網誌日期：2006-05-26 17:09

返來囉!  返來囉!

從台灣剛剛回來... 都幾辛苦, 但好開心見到 D 台灣o既朋友...

今次係台灣做o野都好順利, 好好玩... 你o地前兩日都見到我同汪東城佢地一班人玩得好開心, 大家都係年青人, 個個都好活潑, 場面都好熱鬧!!

我o地係太和殿同明道佢地有function... 有好多香港記者過o左o黎, 可能佢地套劇係香港的反應唔錯, 成班記者掛住同佢地傾計, 我o地班同鄉就.... 不過明道佢地好nice, 好friendly...

係台灣我有十幾個fans, 跟住大隊周圍去, 佢地又知我鍾意飲珍珠奶茶, 就送買左好多請我飲... 勁好飲!!!  謝謝你們喲!

係台灣逗留的時間好短, 但都盡量抽時間去誠品走一趟, 買左幾本書... 原本預算逛半粒鐘, 到最後行o左成個半鐘, 要經理人呆等了成個鐘... 幾咁唔好意思...

我諗我真係勁鍾意珍珠奶茶, 我同經理人去o左飲o個隻成尺咁高o既珍珠奶茶... 初初見到都驚飲唔哂... 到最後更係成杯一滴不漏... 乾哂!!!!!!

台灣 D 美食真係好食到唔停得口, 有一晚我同經理人去o左搵我o地係台灣o既朋友, 佢地帶o左我地去食台灣菜, 有佛跳牆食...  好彩我食極都唔會點肥... 如果唔係就大件事...

俾少少時間我搞搞 d 相, 好快會upload上o黎俾大家睇下...  see ya!!! http://hk.yimg.com/i/icon/16/14.gif返來囉!" TITLE="返來囉! 返來囉!" />