趁周末去街市補佐好多貨返嚟擺。

見街尾果檔婆婆檔，新嚟一大袋嘅炸豬皮，聞一聞無油膩味，咁就買佐超大一塊返嚟，勁平，一大塊，五蚊雞咋~~

今日早上煮餃子做早餐食，煮完餃子嘅水無嘥到，隨即將豬皮掉入去碌一碌，即時淋哂，衝洗乾淨後擺入雪櫃，可以慢慢切嚟配菜炒。

炸豬皮通常都係愛嚟煮咖喱魚蛋㗎啦，不過其實都可以愛嚟做配菜嘅，佢炸過之後，就無哂油脂同肥膩感，而且口感煙韌，不過本身就無乜味，所以就要額外俾濃啲嘅調味去配搭。

切佐啲三色椒，少少甜肉切粒粒，少少甜肉嘅醬汁，加埋少少豬皮切絲。

笠笠雜雜，炒埋一碟，因為加佐甜肉嘅鹵汁，所以成味餸好香好惹味，豬皮口感又爽又縮味，幾好㗎~~

睇到好大一碌嘢，我傻更更問人「依個係咪冬瓜嚟㗎」

菜檔阿姐笑住答返我「節瓜嚟㗎」

乜節瓜都咁大一條㗎~~~

二斤半重一條。

切佐一半，愛嚟滾佐一個「咸蛋節瓜瘦肉湯」

炒多碟芽菜~~

全家福~~~