睇Facebook，有個朋友慶到乜甘話差佬唔應該甘樣對老人家同學生，有人跟貼問佢係唔係現場，佢叫人收皮。你發聲表態就得，人地問你一句你就叫人收皮。

關於呢個朋友，我有少少同佢之間互動想講一下。佢讀到中三出來做野，佢講過因為佢無學歷無發達。若干年前佢話要做生意先有錢，於是投年宵檔口賣嘢。佢哥哥打電話比我托我係廣州照顧佢。佢心目中何謂照顧？即係佢淨係話要做年宵賣嘢，攞張紙畫幅得佢睇得明既畫，話佢個idea好掂，要搵supplier，但係除左佢覺得好勁嘅idea，佢乜都唔識：即係話要賣隱形戰機，一定好賣得，投個年宵檔口。佢念住來到廣州，我識點樣做隱形戰機生意，帶佢去買。

佢個好勁既idea，其實就係尼龍布購物袋，通街都係個隻。

我地都帶佢搵朋友介紹supplier,之後嘢，你做生意梗係你自己搞掂啦！你哥哥叫我照顧你，總之你上來廣州搵source,我包你食包你住，凌曦車出車入。

凌曦睇唔過眼，因為凌曦同佢哥哥都好熟，當呢個朋友自己人，問左佢一連串如何銷售、如何營運、如何收支平衡的問題。呢位朋友被問多兩問就話：即係你睇死我唔得啦！

一日，佢打電話比我，落order語氣問：喂！阿X哥個朋友唔係路喔？隔日講完無晒聲氣，阿X哥係未幫我架？之後都係重複呢D野，話人地係為做佢生意。

我答覆係「人我帶左你去見，生意你自己傾，我唔係度，你傾過咩係你嘅事，阿X哥幫幫你，佢無賺你佣金，你有無落sample，幾時交sample，你自己點樣同個供應商傾？」啞晒，然後話點算，呢鋪佢瞓身落去，唔得佢唔掂。

後來我無問佢點樣，佢都無同我聯絡，我都唔同佢聯絡。果年過年前，我打電話叫佢哥哥打電話同阿X哥拜個年，多謝人地幫過你細佬。

香港宜家好激動嘅人，要為自己發聲嘅人，為自己爭取嘅人，請念下同呢位朋友有無相似？