粤剧《帝女花》之《庵遇》曲词
(2016-10-10 09:00:32)
标签：
《庵遇》
粤曲曲词
唐涤生编剧
任剑辉·白雪仙名曲
娱乐
|
|
《庵遇》
唐涤生编剧
任剑辉·白雪仙名曲
【雪中燕】
[长平]
孤清清，路静静。
哩朵劫后帝女花，怎能受斜雪风凄劲。
沧桑一载里，餐风雨，续我残余命。
鸳鸯劫后此生，更不复染伤春症。
心好似月挂银河静，身好似夜鬼谁能认。
劫后弄玉怕箫声，说甚么连理能同命。
【祭塔腔】
[长平]
念国亡，父崩母缢，妹夭弟离，
賸我借一死避世敲经。
孰怜驸马空枉有誓盟定。
唉！怕忆劫后情，谁愿再认。
只有飘飘落叶伴残命，
一哭国土血尚腥，
再哭父死都未得葬皇陵。
奈何佛法难护庇，
唉！枉敲青磬咯。
【反线二簧慢板】
[长平]
哀帝女，念尽阿弥，
难把国魂，唤醒。
[浪里白]
[长平]
唉！老姑姑，
都已经于月前死去咯，
哩个新嚟嘅主持，
佢都未识得帝女花飘，
更未解怜香惜玉。
当此快雪初晴，
便命我把山柴拾取。
[诗白]
[长平]
唉！
正是不求乐昌圆破镜，
只凭魂梦哭皇陵啫。
【梆子慢板】
[世显]
我飘零犹似断篷船，
惨淡更如无家犬，
哭此日山河易主，
痛先帝白练，无情。
歌罢酒筵空，梦断巫山凤，
雪肤花貌化游魂，
玉砌珠帘，皆血影。
幸有涕泪哭茶庵，
愧无青冢祭芳魂，
落花已随波浪去，
不复有粉賸，脂零。
【寄生草】
[世显]
冷冷雪蝶寻梅岭，
曲中弦断香销劫后城，
此日红阁有谁个悼崇祯呢？
我灯昏梦醒哭祭茶亭，
钗分玉碎，想殉身归幽冥，
帝后遗骸谁愿领？碧血积荒径。
[接唱]
[长平]
雪中燕已是埋名和换姓，
今生长愿拜观音扫银瓶。
[音乐清奏〈寄生草〉衬白]
[浪里白]
[世显]
唉吔！嚸解哩个道姑，
吖噉似以前个长平公主哩嗄？
吖莫不是公主佢幽魂现眼！唔会咖?!
就算公主幽魂现眼，
都唔会喺道姑打扮嗝？
哦！莫不是公主佢假托夭亡避世，
尚在人间！
哦！我我记得罅，
我记得公主夭亡之日，
必是我殉爱之时。
周家瑞兰，佢曾经有一句相关说话，
佢话有缘生死能相会，无情对面不相逢。
呀！莫不是有跷蹊在内?!
唔得！等我叩门一问至得。
哦！哩处喺清莲界，庵堂地，
我要稍存礼貌，都未敢造次。
师傅，开门。
[长平]
唉吔！
[世显]
唉吔，嚸解佢闭门不纳，事更可疑呀？
待我冲门而进至得！
[长平]
请问哩位施主冲门，
呃…是借茶还是拜神?
[世显]
呃，师傅，我一不是借茶，二不是拜佛。
我有句说话，想求师傅你点化唧，
你…你何以闭门不纳呢?
[长平]
呃…呃喺！
庵内无人，主持未返，
俗世男女都尚且授受不亲，
又何况佛门清净地呢。
[世显]
哦！如此，师傅有礼。
[长平]
施主有礼！
[世显]
师傅，你喺一个出家人，
容我问一句尘俗话嘞，
所谓劫火余生，恍同隔世，
虽则难记兴亡事，花月总留痕。
我…我戙阿道姑，呃好似曾相识噉，
望你把前尘细认唧。
[长平]
唉吔！
呃施主，想贫道半世清修，
都未经劫火呀。
世外人，十年来都只知敲经念佛，
几曾沾染过俗世风情呀。
[世显]
师傅，你喺出家人讲清修，
我哋俗世人就讲俗话嘞。
所以俗语都有话嘞，山居方一日，
世上已千年。
你所谓十载敲经，
莫不是比如一年念佛咋啩，
照我睇阿道姑你，你守诫清修，
最多不过喺一年光景哩。
[长平]
唉吔！施主，
照我睇你喺一个读书人，
似乎啲说话唔应该讲得噉轻薄啵。
贫道入庵十年，都尚有主持可证。
呀！须知不是可怜人，
都不入清规地，既入清规地，
出语宁有不诚呢。
[世显]
哦，师傅！我不是伤心人，
都不作伤心语，既是伤心人，
才有错把昙花，当作宫花认唧。
[长平]
哦…哦，施主！
哦原来你唔喺一个轻薄儿，
却是一个沧桑客咩。
噉好啦，等我返入去代你烧多炷香，
望观音大士佢慈航普度，
保佑你福寿安宁啦嗄。
[世显]
咁多谢嗮嘞，呀师傅，
我应该长拜佛门慈悲，
一问道姑你贵姓呀。
[长平]
嗄！呃…喺，
贫道俗身姓沈，法号慧清呀。
[世显]
你叫做慧清呀?!
[长平]
喺…喺！
【尺五线〈连板面唱〉秋江哭别】
[世显]
缥缈间，往事如梦情难认，
百劫重逢缘何埋旧姓？
夫妻已断了情。
唉！鸳鸯已定，烽烟已靖，
我偷偷相试佢未吐，真情令我惊。
[接唱]
[长平]
唉！
夭折红颜命，
我愿弃凡尘伴红鱼和青磬，
敲经断俗世情。
虽则烽烟已靖，须知罡风也劲，
守身应要避世，休谈爱恋经。
[世显]
论理佢应该要把夫婿认。
复合了，偷偷暗中唤句卿卿。
[浪里白]
[世显]
徽妮…公主。
[长平]
唉吔！施主你叫唤何人呀?
[世显]
我叫唤公主囖。
[长平]
哦！咁公主喺施主何人?
[世显]
公主喺我个妻房囖。
[长平]
嗄！施主你叫唤妻房，
应该在家中叫，房中叫吖？
何解会叫到囄佛门清静地嘅呢？
[接唱]
[长平]
俗世尘缘事，我唔愿听，
你莫寻偶清规地，
将观音两番误作湘卿。
唉吔！你似疯颠。
唉！我不禁失惊，暗中念句经，
我今都已将鬀度，
半生梦已醒，劝君休错认。
呃，我才十岁咋，
经栖身皈依佛法，一心拜神灵。
[浪里白]
[世显]
唉！你睇佢噉忍心，真喺唔认我喎。
呀！试问谁无骨肉之亲，
谁无父女之情呢？
等我讲嗄先帝崇祯嘅惨事，
若果佢喊嚫哩，
不问而知噈梗喺公主嘅嘞，
好啦！等我试嗄你至得。
[长平]
嚸解佢会嚟到嘅呢？
[接唱]
[世显]
我复向前朝认，叹崇祯，巢破家倾！
你可有为佢沉痛，沉痛敲经？
灵台里，叹孤清，月照泉台静。
唉！一对蜡烛也无人奉敬咯。
[浪里白]
[世显]
唉吔！师傅乜你喊呀？
吖！唔嗵你就喺公主？
[长平]
施主，你错咯。
皇帝喺为我哋而死嘅，
试问我哋又嚸可以唔喊呢?
[接唱]
[长平]
我哭故国凋零，
问谁个能忘佢自缢在红阁，
谢民爱甘牺牲性命，
啊！感先帝哭绝了声。
[世显]
深宫里有朵帝女花，
佢嘅惨处你可再愿细听。
[长平]
帝女花已遭劫难，我不愿再听。
怕荒山冷静，谁愿与君孤单相对，
犯了清规玷辱了名。
[长平]
啊！
施主，我知道你喺一个伤心人，
但可惜哩度晤喺伤心地，
恕贫道不能奉陪，
我我告退嘞，阿弥陀佛。
[世显]
唉吔，师傅你…你唔好行住，
我想求嗄你。
我求你…
[接唱]
[世显]
你带我去烧香，忏嗄旧情。
[长平]
唉吔唔得嘅！
[接唱]
[长平]
仙庵宝殿，多清净，
不要凡人妄敲经。
莫忘形，我劝君，
劝君再莫染情狂病，更未许再留停。
[口白]
[世显]
师傅，吖要你带我入去烧炷香，
你都话唔肯，你唔带我我自己去。
[三冲介]
曲终
喜欢
0
赠金笔
加载中，请稍候......
加载中…
喜欢