一早離開溫哥華, 出發去第二站加卡利。在酒店出發前見到錦鴻坐輪椅, 紮住腳, 原來他不小心整爛玻璃樽, 插親隻腳板, 聽講流了不少血, 嚇得我們面都青埋。我們用輪椅推他上機, 到了加卡利, 即刻到診所醫治。但因傷口太深, 又轉送醫院縫針, 搞咗4個小時。但錦鴻好專業, 堅持出席晚上的音樂會, 坐住輪椅都做足全晚, 勁呀!當晚演出都好滿意, 觀眾反應熱情, 場地又靚, 最開心見到好多親戚, 難得一聚, 分外開心。

跟住去多倫多, 可以見到爸爸媽媽, 好興奮呀!