之前有一篇整乳酪的記錄，又度溫度又依樣又果樣，可以忘佐佢，因為依家我用緊另一種更加簡單的方法。

先睇下成品。

凝固得幾好~~~

做法：

1、一樣要一杯仔市售原味乳酷做為菌種。菌種直接倒入製作的器皿之內。

搵一個玻璃或陶瓷制品做為容器,因為乳酪呈酸性,酸性會令到塑膠或不銹鋼器皿的物質分子活動加速,有機會釋出其中的金屬分子於食物當中,所以整乳酪,最好係用分子活動較穩定的玻璃或陶瓷.

2、將一盒奶加熱至微微暖，大約四十度左右。比體溫再暖少少。

依個時候可以落糖，我就落少少，咁樣整好的乳酪就會少甜。

3、將奶衝入擺佐菌種的器皿度，稍稍撈勻，片走表面的泡泡。

4、將成杯奶擺入窗邊或者任何一個溫暖的地方，靜置八個小時。

我係早上十點鐘整好擺係窗台，下午六點鐘的時候，成杯擺入雪櫃，依個時候，乳酪的製作過程，結束。

晚上十點，將乳酪由雪櫃拎出，睇下，凝固得非常之好。

早十點整，晚十點享用。

就是這麼簡單，就是這麼成功。

絲稠般的順滑，綿密的口感，順著舌尖滑入雙頰

帶著奶香的酸由舌尖微微散開至全身上下

靜靜地滿足鼻端初嘗的想像，柔柔地充實了味蕾對它的期待

買佐一個南瓜仔，熟佐少少，如果再生些少，用來切絲蒜蓉炒我至愛。

切幾粒俾阿仔煲粥。

三文魚又切一細舊仔蒸熟。

三文魚南瓜粥。

可能太腥,丞超唔鐘意，第一啖開口食，皺哂眉，第二啖勉強試多次，即刻作嘔狀，第三啖閉實實口，係都唔肯再食，再逼，大聲喊以示抗議！

無計，唯有開返奶俾佢。

今日早餐，生炒糯米飯，係啊，係咁過份，神早流流整生炒糯米飯~~~

有佐丞哥之後，奶奶早上都會一早過來探丞順便食埋早餐，今朝見到食糯米飯，奶奶食佐啖，擺底個碗，幽幽地說佐句「以後想食糯米飯唔洗靠阿媽喇，老婆識整羅，以後幾時想食都得喇」~~~

呻幾句，屋企多佐個小朋友，一日要做的事多佐勁多，其實奶奶真係唔洗來得咁密，因為奶奶來到，我除佐要照顧細，總要招呼埋奶奶，真係咪話唔吃力，奶奶來到食完早餐，睇完一輪電視，抱幾分鐘孫孫就返歸，以前總要食埋晏果餐，果段日子，真係人都想死。自己衰心軟，一開始太好招呼，以致到最後，一切變成理所當然，強哥唔會主動開聲，我身份亦唔好去多講，有一次我媽都係度，食完飯，阿媽好順手幫我手收拾碗筷拎去洗，奶奶見到講佐句「親家你洗乜幫手啊呀，座底等細去做喇」，阿媽講佐句「幫輕下阿女嘛」。。。。果刻真係覺得，世上只有自己媽媽最好。

大哥丞`~