以贼治贼

讲着汉朝其辰候

有蜀隻侬号礼张敞

伊野本事，伊是京城街一把手

相当于现在其北京市市长

但是当时京城街治安真乱

特别是贼囝真门侈

连来做生意其外国侬都偷

皇帝头也做真疼

因为嚽会影响中国其国际形象

伊就告张敞马上解决只件事计

张敞接遘通知以后

就装礼老百姓去七处暗访

最终伊发现有几隻贼头

将偷其钱起多厝

讨几隻老妈

好食懒做

做真派头

伊告贼头来官府蜀下

贼头惊死去

讲我其钱财都吐出来

希望留我蜀条命

张敞讲汝各侬心放宽

我俪希望汝各侬

帮我搦贼囝

汝各侬俪愿意做官

我也可以招聘

贼头讲，谢谢谢谢

但是儥使其啊

我去搦，过蜀段贼囝放出来

会讨我麻烦

张敞讲伓是告汝去搦

汝按照我其方法去做

就会使其唠

第二工，贼头就告贼囝来聚餐

贼囝圆蜀堆，罔食酒罔讲脬

食遘醉得意忘形去

贼头就告侬

着贼囝衣裳做礼记号

当贼囝出门行街中辰候

都乞张敞其部队搦去

做蜀下搦百几隻

总款京城街马上就和谐平静去

皇帝表扬张敞讲，野霸

汝嚽是：以贼治贼啊