整定一樽仔咖央擺係雪櫃俾強哥早餐擦面包食。

咖央食譜以前寫過，有興趣可以自己去我個網誌嘅首頁搜尋。

因為都係用蛋黃去整，所以凈返嘅蛋白，依日就整佐幾個蛋糕仔出嚟，咁就完全無浪費過嘢啦。。。

無材料份量，我都係隨手落。。。

蛋白四隻、低筋麵粉一細細碗仔、牛油一舊仔、砂糖適量

蛋白加糖打至發起，將面粉慢慢加入去打發嘅蛋白度，然後倒入蛋塔模。

焗爐190度火焗20分鐘

唔記得擦油係模度，不過好彩都好易脫到模。。。

係食飽飯，電視唔好睇，老公又開夜，咁我就自己係廚房玩，各自找樂，幾好㗎。。。。

不過聞到焗爐傳出嘅香味，老公已經開始座唔定啦。。。

將蛋糕仔攞到佢面前，即刻停手，食一件蛋糕先~~~~

無咩技巧，就咁隨便整，發得都幾好㗎。。。。

我一直都係用個手搖嘅打蛋器，好好用啊，清洗又簡單。。。。

焗緊蛋糕嘅時候，清理戰場。。。。。

整咁嘅蛋糕仔，真係幾簡單，用嘅工具又少，又好味，整俾小朋友食，幾好㗎。。。。

第二日蒸返熱佢，又係好好嘅早餐啦。。。。

不過糖原來落得少佐，所以唔夠甜，所以切開一半，擦少少咖央落去，咦，都好好味喎~~~~