堪舆学家吴佩孚讲，马云系有发达相，但衰在冇福气命。佢头大额广、眉短眼有神，系有横财命，一副赌仔相；不过，面削、骨外露，发达后都会大上大落，聚唔到财。吴师傅话一副有福气嘅相，一定要圆口圆面，千祈唔好见骨，颧骨同面骨都唔可以削。

另一堪舆学家箫镇升就话，马云面相属于三清局，头发、眉毛同须都较稀疏，呢类人容易行运；加上眉灵骨突起，眼眉毛生正喺眉灵骨位置，容易遇到贵人。而且佢「颧骨插天仓」，有「英雄力压万人」命，仲有「下巴兜兜，晚景无忧」；不过面珠冇肉，注定天生奔波劳碌。

整体而言，面相冇大问题，嚟紧应该仲有运行。阿里巴巴以百倍PE招股，都吸引到大孖沙同散户争住认购，国际配售反应热到要提早截飞，梗有运行啦，差在会唔会带挈埋一众撑佢嘅散户啫。