很多爱减肥、爱保持身段窈窕嘅朋友，都会奉行低油饮食，甚至滴油不沾。究竟，唔食油，系咪代表健康同减到肥呢？答案：梗系「错」啦 ！

油，有好、坏之分，好油，多吃无妨；坏油则最好咪掂！要知道，身体好多组织构造同生理运作都需要油脂，如果摄取量不足，会出现精神不振、容易暴躁、忧郁、注意力唔集中、免疫力下降、内分泌失调、血糖不稳等问题。故长期进行低油饮食减肥一族、糖尿病患者或胆固醇过高者，特别容易出现以上症状。

而食用低温制成嘅「好油」，如橄榄油、葡萄籽油、琉璃苣油和亚麻籽油等，对健康有莫大帮助。科学研究显示，食用冇经过加温橄榄油，可预防心脏疾病及提升免疫力，更有助消化和减肥 。但即使系好油，如制造过程或烹饪方法错误，性质会改变或产生有毒物质，变成坏油。

如橄榄油与亚麻籽油，唔可以用大火炒及油炸，凉拌最好；橄榄油用唔超过160度中小火煎炒或水炒亦可；葡萄籽油最好用，凉拌、煎炒煮炸均可 ，最好买有机葡萄籽油（City 'super有售）。

我自己最锺意都系橄榄油，为咗保持身材，我唔会用大火煎炒炸食物，但一定要用纯天然嘅冷压初榨extra virgin olive oil或virgin olive oil。记紧唔好买化学溶剂萃取或精制过的所谓纯橄榄油、纯植物油！油只要经过精制（Refined）、氢化(Hydrogenated）、氧化（Oxidized），都会变成坏油，影响健康，但市面上7O%以上嘅油都被精制过，必须小心！

今期为「好油」伸冤完毕，至于食错油有几大镬？下期一定要睇我个Blog啦 ！

ANGEL金句：食好油会靓，食坏油会病

真实个案

曾有位客人参加健康瘦身疗程，瘦咗15磅后便停滞3个礼拜无再瘦，我睇完佢嘅「每日饮食功课表」后对佢讲：「真系完全跟足我嘅食谱，又准时做疗程，抵你两个月就瘦15磅。由现在开始，每日食多一碗水煮杂菜，煮好加2汤匙橄榄油及小小豉油啦。」她惊叫：「吓 ﹖！食油唔系易肥咩？」我答佢：「食好油仲会减得快D架」结果，佢嘭嘭声瘦多6磅