女人貪小便宜基本上係天性。

所以上次見到李X記蠔油，額外送多支未試過嘅紅燒醬汁，剛好蠔油亦都需要補返貨，所以即刻買佐支返嚟，而果支送嘅醬汁，就一路擺住。

尋日又走去買佐一大大舊嘅梅頭肉，即刻愛嚟試下果支紅燒汁嘅效果如何。

都將試用心得話俾大家知道。

貪心，買佐一大大舊梅頭肉，咪睇下下圖兩塊啊，差不多成兩斤重啦~~~所以其實係好大好厚嘅兩塊肉嚟嘅。

切走佐皮同肥膏，用嘅係本港無添加劑健康飼養嘅豬，肉味濃啲同埋口感係無咁「霉」㗎，平時多數切片愛嚟小炒，未試過用嚟燜，依次就試下。

好簡單，肉烚一烚水，切開兩舊。（我應該再橫切一刀，等佢無咁厚，後嚟因為實在太厚，累我煮佐好耐好耐，如果切得薄啲，煮嘅時間可以短好多㗎）

煮法就簡單到不得了。

倒三湯匙上圖嘅紅燒汁入去，加適量嘅水，開火煮肉。

時不時翻下身，等佢上色靚啲。

個味道，勁似我以前教過大家嘅「甜肉」

咁就好方便未識得調配個豉油同甜感度嘅朋友，依隻紅燒汁，煮出嚟嘅味道真係唔錯㗎。

我就煮到用支牙籤刺入肉度無血水鑽出嚟，就謂之熟透佐，而個汁，我留返少少愛嚟點肉。

剛剛煮好嘅時候，聞到好香，忍唔住就先切一片嚟試下味~~~

好負責地話俾大家知道~~~

非常非常美味~~~~

最好用豬肉嘅梅頭肉嚟整，無咁肥膩之餘，食落亦都唔會鞋~~（鞋，是廣東話里，粗糙的意思）

本嚟諗住係食紅燒肉加埋一碟菜嘅，點知老公話要開夜就唔返，得我自己一個人食。

之前一日買嘅皇帝菜，食佐一半，另一半，尋晚用佐一半再一半嘅量，炒佐少少菜俾自己。

（諗：是思索，想的意思。）

又係蒜蓉炒，加少少辣腸。

一個人，食少少，都有啲菜食嘛~~

自己一個人的晚餐~~~

撈少少燒肉汁，正~~~