香港馬圈不嬲有個問題，就係來港新馬越來越多，但現役馬退役頻率唔夠快，又或退役後仍留在馬房，等幾個月才有航班離開香港，以致出現進口馬匹「塞車」，外地新馬輪候幾個月先抵埗，有見及此，馬會行政總裁應家柏正研究喺上水雙魚河劃出部份土地，興建「出口馬房」，安置退役後準備運往外地養老嘅馬，以便沙田馬房騰出較多空位，等啲新馬可以快些運港備戰。
    此外，應家柏正爭取與新西蘭當局在檢役方面取得共識，當地馬匹可以直接運港而毋須經澳洲，馬會擬每次包機付運24匹新馬來港，然後回程將24匹退役馬運往當地養老，將大大有助疏導馬匹進出口，尤其那些打算出戰大賽的四歲馬，不會再因香港馬格不足及航班問題，延期抵港影響部署。

壹苹网