迭两天一出梅，气温就像三级跳，一记头蹿到38.5度，热呀热塞忑了，屋里厢开了两只空调，其他房门打开，让冷风窜来窜去，奈么总算阴凉一点。

 

你晓得伐，两只空调开了浪，我还是满头大汗，为滴啥，一个大，一个小，一人一间房间，我欢喜早滴起来额，一介头勒浪书房，想想再开一只空调嘛不舍得，又勿环保。捺伊拉的门打开伐，又怕吵醒伊拉，只好自己热滴，劈似勒浪汏桑拿。

 

实在热涩了呢，就立到伊拉的门口头，感受一滴房门里厢放出来的冷气，惭古啊！

 

还勿好纲把伊拉听，否则要笑塞忒勒，恐龙为得纲：“咦，捺我房间的关特，侬开好勒！”或者“再开一只好勒！”

 

真是额，谁知我心~~~~