最 重 要 課 題 係 如 何 透 過 步 速 找 可 投 注 的 馬 。 步 速 最 大 功 能 不 是 在 賽 前 去 揀 馬 ， 反 而 係 賽 後 做 功 課 揀 選 備 忘 馬 的 好 資 訊 。
 
Ｑ ： 其 實 步 速 可 以 點 樣 幫 助 我 們 揀 馬 呢 ？
金 ： 方 向 主 要 有 三 個 ， 就 係 賽 事 步 速 之 快 慢 、 馬 匹 總 時 間 及 分 段 時 間 （ 尤 其 是 末 段 締 速 ） ， 可 「 嘜 」 低 在 不 利 步 速 形 勢 下 仍 跑 得 好 之 馬 。

Ｑ ： 如 何 從 快 及 慢 步 速 賽 事 揀 備 忘 馬 呢 ？
金 ： 快 步 速 要 找 出 放 得 急 都 唔 斷 的 馬 ， 慢 步 速 就 要 留 意 衝 得 勁 的 馬 。 「 牛 精 仔 」 上 季 總 場 次 707 初 跑 谷 草 一 哩 ， 頭 三 段 1 分 15 秒 07 ， 是 近 季 四 班 同 程 最 快 ， 狂 放 下 唔 斷 入 Q 難 度 高 ， 翌 仗 在 煞 科 戰 即 贏 馬 補 中 ， 估 計 今 季 在 三 班 仍 未 見 頂 。

Ｑ ： 點 樣 計 算 馬 匹 總 時 間 是 否 出 色 ？
金 ： 其 實 昨 日 都 有 提 過 ， 衡 量 馬 匹 時 間 宜 與 同 日 賽 事 作 比 較 ， 舉 例 「 金 滿 載 」 上 季 在 5 月 15 日 贏 谷 草 1200 米 造 出 1 分 09 秒 93 ， 比 起 當 晚 兩 場 三 班 頭 馬 「 珠 光 寶 氣 」 及 「 安 琛 」 仲 要 快 ， 前 駒 再 出 順 利 連 捷 ， 而 且 締 速 又 係 比 當 晚 高 一 班 頭 馬 「 軍 事 機 密 」 快 ， 肯 定 仲 有 上 升 空 間 。 至 於 不 同 班 次 及 路 程 賽 事 ， 昨 日 亦 提 過 可 用 馬 會 公 佈 的 標 準 時 間 去 衡 量 ， 比 標 準 快 越 多 便 越 好 。

Ｑ ： 末 段 衝 得 勁 係 唔 係 一 定 好 ？
金 ： 上 季 造 出 全 場 最 快 末 段 締 速 之 馬 ， 翌 仗 上 名 率 高 達 四 成 。 自 前 季 開 始 ， 筆 者 深 入 一 點 統 計 在 尾 兩 段 均 造 全 場 最 快 締 速 之 馬 ， 發 現 此 類 馬 其 後 多 能 交 出 好 表 現 。 以 上 季 為 例 ， 共 有 169 駒 ， 當 中 153 駒 再 跑 ， 70 駒 於 翌 仗 上 名 ， 獲 30 勝 40 位 ， 三 甲 率 近 五 成 。 現 役 共 14 駒 （ 見 表 ） 在 上 季 最 後 一 仗 連 衝 兩 段 全 場 最 快 ， 今 季 再 出 可 吼 住 。

 
追 捧 四 匹 「 一 駒 獨 快 」

Ｑ ： 仲 有 無 哪 一 類 締 速 模 式 之 馬 匹 值 得 追 捧 ？

金 ： 通 常 每 場 賽 事 ， 總 有 部 份 馬 匹 末 段 時 間 比 起 賽 事 末 段 時 間 快 ， 不 過 若 出 現 全 場 除 頭 馬 以 外 ， 其 餘 所 有 馬 匹 之 末 段 時 間 均 慢 過 賽 事 末 段 時 間 的 話 ， 此 類 「 一 駒 獨 快 」 之 頭 馬 絕 對 是 上 佳 賽 績 。 上 季 全 季 只 得 26 匹 頭 馬 可 造 出 以 上 高 難 度 動 作 ， 22 駒 已 再 上 陣 ， 當 中 八 駒 於 翌 仗 贏 馬 ， 另 有 六 駒 入 位 ， 再 出 上 名 率 近 六 成 半 。

季 尾 「 寶 寶 飛 龍 」 及 「 勁 加 勁 」 俱 屬 此 類 頭 馬 而 再 出 連 捷 ， 目 前 尚 有 「 奇 兵 」 、 「 銳 不 可 擋 」 、 「 陽 明 星 星 」 及 「 左 右 逢 源 」 屬 「 一 駒 獨 快 」 頭 馬 而 未 再 跑 ， 可 作 為 季 初 追 捧 對 象 。