天氣一涼，胃口就特別好。

周日早上十點幾醒，涼意讓我係晨咁早嘅時候，好想食一碗熱辣辣米飯。


強哥繼續有佢瞓覺，我就起身，睇下雪櫃有咩可以煮嘅。

有半條蘿蔔，一盒仔免治豬肉，一包早前剝好嘅粟米粒。


先將免治豬肉，用「生粉、米酒、胡椒粉、鹽、糖」醃好味，攪至起膠，然後擠成一粒粒待用。

少少油，略略煎一煎至定型，無需要一定煎熟。

拍一小塊薑入鑊爆一爆。

將切成粗條狀的蘿蔔，倒入鍋中，加一匙蠔油，少許鹽，加水，燜煮八分鐘，唔揭蓋焗多二分鐘，搞掂。

如果水太多，可以埋個芡，等佢滑啲入味啲。

雖然其貌不揚，不過可以好負責地講，依碟餸，鮮美非常~~~~

秋冬正是食蘿蔔嘅時候，蘿蔔入肺，如果有秋咳，食蘿蔔就最當令，止咳潤肺一流。

少少腸仔、香菇粒、甜粟粒，炒埋一碟，可以又香又好味。

星期日早上的十一點鐘，香味自動將強哥叫醒，早係早啲，不過，食住熱辣辣嘅米飯，配上香噴噴鮮美無比嘅餸菜，自覺滿足，足矣~~~