頭條新聞 2010年 3月 18日 / HK Headline 18 Mar 2010

《維多利亞壹號》揚威海外 何超儀玩血海報隨時被禁
2010年3月18日

　　由何超儀投資及主演的《維多利亞壹號》，分別入圍歐美兩大電影節。由超儀扮演的變態殺手，加上早前曝光的玩血Trailer，這套投資2千萬的地道港產片，憑肯用腦的有趣故事加變態血腥概念得到外國電影人賞識，為加強宣傳，超儀七孔流血的國際版海報將會不日登場，但由於海報過度血腥，香港隨時被禁。撰文︰廖思慧

　　《歲月神偷》揚威柏林，同是百分百港產片的《維多利亞壹號》亦甚得外國電影人歡心，繼成為下月23日舉行的意大利烏甸尼斯遠東電影節開幕電影外，更在羅拔迪尼路舉辦的Tribeca電影節中，被選為率先播放給全世界影評人作觀摩的電影之一，難怪超儀亦自言︰「好威水。」。

　　老外讚賞

　　首次投資的嘔心瀝血作得到認同，超儀先以三個好開心作開場白︰「第一次出品一部戲能夠得到認同，為我注下強心針，電影係講一個香港人去買樓故事，題材少有而且好本土，加上表達手法好大膽，希望上映時候能夠再得到香港觀眾認同。」未待記者提問，超儀已率先自爆︰「我唔會將好消息話畀Daddy聽住，等套戲上，做到成績出，我再一次過話佢聽，畀多驚喜佢。」