加载中…韭菜生煎包、韭菜盒子
(2013-06-18 11:38:06)
标签：
美食 |
分类： 甜点，小食 |
我其實超喜歡吃韭菜，所以某日假期一覺睡醒，覺得突然很想韭菜煎包。
早上九點多鐘，將大丞交給強哥，即刻走落街，買了半斤細韭菜回來，整生煎包。
自己會整就是這麼好，隨時想吃只要不懶，就幾時都有得吃。
生煎包可以參考以前寫過嘅作法：「做法點擊此處」
早上九點多鐘，將大丞交給強哥，即刻走落街，買了半斤細韭菜回來，整生煎包。
自己會整就是這麼好，隨時想吃只要不懶，就幾時都有得吃。
生煎包可以參考以前寫過嘅作法：「做法點擊此處」
講下個餡：
韭菜切粒、免治豬肉簡單用豉油糖醃入味、少少雞蛋炒香後剁碎，加少少五香粉，少少鹽，淋少少熟油入去，搞掂個餡。
因為我少時吃過一間生煎韭菜包，就有五香粉的味道，所以自己也加入少少五香粉，更接近少時吃過的味道。
兩邊都煎至香脆，自己食，樣不緊要，好味才是真理
超掂，勁似細個時嘅果種味道，爆開心。
韭菜買多了些，趁著煎包的時候，又搓多少少麵粉，整韭菜盒子。
韭菜盒子煎的時間較短，所以餡料全熟。
「韭菜剁碎，蛋煎好剁碎，想味道再豐富啲，咁就再用少少油，爆香些少蝦乾粒，再撈入餡料度，俾少少鹽撈勻，搞掂個餡」。
因為韭菜會出水，所以通常我會整好個麵皮再撈餡，一撈好餡就包，一包就即煎。
韭菜盒子嘅皮，用「燙麵」法制成
作法好簡單，無需酵母，取麵粉適量，擺幾粒幼鹽撈勻，衝入滾水，用筷子攪勻麵粉，稍涼之後，用手搓成麵團，擺室溫下十至二十分鐘，醒一醒麵團，就用得啦。
整豆沙餅或者鍋貼嘅皮都可以用燙麵整。
少少幾湯匙的麵粉，已經整到一小塊的麵團，本來想一開二，都係太大，後來一開四，搓到麵皮薄身啲，煎好後食上嚟軟啲好味啲。
韭菜盒子真係好易整㗎，搓成一大塊圓餅，舖入餡料，對折捏實，搞掂。
餡料唔好落得太多，要留多些少空間，煎的時候會有空氣入，太多餡會爆汁。
韭菜盒子真係好易整㗎，搓成一大塊圓餅，舖入餡料，對折捏實，搞掂。
餡料唔好落得太多，要留多些少空間，煎的時候會有空氣入，太多餡會爆汁。
一分鐘整一個。
平底鑊落少少少少油，擺入去兩邊各煎分半鐘，中火，要COM蓋。
因為搓得麵皮好薄，所以無需驚唔熟，麵皮含水量較多，唔洗驚太乾。
三分鐘，煎好。（韭菜本身烘一烘熱就食得，其它餡料熟嘅，所以唔洗煎太耐`）
鑊熱先好擺餅入去。
以前未識整，去食北方餸一定點韭菜盒子食，依家學識佐，都好耐無係出邊叫過依個麵點羅。
自認整得比之餐廳，有過之而無不及，即整即食，咬落有麵粉本身嘅香味，餡料趁熱咬落，有汁㗎~~~、
好滿意。
同煎包對比下，韭菜盒子好大一個㗎~~~
煎包係發酵過嘅麵身，韭菜盒子就死麵，只要運用唔同嘅搓皮法，兩者整出嚟雖然口感各有不同，但各自一樣咁精彩。
全程由整到食，都係一個鐘鬆啲，無人吵， 自己一個人享受全程嘅製作，好滿足。
講起慚愧，我係直到近這兩日才開始獨自幫大丞衝了幾次涼，以前一路都係同強哥一齊合作完成，現在丞識得自己座得好穩陣，才敢放膽自自己幫他洗白白。
抹乾淨身後，由得他自己浸下水，等血液循環好啲。
總好識保護自己㗎，捉到實一實，一有少少滑，自己用腳頂返座返直，叻仔~~
好好享受下喇~~
喜欢
0
赠金笔