊抱礼

蜀隻乍出世其伲囝

包嫩嫩其棉被礼

伲囝时不时固啼两下

别侬就猜这伲囝是伊拾其

因为像伊总款侬

底侬会共伊生囝噜

别侬也无敢问伊

因为伊脾气真呆

讲话无细腻伊会大嚗汝

所以无侬敢惹伊

所以俪看见伊抱礼伲囝

掏礼牛奶瓶呞伲囝

伊许样式就像真其做郎爸唠

但是有蜀日

有两隻侬蜀男蜀女来讨伊

伊将两侬都逐去

过两工派出所其侬

带礼嘻两隻侬复来

讲伊两隻也认识遘自家绽去

所以，希望……

确实这伲囝是伊两隻其

无办法缺嘴只好将伲囝掏填乞侬

对方掏百钱乞伊，伊面反礼抾地兜

俪讲蜀句一一

汝两隻以后不准虐待伊

看伲囝带远去

伊目滓泽泽落

侬复做蒻箬喏，无精神

我听老侬背后议论，乍八

原来缺嘴也是伊爸 拾其