加载中…
随感
(2007-04-27 12:38:53)
标签：
现实难过人情冷暖自知心乱烦 |
伯伯话,如果我男朋友系乡下嘅拒就唔系好中意啰,以前仲未捱够咩咁!
返到上广州,哥哥亦话拒唔中意,有时候真系要好现实嘅,而家呢个社会,都系先敬罗衣后敬人,你自己过年去买衫就体会过喇,所以,唔好再咁细路仔啦,唔好再买D唔等使嘅野,宁可买多件靓靓嘅衫着下,打扮下自己仲好啦.乡下D人睇死我地嘅!就算系四叔拒地仲够系啦!(旧年中秋节,哥哥带左好多野返去来,但系拒地连一句留低食饭先走嘅说话都无,听哥哥无食中午饭就返左出来,又冷又饿.堂哥结婚时仲够,D人聚埋一齐倾偈,无个人理下拒,人情冷暖自知!!如果系伯伯返就唔同,就算伯伯无乜钱嘅,但假假地都系香港客,待遇系更加唔同嘅!!虽然而家我地算系全家人出左城住,开了个士多仔,但系乡下D人(亲戚,不过都无乜亲戚了)表面上讲你而家点好点好,其实背地里都唔知讲你几多睇唔起你嘅坏话!!所以,我地都绝少返乡下.除左过年要返去还神,清明要返去扫墓)
拒问我"你惊受苦吗?我自细吃得苦中苦包括人情冷暖,懂得苦中作乐.唔会用尽时间去追求大富大贵,更多时间去感受人生."(我都捱过苦所以无所谓话惊.但明知努力就会唔使受苦点解唔去努力争取?
拒讲"天生我才必有用",但我问拒,呢个才要用系边度呢?要点用呢?系咪应该用于努力争取大家以后唔使受苦呢?纵然我唔怕受苦,但你有无谂地点先可以令爱人唔咁呀?咁系咪意思即系:你唔怕受苦嘅就跟住我吧(但我唔会刻意改变现状噶)而唔率:可能以后会好苦,但系我会为以后努力上进的?如果努力过都仲要辛苦的我无所谓,无问题.但生活经验一点改变现状的想法做法都无嘅我都会(跟住捱但我唔会接受)捱,但系你忍心咩?其实我真系好想拒可以就算唔系为左我,为左拒自己都好,然后好好学返多D野,因为学到嘅野系自己嘅,唔系学到去人地度嘅,就算你而家用唔到,多一样知识总好过而家咁上班又无聊又闷呀(拒份工无技术含量的)得闲睇多D书,学下电脑,识多D野,唔好么?咩野叫做唔中意呢D野啵?
虽然而家未有本钱做生意,但系总唔能就咁日日等住到时接手鱼塘来做,而家就唔学返多少野咖?
与世无争,讲来好听,但系,反过来讲就变成不知进取了!
乜野都唔学,乜野都无兴趣,边度都唔去,我真系接受唔到!!
睇来,我地真系唔适合!!
又有个同事话喜欢我.但我共拒讲我有男朋友了.并话拒知我而家已经唔想拍拖,可能迟D做尼姑都未定添,实在太烦了!!(就我听佛经呢件事,哥哥就好反对,因为怕我听听下真系会走去出家)
唉,开心系好简单,但系.........有时唔系真系你想点就点嘅!!人生啊!!
我问拒系咪觉得我遥远左?拒话系.我都觉得自己真系变左....特别系香港返来之后更加明显,因为氛围问题?个个都话要增值,自己一直以来亦好想学返D野.但系拒却...........
喜欢
0
赠金笔
前一篇：香港三日游(走走而已)
后一篇：好难开口