一年没有写blog了，发生了很多事。
原来，写日记真的很需要时间，而我，最缺乏的是睡眠。
纵观多年的自己，真的没有变，性格上。很感激多年来一直包容我的朋友，能和我走到今时今日真的不容易！我付出过的，感谢你们的欣赏；我索取过的，感谢你们的给予。
我再次感到无助，原来我真的不合适在这个世界存在，聪明与智慧是两回事，我狠狠地失败了，没有退路。
如果可以让我从来，该多好。真的希望好似蝴蝶效应一样，可以让我胎死腹中，不必承受这人间的痛楚。
大师曾经告诫我要学佛，我也看了一些简单的佛理。可就是看不开，看不开啊！
明天又是一年了，而我却没有力气面对家人，面对朋友。每到这个时候，我又想找个地方逃避了，然而我又可以到哪里？
算了吧，依然是，tomorrow is another day!
今日睇左你嘅blog，好唔开心。
其实我唔想回应，最近实在太忙了，我已经好多日无休息，身上全系伤痕，亦都无时间去修补。
不过，我真系好想讲一句，疏远并唔系一个人可以完成嘅，系双方嘅。
年中开始我就准备咖啡厅嘅事情，每日唔系去睇市场就系搵物料，鞋唔知着烂左几对，雨唔知淋左几场。装修果阵又遇到好多问题，激到我呕血咁滞。开张之后d电器轮流坏，商业上又有好多麻烦。我无去计呢段时间入边我究竟有几多时间可以好好休息，我静系知道我d所有最好嘅朋友，从来无试过qq、短信或者电话关心过我发生咩事。唔系我唔想联系佢哋，系因为我得闲嘅时间同大家嘅作息时间真系唔一样，所以我静落嚟嘅时间，唔敢发短信，唔敢打电话。我做嘢嘅时候真系无打电话嘅心思，但唔等于我接唔到电话。我好多其他朋友都时不时骚扰我，我仲系好开心有人关心我嘅。
开张嘅时候，我第一时间发短信俾我最好嘅朋友，希望佢哋嚟铺头探我。其实唔一定要消费噶啦，过嚟探下我就得了。但系，我等左几个星期，无所谓嘅朋友出现到。唔好话我太忙搵我唔到
自从有左开心网，我写blog嘅次数越来越少，因为懒。好多时候都系去写记录，简单d，唔使写咁多字。相信用围脖多左之后，更加懒了。
以下系近一段时间嘅记录加签名档：
2010-02-02
昨晚为了掩盖一些味道，喷了很多从法国带回来却一直都没有用的香水。很讽刺，这个牌子原来已经引入中国。不过，再次闻着熟悉的味道，想起当天也是用这个掩盖厨房传过来的洋葱味，很可笑。很多东西，并是不掩盖就能消失的，但还好，用来掩盖的东西值得我去享受。享受完毕，就let
go吧！
2010-02-12
今日执屋，揾翻好多怀旧物品，包括各个阶段嘅同学录。多谢自己每一次毕业都坚持叫同学写，留翻好多美好嘅说话。呵呵，原来当年我仲同某人当众模仿过花样年华嘅片断，令到某同学大赞我演技好。当然，仲有一d睇到我忍唔住热泪盈眶嘅留言，多谢多年来一直感情支撑我嘅朋友，祝未来嘅日子，大家都活得精彩
2010-03-07
He's tought us that our beliefs are worth fighting for, even if
we don't know exactly where they're going to take us... There are
no endings, only ne
一个人即使无出现，都唔等于佢唔存在，因为佢系活响某人嘅心入边。
叫左你唔好中意d唔中意你嘅人噶啦，唔听啦，宜家摞嚟衰了！
唔好因为暂时无更好嘅，唔好俾一时嘅感觉掩盖左理智，去爱一个唔值得你爱嘅人。
唔好迷信爱情，爱情可能只系一种传说。
都系果句啦，各取所需！如果你可以响呢段关系入边摞到d你想要嘅野，咁咪继续囖，但系如果维持只会令你越来越痛苦，咁点解唔干脆d，长痛不如短痛？！
人总系犯贱，你点解系都要着紧一d唔关心你死活嘅人呢？放手啦，大家都好！
我相信，每个人心目中一定会有自己嘅梦中情人！－－包括我。
以前总系期望，梦中情人会突然出现，跟住从此两人就过住幸福快乐嘅生活。但系随住人越来越现实，我觉得我嘅梦中情人就只会响梦中出现，响现实中唔会存在。觉得只要遇上一个值得我中意嘅人，就已经唔错了。
万万无谂到，原来我所设定嘅梦中情人，竟然俾我遇到，仲要系如此之近，近到经常可以发现佢嘅好处，越系发现，就越系觉得佢仲系完全就系我想要嘅人！
只系可惜，时空交错，百般爱恨，此刻，佢唔爱我，我都唔爱佢。边个话一个符合所有梦中情人条件嘅人，就一定会被爱上？我只能够讲，如果佢追我，我一定会应承，或者。最讽刺嘅系，佢爱上嘅果个人，竟然……唉！不得不讲一句，同人唔同命，同遮唔同柄啦！我真系好羡慕果个女仔，呵呵，其实我都好中意果个女仔嘅，同我超级0岩倾，发展落去一定系好好嘅朋友。
原来，我嘅真诚，真系可以影响身边嘅人！
M：（发表一番觉得自己唔识做人嘅言论）
K：其实，你嘅真诚，已经令你身边嘅嘢发生变化，影响到大家嘅世界，只系你唔知嗟。
M：……
K：好多野我唔想讲到咁明白，希望你自己可以好好体会。
M：……（一脸疑惑，仲系唔明）
K：……
M：即系我咁样系无问题嘅？可以继续落去？
K: 完全可以啦，继续咁样无问题，好好啊！
正当我对自己嘅无知同待人接物产生好多怀疑嘅时候，好多谢身边一个朋友俾左一个好大嘅tips我，虽然
係我好中意听嘅一首歌。
帮呢篇日记谂咗好多名，但係都唔知用边个好。到真係写果阵，只係记得呢个。并唔係因为我觉得呢件事最浪漫，而係，有时做一件事，可能好平凡，但係由于同你一齐做果个人有花心思，从而令到整件事情变得好唔一样，呢种感觉，令我谂起呢一首歌。
最近遇到一d挫折，令到我好失落，甚至又忍唔住喊了。某人见证住我多次嘅眼水，忍唔住都话我实在太无用太脆弱了，但係佢依然都陪我行过呢一段对于我嚟讲係咁艰苦嘅时间。明明好眼训，仲係要叫我去食宵夜，因为知道我翻到去都係训唔着；明明想食炒牛河，但係知道我中意食菜都係叫咗通菜，仲要係飞椒嘅；明明自己一个人都未必够喉，都係要夹送去我碗度，因为知道我一向都好大食，好中意食，所以想我化悲愤为食欲；明明知道话我都无用噶喇，仲係忍唔住要话下我，因为仲着紧我（我希望係）。
对
终于，屋企第一次装空调了。
无错，宜家係2009年8月；无错，我係住响广州；无错，广州嘅夏天经常三十几度高温；无错，我屋企今日先装空调。
好多人可能无法理解，尤其係住响广州嘅人，点解我可以顶得顺唔开空调。其实，原因好简单，因为我屋企穷囖，所以唔想买空调增加洗费，而且电费又贵，真係交都交到穷。爸爸又话屋企d电线太旧，过电有问题，要换好麻烦。总之，家穷百事哀！
好多人都唔明白，点解我要坚持做生意，其实真係好简单，因为我知道靠打工係无办法令父母过得舒适，亦都无法令到我将来嘅子女得到佢哋想要嘅嘢。我自己真係穷到怕了！我父母係好恩爱啊，佢哋係好爱我啊，咁又如何？屋企经常因为d鸡毛蒜皮嘅小事而吵，搞到大家都唔开心。点解嗟，咪就係因为连最基本嘅物质生活，我屋企人都享受唔到，所以咪会有矛盾囖。唔好同我讲穷有穷过，富有富过啦！唔好自己扼自己
曾经好气愤地要将一个人踢出我嘅VIP名单，但係睇到一个好友嘅blog之后，我又觉得自己太过小气了。
“表上有名的人，无论他们有什么要求，只要不是违背良心的事，我都一定会倾尽所能去实现。”
“要被我加入这个名单绝对不容易，但一入表的话，绝不除名，因为无论日后发生什么事，我都不能否定他们曾经待我好到我无以为报。”
的确，无论今时今日佢对我做咗d乜嘢，都唔可以抹杀佢之前为我（部电脑）所做嘅事。而且，佢又唔止帮我搞我台电脑嘅，仲有无怨无悔咁俾我抄佢嘅作业，偶尔好唔情愿咁帮我做d佢唔想做嘅事情。我好记得一次，同佢一齐踩单车，佢成日都cut我线踩响我左边，我好奇怪，以为佢习惯响人哋左边倾计，原来，係因为左边为外面，响条路度比较危险，就算有车飞过撞都係撞到外面嘅先。呢件事令我感动咗好多年，相信佢本人都已经忘记了，我仲依然历历在目。所以，VIP
list，仲係重新写翻佢个名上去吧。
呢件事亦都令我意识到，原来VIP
list只係俾自己睇嘅，同人哋无关。即使你唔响果个人嘅list上，亦都唔影响佢响你list存在嘅事实。对于果
期待已久嘅两人独处时间，终于响无意之中获得了，虽然係因为公事，虽然唔知要等到几时先会有下一次。
我相信好多女仔都会幻想与自己心爱嘅人共度晚餐，然后，男士好有风度咁开车送女士翻屋企。今晚，我终于都可以模拟一次了。虽然我未肯定果个係我心爱嘅人，虽然我哋係响无空调嘅小食店食河粉，仲要係AA，虽然谈话嘅内容大部分都係关于工作，仲要成日冷场，虽然最后佢送我翻屋企只係因为顺路，但係，至少终于有人开benz送我翻屋企，我觉得呢个面子够大了，虽然我不久嘅将来会买宝马。
同一个简单嘅人响埋一齐，就可以好简单咁开心。呢个朋友嘅生活态度好令我佩服，虽然屋企有钱但係唔靠爸爸妈妈，自己白手起家；虽然想懒但係做事超级有责任心，凡事都会做到最好；积极向上，乐于助人，乐观开朗，真诚待人，简单直接……
我真係好为有咁样一个朋友而自豪。呵呵，不过一个咁好嘅人，竟然都会俾女仔拒绝，我真係好想知果个女仔要求d咩，或者每个人要求都唔同呱。
不过好开心囖，其实身边都经常会遇到好多优秀嘅人才，令我觉得原来呢个世界上都仲有好多值得我去爱嘅人，虽
发博文
加载中…
