全球化、信息化和人口大流动，带来了学外语热和说普通话热。连我这样的“半吊子”也习惯卷起舌头说话了，经常说海盐土话时不由自主地插进几句变调的普通话，在老海盐人面前弄出洋兮兮的样子。忽然很怀念海盐土话，用一口纯正的海盐土话说事，特别亲切。
    一时兴起，试着用海盐土话写下一段《表哥醉酒》故事。提醒读者：下面的故事，需用海盐土话念且念出声来，才可看懂，否则有可能像看“天书”。

用海盐土话讲个故事

    用海盐土话同那广广伐乡往头表大佬搞事体。
    表大佬酒馋来咦完，毛毛吃酒毛毛醉脱。听伊拉广，伊内后伤格辰光有一毛起做客人，吃醉哩，半夜把回来路啷眼睛酸来勿来拉哩，遂困勒田岸啷，困着拉哩，歇阵有乃难过，鼓罗罗吐时一大摊。困到天拿要亮出来格辰光醒转来，张开眼乌珠看见边啷厢困着一只大甲鱼，困来像死脱拉哩一样后。哈哈，格只甲鱼昨夜吃伐表大佬吐出来搞东西，啊醉脱拉哩。表大佬蛮灵清，拿甲鱼拎时遂走，回到屋里厢杀杀，烧熟时再过烧酒。
    格些是暴先子搞事体。
    格辰光条件好拉哩，吃酒搞当势阿多哩，伐表大佬年就酒馋来咦完，年就折夹吃醉脱，弄出蛮多有趣搞事体。
　　有一毛，表大佬吃醉时半夜把回到屋里，角着难过来毫勿牢哩，连忙跑到猪棚头，拿夜饭朗吃进起搞酒勒菜一才吐只猪柴盆里。格只老母猪本来困着拉哩，闻牢酒勒肉搞味道，连忙爬起来吃。
    到门早头直，表大佬醒转来，格只老母猪年就困着福，困来呼噜呼噜打驼，呼啊呼勿醒，予食啊勿拉起。表阿嫂勿晓得啥事体，心里厢急来，叫表大佬走过起看。表大佬广：只母猪吃醉拉哩呀。表阿嫂听勿懂。表大佬广：昨宁夜里哦诺吃起八两52度搞烧酒福。表阿嫂越发弄勿懂哩。表大佬笑嘻嘻勿睬伊，得转屁孔走脱拉哩。
　　表阿嫂勒心里厢骂自家男客：神经病！是内吃酒，咦勿是老母猪吃酒，噢——难道酒主拉屋里厢还要养只醉猪啊？
    好哩，故事广完哩。

                                   2011-06-07