胃病

张三是按照广告其地址

讨遘兹只地方其

结果工作无讨着

钱都乞骗澈澈去

但是张三看中蜀隻

号礼铁梅其诸娘囝

铁梅讲汝伓通讨我

汝讨我就会得胃病

张三也会八兹只地方其侬

都有胃病

但是伊无放心礼

张三结婚以后开头真舒畅

但是蜀个月日以后

问题就来唠

两个侬就因为中秋节

应该着去底侬爸奶

厝礼做节其问题

两隻做冤家去

张三就发现老妈开始伓讲话

无管张三讲什乇做什乇

伊都伓讲话

张三行出门

发现每家每主都伓讲话

张三去问蜀隻看命先生

看命先生讲

伊做什乇汝跟礼做什乇

就会使唠

果然，第七工，老妈开始讲话

但是开嘴就是：问题未解决

接落来伊老妈开始伓睏

张三也只能伓睏

伊发现个郎村其侬都伓睏

第七工，伊老妈睏着去

但是清醒以后

伊复讲：问题未解决

伊老妈开始伓食饭

并且坐地兜

张三也只能伓食饭坐地兜

第七工，伊老妈开始食饭

但是张三已经食儥焦去唠

伊老妈将伊送去医院

医生讲汝得落严重其胃病

老妈讲告汝伓通讨我

汝就是儥相信

只下会八唠吧

据讲有37批专家来只呢

研究胃病其原因

但是就是讨儥出

我去看地图，也无讨这地方

我发现可能是我自家想象其

或者就是昨暝晡所做其梦