一杯半左右洋酒＋六七杯红酒＋两杯可乐＝劏5次＋作呕10个钟＋清清醒醒地挨晒咁耐去

    以后打死都唔饮咁多，攞苦嚟辛。

    呢排做嘢加上搞间屋，谂题采访听同期加上家具用品搞卫生，仲有间中进行嘅各种全民健身活动，搞到四肢无力精神崩溃囊中空虚揸颈就命，分分钟揾只手指头一督就冧得。直到呢个对于我阿妈同我嚟讲都係咁重要嘅日子，当呢只原装东洋进口嘅CASIO——猪索，如下图：

    係啦，係闪到发光嘅猪索挂咗係左手嘅腕骨上面嘅时候，我先感到有一丝喘息嘅空间。虽然对于呢一日嘅仪式已经减到最低，但身边嘅人带嚟嘅感动依然令人难以释怀。从前一晚嘅10点几开始，就有各种短信发到嚟我度。好多，或者讲绝大部分，都係成十年前认识嘅人——高中嘅同学。

    以前我就觉得，高中嘅时光係到目前为止最舒适最惬意嘅日子。脱离咗初中嘅叛逆同青春期嘅骚动，但又未需要因为真係要争夺啲乜嘢嚟搞到勾心斗角心怀鬼胎，众生平等

    基本上我都唔中意睇电视剧，从细个到而家都係。但係放假去玩呢两日里面，居然俾老婆质住用咗确切讲係一日左右嘅时间，睇完咗年中係台湾播完嘅《败犬女王》。更加居然嘅係睇咗之后都仲觉得唔错，而且係之后呢段时间里面时不时就会无端端醒返起里面嘅情节同人物。为咗摆脱呢种感觉，我唯有上网揾返呢班主演嘅资料出嚟睇，以将佢哋嘅形象同人格，同戏里面嘅角色剥离返出嚟。

    其实对于呢出片，如果要简单概括一句，亦不过係当年《男亲女爱》嘅台湾后生化版，不外乎阮经天扮嘅卢卡斯比黄子华更快咁中意咗女主角而已。但係我觉得可能係时间上嘅变迁，令到我对出戏嘅感受比《男亲女爱》要深得多。睇郑裕玲黄子华，不过係笑同睇住按部就班、早可预料结果嘅剧情经过；但睇《败犬女王》，除咗上面讲嘅两点之外，仲有第二啲嘢，令人睇完之后仲有啲回味、追究，同感触。

    一个故事要人回味，就要令人有所感受；要人有所感受，最好莫过于令人感同身受。《败犬》里面嘅故事，好大部分程度上就係我哋呢一脱人嘅故事，尤其係70末80初呢一段时间嘅人嘅故事。单单就我生活嘅呢个城市、呢

    中国人取名比起欧洲啲鬼佬嚟讲严谨得多。欧洲人起名，一係直接係圣经里面ctrl＋c，ctrl＋v拎出嚟用，比如abraham、arthur之类；一係就直接用职业嚟起名，咩smith、taylor之类。咁嘅起名方式就相当于我哋呢度啲乡下乳名咁上下，不足为外人道：你甚少知道你同学原来叫王阿狗、李卤味咁架係咪。

    中国人起名多讲究，唔係就俾人瘀成世。首先要啱辈分——开山祖宗写落，跟住落嚟嘅八代个名就要排正：“天地玄黄宇宙洪荒”，冇得捞乱；

    又要好听——比如最好唔好叫“杨伟”“朱温”之类；又要好记——人哋老母抱住个仔四万咁口嚟同你讲：“嗱我个仔得意冇呢？佢叫罗繇鸻啊！”你当其时就只能跟住笑骑骑咁款，拧转面谂咗十几次，先记得“哦，七姑个孙叫萝柚痕。”；

    更加要满足父母对细路嘅日后前途嘅美好愿望喔——“你两个做咩起我个名叫‘得掂’啊？我知你哋想我好啊，但係我哋姓‘吴’架嘛，你哋唔係唔知架！”

    种种规矩如此。由此可知，我哋绝对绝对唔可以接受好似番鬼佬咁三四代同堂叫jorge bullshit嘅，简直可以拉起名果个去打

    毫无征兆又顺理成章咁样，油价又升了两毫二。全国最勤力嘅公务员无疑肯定就係发改委一班同志，次次都搞到夜妈妈七八点钟嘅时候，先公布出嚟话升价。都好，起码冇前年果阵咁，深夜十二点发布消息，佢唔收工啫，最低限度我哋做新闻嘅都要返去瞓架。

    我觉得可以赌返铺了：之后呢十零廿日，原油价格肯定会跌，跌到扑街为止。

    虽然暂时嚟讲，无论佢油价点升点降，我每日坐果两文公交都暂时唔会变，打的亦依然仲係两个六一公里。但係好似果句话咁：到我俾人揾枪指住果阵，我先发觉原先身边啲人都已经瓜晒老衬了。

    从一开始嚟讲，而家个定价机制其实就係相当模糊嘅一个概念。国际原油日均价格係22个工作日里面波动超过4％，就可以相应调价。咁听落好似几有道理几合理。但係一个，你果个调价係按乜嘢比例嚟调呢？调价嘅公式係点呢？变动嘅幅度係点得出嚟嘅呢？冇讲。按照佢字面意思，只要肯撕烂块面，我完全可以係22个工作日后每升汽油加佢10文——冇嘢架，而家国内成品油价格比国际价格水平低好多呢，我原先想升廿文添，咪用啊笨。

    当我手上攞到人哋送过嚟嘅一个揾包装纸包实嘅礼品盒，仲有一封特别折埋一饼嘅信嘅时候，我先发觉到，原来又一个实习生要告别——呢个并唔係伤感，因为係呢个时节，后面仲有一揪二楞嘅大学生係度候住，而且咁样係一生人中擦肩而过嘅人，实在多到你唔恨——但係，仍然有不安嘅感觉从心底里面透出来，每次当呢班靓仔靓妹要走时，呢种感觉都会出现，隐隐约约，似有还无。

    我唔觉得我带住呢班友带得有几好，事实上，我觉得自己从来都冇做好为人师表嘅准备。当你初初开咗几个月工，万事先至啱啱有啲上手嘅时候，突然间有日，有条友俾人一嘢质埋嚟，嗌你一声：“老师！”咁样，果种感觉令人手足无措，你根本唔知点样去接受呢种角色嘅转变。我觉得，你受得起一声“老师”，就应该将你係呢方面嘅所有经验向佢传授；但係当你本身嘅经验又唔係好足果阵呢，咁又似係切磋多啲喔。咁即係点？你咩身份嚟？你应该点样对待你身边呢旧叉烧？呢个身份问题到而家仲係会周时发生困扰，或者呢个就係我对佢哋感到不安嘅原因之一挂。

    我谂可能好多人都冇我呢种感觉。实习生嘛，根据实际社会生

    其实係返嚟之后几日就应该写低啲嘢，但係呢排实在係心力交瘁，加埋去完旅游一趟更加叫做精疲力竭，一直拖到而家都唔想起头。加上个烂鬼相册唔知乜回事，明明排好晒number嘅相，一传上去就排到乱晒，实在冇心机再一张张对返落嚟，由得佢放係相册里面算了。反正要睇嘅话，开两个网页亦都唔係咩有难度嘅事。

    江东之地对我嚟讲原本亦冇乜吸引力，所谓江南风光，呢度亦都有，无非就係亭台水榭、弱柳扶风，相对于华北平原落嚟嘅佬们好似好新鲜，但对于岭南嚟讲实在唔算得係乜嘢，呢头都大把；讲历史，吴越亦唔见得有几重要嘅地位：定都江东呢一头嘅历代大细老板，佢哋间公司的确名副其实咁“有限”，奉旨都係“偏安”、“文弱”，最后俾人统一战线。唯一例外就係明朝，不过就係朱老四睇清楚历史形势，迁都北京所以先挨到两百几年。咁样一个地方，唯一能够叫人去嘅理由，只有係咁：“未去过”。

    我哋嘅行程由扬州开始，呢个烟花之地，果然名不虚传。好大烟——湿度突破120％，又热，企係条街度即刻成身汗，跟住你成日都唔散，原先好得一半嘅感冒係咁一焗之下又试爆返晒出嚟

    係去海南之前，我仲未去过比阳江闸坡海陵岛纬度上更加靠南嘅地方。係法航啱啱空难完个零星期之后，我哋坐係经常听到呢度坏果头神嘅737上面，饮住滴滴清纯嘅屈臣氏蒸馏水，嚼住淮盐花生，经过一个几钟头去到咗三亚～～

    第一日乏善可陈，因为去到落埋脚都已经係五六点嘅时间。夜晚係出面沙滩放烟花食烧烤都相当例牌，冇乜好描述。全日嘅亮点嚟自酒店门口嘅两条屌佬：佢哋係楼下已经外包出去嘅康体中心嘅咨客：

“喂，先生，晚上要不要到市区里面？不去的话不如去我们中心里面，有节目看喔。”

“……”

“喂，先生，晚上要不要到市区里面？不去的话不如去我们中心里面，有节目看喔。”

实在无聊，搭两句讪又何妨。

“哦，什么表演？”

“诶！我们的表演分为三个部分。这是我的名片，你先拿着。我们表演分三个部分，首先是少数民族风情舞蹈，就是海南当地的少数民族穿着民族服装，跳一些当地的风情舞蹈。”

“……－_－||”

“然后就是现场真人秀表演。就是真人在台上打炮给你看，小妹很漂亮，有来自俄罗斯的、韩国的、日本的，等等等等。”

“

http://news.sina.com.cn/c/sd/2009-06-04/092717949665.shtml

广州频发跳桥事件解读：多为见媒体反映诉求

    实际啲讲，我并冇睇晒佢成篇文讲乜嘢。係呢个咁快节奏导致到浮躁嘅年代，咁长篇嘢除咗攞嚟呃稿费之外，并冇咩太实质嘅意义。有时间睇晒落去嘅人做唔到乜嘢，有机会做得到嘢嘅人又基本唔会有时间去睇。

    曾几何时，我哋发现做新闻比起我哋啱啱入台果阵似乎好做咗好多。由于媒体业呢几年嘅大力发展，而家嘅人更容易接受采访、更从容咁面对镜头、更愿意通过媒体而唔係其他违法甚至犯罪手段去解决事情。匿係报纸、匿係镜头后面嘅媒体人，透过呢几年舆论控制政策嘅缓慢放松，透过对社会问题嘅思考报道，透过自身嘅努力，比较成功咁係大众之中树立起一个类似宗教意义上嘅“偶像”嘅定义係度。简单啲，即係人哋当你神咁拜。无他，因为通过媒体将事件放大之后，好多人嘅问题得到解决，呢个係佢哋以往去基层管理部门十次八次都未曾试过嘅体验。而且，媒体往往係处理事件上代表住一个正义、公正、平等嘅立

    我的娘诶！装个新硬盘给折腾到凌晨四点，这些破软件什么的怎么平均每个要耗tm半个多小时去！所以怎么说电脑工也是个高强度的技术活，装的时候还要死死盯着以防它出什么岔子，屌！累死老子了！

    係今朝一早醒嚟之后我忽然间发觉，原来普通话嘅方言，係嗔气果阵係好用过粤语好多嘅，啲情感可以由外而内再到外咁慢慢抒发出嚟。如果用粤语，广州话嘅话呢，当然都可以好适当咁表达自己嘅情感，不过係咁嘅：

    你老母，D寻晚装个咁嘅死人硬盘装到凌晨四点钟，NM啲兮程序只只都要成半个几钟先搞掂嘅，忽嘅都！屌所以话搞电脑啲都係辛苦工嚟，一路装仲要一路睇到实会唔会忽然间发傻hang咗，顶，搞足成晚攰到只兮咁！

（上面用字母表示嘅音节表示轻发，含混带过咁解）

    得啦，你唔使再读多次嚟体验下究竟係咩语气表达出咩意思噶了。事实证明，要表达出自己嘅确切情感呢，粤语係要比普通话需要涉及到更多嘅生物学同生理学嘅常识嘅。普通话讲呢啲嘢唔单只词汇少，而且用得十分之短，即係好似黄子华描述一个解放军揸住