(2010-10-07 22:26)
ryan we love you
running down the wing
our hearts begin to sing
you spin around and then
you set this game on fire
ryan we love you
try to understand
you’re soon to be a man
you’ll have it all and turn heads
like you turn defenders
try to realise
the fear that’s in their eyes
but never compromise and we go la la la la la la la la la la la la
la la la la la
ryan we love you
although you never smile
we wouldn’t reconcile
we heard and it’s enough
you want to make us happy
ryan we love you
try to realise
the fear that’s in their eyes
but never compromise
and we go
la la la la la la la la la
(2010-07-04 00:03)
承蒙照顾，係河源嘅洪水泥浆中碌咗两日之后，俾人带上咗到上海嘅班机。据闻果边有世博，有高塔，有外滩，亦有江湖。于是，係部会进行电视直销节目嘅飞机度颠簸咗一晚之后，我又嚟到阔别一年嘅江南地、长江边。
住嘅地方严格嚟讲属于上海嘅郊区，据团友推测相当于我哋乡下嘅鱼窝头咁上下。不过交通都尚算便利。虽则係梅雨季节，晨早嘅上海真係好似入咗海咁四围都係水雾，不过无损我呢度一班乡下佬嘅兴奋热情，个个晨七咁早腾起身，都未到先high定先……除咗我。我对世博呢啲趁墟咁嘅地方并不太感兴趣，就好似呢碌未来城市馆嘅烟囱温度计咁：
不冷不热，23℃。
其实嘢都係得意嘢，讲真。但係太多雷同嘅花巧嘢，极易令人觉得审美疲劳。而偏偏如果
而家出外绝对唔係一个好时机：
飞机会冲出跑道；
火车会脱轨；
长途大巴会俾对头部大货硬硬咁垒埋嚟；
剩返行船，到泊埋岸果阵又会着火。
珍惜生命，唔好出街。
06年电影版《寂静岭》出嚟时，我已经down过好几次落嚟睇，谁知做老翻嘅班人认真唔专业，分开几个场嚟偷录不但只，仲拼到乱七八糟，搞到前言唔搭后语唔知噏乜，终归放弃。好在而家有高清电影版，早两日睇太平洋个口水帖时先醒返起，重新down过睇一次，终于睇完出电影究竟搞乜。
如果讲呢出电影係向当年呢个游戏致敬，我觉得不如叫借鉴比较适合。除咗将表里世界嘅特点全部搬晒过嚟、以及真人演出一啲恐惧意象更加真实之外，基本上呢出嘢似悬疑片多，一个人係房里面睇完，哦，冇了。而我嘅胆量并冇比读大学果阵大咗几多。
或者可以咁讲咯，“寂静岭”，代表嘅係呢种类型游戏里面嘅顶尖之作，尤其係前三代。所谓生化之类，都变晒做细路玩泥沙咁。冇玩过嘅人係冇办法体会到果种压抑、令人情绪沮丧、反胃但係始终欲罢不能嘅感觉，冇办法体会有全宿舍人都係度瞓觉时，一个人係床下面一路玩一路心怯嘅感觉。浓雾、飞嚟飞去嘅电筒光；生满红绣嘅铁丝网加上污糟帆布，空朗朗嘅地板，黐满血嘅瓷片墙，同埋火焰；模特公仔部件组成嘅抽象派怪物，拖铁棍行嘅护士，肌肉三角头，仲有
往生者已逝，在生者为此平添几多麻烦～～～～～～～
神话，信我者必达天堂，不信我者必坠地狱～～～～～
佛话，善有善报，恶有恶报，不是不报，时候未到～～
某武林邪门左道教主亦讲，顺我者昌，逆我者亡～～～
想我死者最终不可如愿，欲我亡者将先于我亡～～～～
此为慨言。
火葬场里面嘅大喇叭，经常播报啲令人听完啼笑皆非嘅东西，令本应欲断魂嘅清明都蒙上一阵无厘头嘅色彩：
“陈大雄，陈大雄注意，你大佬係管理处门口等你。”
——陈大雄嘅大佬应该叫乜？巨雄？庞雄？或者係英雄？
“何来发，何来发，……”
——阴功，边个起架？呢世人仲点发围啊。
最古怪嘅係呢个：
“潘XX，潘XX请注意，你妈妈已经到咗火葬场山顶
三八妇女节，室外面反而係一派风大雨大嘅景象，而且仲係啱啱开始又冻返，十足十啲女人性格，翻雨覆云，阴晴难定。
一朝早瞓醒，睇下床头钟已经11点半。相当之奇怪，平时都唔係咁烂瞓嘅人，今日竟然缩係被窦度唔想出嚟——如果唔係寻晚饮咗两大杯茶嘅话。实在唔想起身，起身有咩做呢？食饭，打机，跟住呢？好闷好无聊，但係又唔想郁。
唔知几时开始就变成咁样，又唔想做嘢，又冇嘢好做，但係成日个心都唔安乐，略微有啲提心吊胆咁嘅感觉，惊唔记得咗重要嘅事，惊之前有乜嘢做错咗係下一秒突然俾人妈叉，惊冇钱供楼，惊得罪上头，好混乱嘅感觉。呢排心情都唔好，睇返之前写嘅嘢，睇返啲遣词用字就知道。但最攞命嘅係，我谂唔到究竟有乜嘢确确实实嘅事情会令到成个人冇嚟精神冇晒心机。咁解决唔到问题喔冇原因嘅话。冇办法。
而家老一辈成日讲你班靓仔好啊，咁后生出嚟揾到份咁好工，唔使似我哋以前咁死挨死悭。不过我睇返嚟，佢哋果阵又冇我哋而家咁多压力嘅啫。以前细个睇小说睇散文之类，有句话叫“人到中年”，即係一种“
相当无厘头七地，2010年2月27日星期六，农历虎年正月十四，新正头都未过，居然俾人屌反。
我记得嘅大致上、因工作而起、但又同工作无关嘅，咁样无情白事俾人屌到起烟嘅情形，计埋今次应该有两次。唔係话刻意讲粗口定乜嘢，事关对方嘅态度已经唔係属于“闹”或者“怒骂”嘅范围，纯粹係，只能够用“屌”嚟概括。
咁事实上又啱过喔，两次係度狂屌嘅都係啲几廿岁嘅妇乸，係严谨嘅遣词造句范畴上亦都唔可以话有错。第一次仲係05年啱开始做嘢果阵，靓仔小生梁生仲未过隔离揾食嘅时候。果日好似又係星期六，下昼，佢突然打个电话返嚟，话个朋友係淘金某间铺头买咗对鞋，两日唔到就烂咗，家阵只档主冇肯换，两家係度嘈嘈拱。于是去咯，成揸人起码三个人一齐去。经过某人一番偷拍取证之后，我揸住部机仔就係外围开始拍啦。好啦，跟手只档主就冲出嚟：四廿几岁嘅一只肥师奶——咁嘅描述已经可以如见其人，如闻其声——指住我哋开始闹，唔係，係屌。屌开有瘾喔，周围啲三姑六婆围晒埋嚟睇嘢。咁如果你去过鸡舍，就知道当一只鸡开始叫果阵，其他鸡咩反应架啦。OK，足足叫咗半个
三步骤：采、编、录；
三城：亚运城、大学城、科学城；
三场：体操场、单车场、篮球场；
三日：年初二、年初三、年初四；
三办：重点办、亚组宣办、萝岗宣传办；
三环节：民工过年、场馆特点、比赛项目；
三转：开车在市内兜兜转转、返台找机氹氹转、10点做完天旋地转；
三傻：写果个、睇果个、屌果个。
阿弥陀佛
哈利路亚
安拉真主
玉皇大帝
恶灵退散
子曰诗云
4楼个尿兜又试塞咗，3个兜满满咁装住一大泡屎黄色嘅水，几日了，都仲係未清走。屌佢冚家铲，都唔知班兮人係屙尿定係屙肾石嘅。
啲笠门里面嘅警告贴纸，即係叫人唔好揾手去掹笠门果两张，新嘅，又俾人撕下一忽撕下又一忽。我係出面无论边栋楼边度，再杂都好，都未见过呢两张纸俾人撕咗去嘅。零舍手多，啲兮人。
原本係大冷天时嘅冬天、大寒天，家阵居然回南、成地湿气，起埋成十年冇见嘅大雾大霾；然后据了解广州空气已经係度逐步改善当中。——呢几日肯定係个别现象。你见到日日咁湿咩？冇嘛。所以呢种天气係特殊情况嚟嘅啫。
原本好哋哋嘅一条路，就因为有成班代表开会，搞到班友行亲边度，边度就无厘头七封住十几廿分钟，你话佢怕唔安全需要警戒，但係又警车呜呜声开路跟住一车车中巴咁过，慌死冇人知佢哋腾出街咁，比以前八府巡按仲架势堂。——理论上，佢哋叫人民选出嚟嘅，叫公仆。你屋企请果个工人有冇咁串？冇嘛。所以佢哋係代表，代表人民嘅未来，係不久嘅以后人民就有可能好似佢哋咁架啦，到唔知乜阶段果阵。
原本正正经经嘅一班女人，都叫肆肆正正，唔谂法执返正做份工当中嘅各种甩甩漏漏、乌哩单刀，反而走去扮鱼虾蟹，搞到好似夜场里面啲阿姐咁，仲鬼咁兴奋，都唔知边样先係正行。——咁后生细女，青春活泼，梗係多活动搞架啦，你见死咕咕啲人缩埋一二角，会引人注意咩？有嘅，偶像剧里面咯。而家呢个世界眼球经济，只要多人睇你，好过你做到趴係地。呢啲叫曲线救
添加到我的博客
加载中…
