馬來西亞平地賽馬歷史悠久，惟近年當地賽馬不景氣，賽事獎金平均一場只得幾萬港紙，部份練馬師已散倉撤離，亦有個別騎師轉往鄰國新加坡碰運氣。
禍不單行，大馬近期出現大規模馬匹呼吸道系統疾病，三個馬場即檳城、雪蘭莪及霹靂一向互相派馬到訪作賽，為免局勢惡化，有關方面已先後取消多個已編定之賽事日，令當地馬壇登時一片死寂。
其中檳城賽馬公會在網站貼文，表示在國家衛生部門禁止馬匹移動之諭令下，本月尾賽事已撤銷，何時復賽亦冇時間表。踏入九月份以來，大馬一直冇自家馬跑過，只維持轉播外地賽事保住基本收入。
受今次事件影響，澳門馬會原定本周六、日轉播大馬賽事亦要變招，改為周日新馬季開鑼日轉播新加坡日馬受注。