昨天田少仲問我今日有無波打, 佢話今日無車用, 有波打一定叫埋佢, 我就去問過7字洪, 佢話:大佬, 天氣預報聽日有雷暴喎! 都係打唔到啦! 咁我就唯有轉告田少, 同佢話今天無戰事...

 

點之今朝一早7字洪就打電話來叫打波, 原來偉哥今日有安排, 大伙已經係茶餐廳食緊早餐, 好彩7字洪心血來京打電話刮到班友仔, 唔咪俾人放左飛機都唔知

 

咁我就同7字洪早餐都無食, 立即飛車去球場同佢地會合, 原來今日打(人仔),心稔都好,以前未打過... 就係我地架車飛緊去球場路上, 路過田少屋企之際, 我又多口問句:喂!你班友仔有無叫埋田少呀?

 

點知7字洪就猛咁:無...無...無....叫....喎...; 文大千就猛咁話唔關佢事, 話場波係偉哥call馬嘅, 去到球會一睇, 嘩! 成十九幾人:VJ勝,朱仔,筋肉倫...個個係齊晒度,直頭係人才濟濟, 搞到球會都唔夠球車俾班友, 好彩7字洪醒目跟住來, 呢鑊田少都算俾人放飛機放鑊甘

 

講翻(人仔)呢個場其實都唔錯,不過就果啲長草就認真惡搞,係要好有心機打至得,今日落緊雨打加埋唔熟個場,結果打93翻來,實在閹悶, 搵日再去認真砌翻場之得, 下次記得叫埋田少

 

P.S. 啲CADDIE OK 喎,我果個係MISSION HILL做過,好醒目, 仲識聽白話