加载中…書房大改造
(2014-03-25 12:41:50)
标签：
育儿 |
分类： 信丞小兒 |
突然有一日訓醒，見到阿仔對腳，就將頂住張BB床，覺得將書房改造成信丞仔間房要儘早進行，即刻搖醒強哥，大致講佐我心目中阿仔間房的構圖。
強哥真係好好野，晨咁早起身，度呎吋，返到公司，畫好圖，夜晚收工返來俾我睇圖確實最後方案，確認OK無問題，第二日將圖俾廠，一個星期之後廠話已整好，擺係廠一個星期等氣味散走之後，安排貨運公司送貨~~
一切如此地簡單~~
睇下，改造前書房的凌亂與無章~~~
原本安排佐師傅第二日上門安裝，但係當晚收工返來的強哥，覺得親力親為整好自己仔間房的意義似乎更有意思。
於是同強哥，夾手夾腳，一齊砌模型咁，砌好間房~~~
為佐盡用所有地方，窗檯位都利用埋連起整個地檯，再加上可以抬起的活動式書檯，座係窗邊睇書上網，定必係樂事一件~~
有啲位要現場先做處理，強哥不是專業木工，但都小心地處理好每一個細節，雖不是最完美，但已做得最好~~
依一剎那，覺得強哥，真強！
一間屋的儲物空間係間房整潔齊整的重要因素，依家成個地臺俾我擺雜物，真係超開心~~~
香港屋企細係不變的事實，所以盡用其位係絕對有必要，依家多佐小朋友活動的空間，又足夠滿足家居的一切條件，對於依次的書房變身，好滿意！
最搞笑係，有一邊的位置因為考慮到安全的因素，我建議拆佐BB床臨牆一面的圍欄，修佐係梯邊的位置，哈哈，又幾好架~~
睇下信丞小朋友，一早起身，自己走去座係窗邊睇下書~~
認真的模樣，真係極之可愛` ~
依張超搞笑，托腮的笑臉~~
點似一歲三個月的小朋友~~~
依家信丞已聽得明好多大人的說話，同佢的相處，真係越來越開心~~~
大個仔了，信丞~~
喜欢
0
赠金笔