由于最近忙于揾工，所以好耐都无更新哩度。今日上黎惊喜发现，居然会有人留言！！！而且，留言嘅人仲“扮晒”识我喔～～各位大佬们，大家下次留言，记得留埋名啊，等我都知道系咩人睇过我嘅Blog嘛～～

 

    最近揾工终于有D眉目，想可以顺利签约啦～～～多谢大家对小弟揾工嘅支持～～大家都心想事成就最好啦～

    好耐都无上黎写野了～～最近比较忙，实习、揾工、照顾女朋友（唔记得讲，我地已经好番了）。

    今日去左个招聘会，真系人山人海啊～总算系感受过招聘会嘅气氛啦～我本人系对现场招聘会无咩兴趣啦，不过系陪女朋友去姐，距好担心自己揾唔到工，依家情绪都好down～我都觉得好唔放心，所以米陪距去咯。我自己嘛，其实我实习间公司已经一定会要我了，不过我睇下有无更好姐，如果无啱心水，我就留番系间公司了，反正个度有好多对我好好个同事～～

    好啦，今日都好累，唔写咁多了。

    希望小敏嘅三个愿望可以快D实现啦～～

    要开始新嘅生活，其实并唔容易。睇黎都要开始揾D可以用好多时间嘅野黎研究下先得～～～

    最近有谂起一个词：“舍得”，要有“舍”先会有“得”。如果连读就系“舍得舍得”亦即系得得失失。。。唔知点样先会有尽头呢？不过谂番转头，人生本来就充满反覆，变幻无偿，咁嘅人生先精彩嘛～

    面对一份已经过去嘅恋爱，我唔知自己可以做到咩程度嘅舍得，我只知道，我要生活得豁达D，咁样先唔会令对方感到沉重嘅压力。俾对方一个呼吸、思考嘅空间，同时亦系俾自己一个自由嘅世界。

    虽然一段关系已经成为过去式，但系我对距嘅个份爱意，到依家依然无变，我会好好咁系我嘅心里面守护住哩一份珍贵嘅感情。唔理距最后会唔会返到我身边。而且我要学会相信距，相信距对我嘅感情就好似我对距咁，像溪流咁清澈，可以一直流淌落去～～～～

    今日心情唔系咁好，一如既往揾个妹出去饮野。相同嘅地方，相同嘅人，相似嘅事，唔同嘅系，哩次我地两个都遇到左相似问题。

    今日我发现最近嘅自己唔系一个真正嘅自己，但同时亦系一个真正嘅自己。多愁善感系双鱼座嘅天性，浪漫系距地嘅魅力。而我系多愁善感到缺少了浪漫，令人觉得厌烦。

    曾经有女仔同我讲过：“我觉得你好有诗意～～”。而依家嘅我呢？？被太多太多嘅社会观点所同化，改造，渐渐开始变成无灵魂嘅木偶。

    我决定，由现在开始，我要寻找番一个真正嘅我，一个最真实嘅廖贤聪。

    今日去左拔牙。教授出行力拔都拔唔出，结果出动到锤！！（唔系挂？！？）经过将近半个小时紧张施工，终于将我“顽固分子”清除出组织。唉～搞到我个口好似工地咁。。。。。

    有样野我唔系好明，其实我D骨质咁好，点解牙质会咁差呢？？奇怪～～～

    今晚胡乱食左一餐，俾我老豆笑我：依家你都要食淋野了咩～～～～阿嫲以前最中意咁食～～～～提早老年化～～～

    希望训醒一觉之后，个口可以自由活动啦～～～同时要告诫大家，牙齿健康真系好重要架！！！！

    哩几日都无上黎更新下个Blog，原因都有D奇怪。

    可能系因为心情有所好转，无之前个段日子咁多想法，无咩东西需要系文字上发泄；

    可能由于知道我哩个Blog存在嘅人只得两个，而其中一个就系引起我痛苦嘅根源，但同时亦都系我幸福嘅源泉。我嘅心情亦都可能带俾距好多负面嘅影响，令到距咁到黎自于我嘅压力。

    可能系对住电子版嘅文档，始终无对住真实嘅笔纸咁有feel，抒发唔到几多内心嘅抑郁。

    唔理理由系乜野，哩个Blog都陪我走过左一段心境比较黑暗嘅日子，我真系好感激距。

   

    寻晚我地一齐食饭，之后一齐去仙踪林饮野，之后送距返屋企，一切都好开心。不过系走嘅时候，我仲系忍唔住，紧紧咁抱住距。我知道我咁做系好唔啱，好唔应该咁做，之后我又好惊距会唔理我～～～～唉～～～何苦呢？？？廖贤聪啊～～你就唔可以好好看管住自己嘅身体咩？？

    我知道今晚距要上课，返到宿舍可能已经好夜了，仲要冲凉，洗衫。估计今晚我都听唔到

    今日终于过左折磨左我3年个四级啦，好开心！！！

    今晚距陪我出去食饭，当系庆祝我过左四级。

    但系见到距唔舒服，个样憔悴晒，好心痛。最近我都病左两日，见到距咁嘅样，我宁愿我继续病落去，而距可以健健康康咁生活。

    我唔应该叫距出黎食饭噶，如果距系屋企食，就可以唔使行咁远，咁劳累了，都系我唔好。下此要醒D啦，知道距唔舒服就一定要距休息好D先得。今晚已经咁夜了，而距又唔舒服，睇怕我都要度过一个无距声音嘅夜晚了。。。。。不过只叫距可以快D好番，我辛苦D又有咩所谓呢。。。。。

    嗯，廖贤聪，你要坚强！！！

    病左两日，好痛苦。咁大个仔，第一次因为扁桃腺发炎而发烧，真系好痛苦。因为食乜都会好难吞下，仲会呕添，唉～～～好采可以快D好番，可以唔使耽误公司D任务。

    病最然系好痛苦，不过身边嘅人都会特别关心你～个种感觉真系好好（心里上）。特别系距都对我好关心啊～～好开心，虽然我知道咁样系好傻嘅想法，不过我真系距可以永远好似哩两日咁关心我啊～～要我永远都病我都愿意噶～～～～唔知系米病到傻左。。。。。

   

    今日有个同事突然间话唔做，跟住就返公司办手续就离开左项目组了。由于事件发生得太突然，我都未黎得切反应就已经结束了。个同事走之前同个经理都闹得几僵，唉～～两个大男人都唔细架啦，有咩事系唔可以好好地讲噶呢？过埋哩个月，又会有一个同事走，到时D野可能又会有大把野要做了。。。。

    今日有D头痛，但系唔知点解，个人反而觉得清醒D。有D野虽然仲系未解决，都唔会觉得烦躁，只系有D心酸，有D心痛。最近虽然表面好番D，但系哩种感觉已经系我个心里面两个几星期了，一直都消散不去。我唔怕心酸，亦都唔怕心痛，因为咁先可以证明我在乎，我有情；我怕嘅只系无情。

    头依然痛，心亦都依然痛，但系今晚胃口反而好左，唔知点解。

    又写左一堆呻吟嘅字句。。一D发泄嘅感觉都无，唉～～～～～睇黎都系揾D其他野黎麻痹自己吧，8。