二、学习「无良」嘅外籍僱佣兵（只帮打赢嗰边去打仗），如趋势向上便做好友，一旦趋势向下便做淡友，唔好立场死硬。

三、资本分两种，有形嘅一种系金钱，无形嘅一种叫智慧。如你只拥有金钱而没 智慧，迟早喺投资市场输死；如你只拥有智慧而没金钱，你只系一名好好嘅讲者。成功投资者不但拥有金钱，同时拥有智慧，缺一不可。世上金钱易得，智慧难求。

四、唔好希望低价买入、高价卖出，上述方法没人可以做得到，应该系「高价买入，低价卖出」！（高价系指股价由低位上升10％到15％之后，即宁买当头起； 低价系指股价由高价回落10到15％之后，即卖出当头跌嘅股份）。

五、升市莫估顶，跌市勿猜底，因为你永远唔知顶喺哪里及底响何方。

六、永远买入强势股、沽出弱势股。喺股市中应锄弱扶强， 唔系锄强扶弱。

七、利用基本因素去分析事物，利用技术分析去决定买卖时刻。

八、盛衰循环乃不易道理，经济周期进入兴盛期，不妨大手D吸纳；当经济上升周期 进入尾声之时，小注可怡情。

九、了解群众、追随群众，最终系同群众对着干。当群众哭泣、上街抗议之时，乃入市时机；当群众欢唿之时，乃出货时机。当中区大 塞车之时，亦系出货好日子。

十、福无双至，祸不单行。跌市来之时往往狂风扫落叶，唔会阴风细雨（It never rains but pour）！

十一、止蚀要快（例如亏损10％或以上立即行动），有钱赚不妨滋油淡定慢慢来，赚尽佢，只有年轻人才慌死赚唔切。

十二、纸上谈兵易、行军遣将 难。嗰D教你「如何赚取一亿元」嘅书千祈唔好睇（通常都系纸上谈兵）。