老爸现在住的房子,也算装修过搿。只是,年数太长,还出租过好几年,拨人家用过的东西,多少会出点状况,弗是搿的弗灵了,就是依面松脱了。交关设施都先后调换过,有的还调换了几趟。旧房子嘛,修修补补,调换上去的东西,都是经济型搿,弗讲究牌子,只要求实惠,跟嘞后头忙着抢修,也就在所难免了。
那把门锁,已经调过好几趟了。最早是第一代的司必灵锁,后来调了带保险的司必灵,再后来就是更新型的三保险。三保险用了交关年数,从来呒么拨撬窃过,大概还算有点效果搿。
今早出怪了,就是开弗开。钥匙旋转半圈,只听“的”一声,再旋转,还是“的”一声,象啥滑牙的样子,锁就是打弗开。揿门铃十记,打电话三趟。老爸嘞阳台打瞌充,大概呒么戴助听器。还算好,到第十记门铃揿脱一息辰光,老爸来开门了。
问伊:“侬嘞做啥”?
回答:“匍