距离半冰释已经过咗接近一个礼拜，期间因为我嘅态度冷淡兼且前两日出去同好朋友小聚咗一晚，系朋友度的果晚你问我究竟有咩唔开心？有开心点解唔同你讲？我唔同你讲？究竟系我唔同你讲定系你唔得闲听我讲？每晚打电话来倾两句-正确来讲系你讲几分钟当我想讲嘅时候你就叫我早D瞓，你要睇档点点点……你果边永远都系好吵杂的声音，我嘅声音几时够果边来的清晰？我唔开心会习惯发短信同你讲，只可惜……呢次我嘅短信你话冇收到，所以我嘅心结你唔知，而我仍然在你不知的情况底下唔开心，继续忧郁…继续系度谂我哋系咪适合做番朋友会来得更好……好友叫我一定要俾你知，你冇收到我嘅短信就发多一次，她唔想睇到我哋分开，因为我同你系番埋一齐系睇得到的开心咗好多，果阵快乐系由心发出的，我终于将我发出而你未收到嘅信息重新再发送一次俾你，宜呢次终于都成功发送了，呵~~只系我估唔到嘅就系，你居然好似论文答辩咁一个问题一个问题咁同我解答，呼……我承认我哋嘅问题始终都系得一个，我嘅心态一日未揾到平衡，你件事一日未解决，我哋都将仲未会为呢D问题而发生争吵，ANYWAY~~至少我哋呢次都讲开晒
忘记系咩时候同他挞着嘅啦，嗯……根据某人转述，我哋读初二嘅时候他就已经有留意我了，咁当时嘅我哋都系比较保守，没有直接告白，当男生或女生喜欢上一个人就会用弹女生内衣带啦~拉头发啦~反正就各种小动作去引人注意嘅，仲有就系写情书，果阵我哋冇手机嘅，连BBCALL都未用，好少出去玩，好乖嘅，都系上课落课，果阵我就系走读生，上课前一秒先到学校，落课第一秒就走人，咁他系留校生，基本上我同他系冇交集嘅，当时我印象中都冇呢个人，咁有个周末，我嘅两个好朋友（唔同班，小学同学，初中系同他同班的）就来约我话去溜冰，当时我记得系四男三女嘅，咁我系第一次溜冰，班男子就有玩过啦，男子就带女生溜，但我同他哋班男子唔熟，而且当时好细个面皮薄就唔敢俾男子带我，就自己慢慢系围边拦杆度自己玩，我好记得当时嘅情况，就系有个靓仔他溜得好叻，咁个靓仔就玩倒后溜，我就向前，就咁……碰……一嘢，个靓仔成个人挞落我度，阴功，我被撞到头晕眼花，只右脚肿到猪腣咁，当时就系飙泪，好鬼痛……啦……重点来了，我记得当时系有个男子揹我去婶婶屋企度搽脚嘅，但系……我真系唔知系他啰~~到今时今日我
2009.3.23 天气清凉，舒服怡人，晴转阴，我同他于20日晚发生的争执于22日中午一点零五分我接他电话后结束，历时37小时，不过只限于我肯接听他电话，但仍未有情绪想同他讲嘢，皆因呢个过程他令我好失望，我系脾气好倔强的女子，他都系冲动嘅人，每次吵架发脾气我都系选择唔讲嘢，原意系避免两个人系冲动嘅情况底下讲出或者做出令自己后悔嘅说话与决定，呢次亦然，我拒听他嘅电话，只短信告之我想冷静，等大家冷静后再算，但……他理解的冷静等于分手，于是他火上头，将我与他的前妻混为一谈，碰……此喻踩中我的地雷，我介意任何人特别系他将我与他嘅前妻放埋一齐，于是我更加怒火中烧同他讲我哋以后唔再联系，他回复我：我哋分手啦，我无理取闹令他发癫了。呼……呢个就系冲动嘅结果~~~我哋都需要冷静；相隔四小时后，他再次播打我另一电话，系他不放弃连打N通之后我终于都接听他嘅电话，他氹番我，话分手只系好嬲冲动讲出来嘅，我系他嘅掌上明珠他唔舍得放开我，叫我唔好再嬲他了，叫我乖乖地将他接番通，他呢两日好激气都冇瞓好，眼好痛啊~心情好差啊~哀兵政策——于是拒听电话行为结束咗，唉……呢个就系冷静嘅结果——虽然我将屏蔽他电话
是日晚睇完部韩国电影《厨房》里面有段桥断是如此的：“一对夫妻结婚纪念日当日，老婆去展览厅睇展览，老公则去上班，谁知展览厅当日休息闭馆不俾进入，于是老婆趁工作人员未注意偷偷进入去展厅，当她发现好似有人要进来时，她转身想离开点知撞到都系偷偷进入展厅嘅一个男子，男子身上有与老公相同嘅味道，所以老婆有一丝恍神，这时，展厅工作人员搬展品进入，男子拉住她住后面角落躲藏，因为气氛老婆与男子系展厅角落发生了关系，晚上老婆与老公去餐厅庆祝结婚周年时，老婆非常坦白咁同老公讲咗今日系展厅嘅事，包括与陌生男子发生关系，她话男子身上有令她迷失嘅味道，老公后尾原谅咗老婆。”老婆嘅呢种坦白在当时令我和朋友好呃然，无法理解点解她要同老公坦白，系我哋嘅观念当中背叛咗对方系冇法原谅嘅，坦白只会令双方嘅关系走向完结，于是，晚上同亲爱的他讲电话时就将呢段讲俾他听，点知他话我好无聊，幼稚，睇埋呢D白痴嘅电影，女人出轨直接拉她去浸猪笼，如果个女人出轨个男人都可以原谅嘅话，即系话个男人唔爱个女人，如果他爱个女人嘅话点可以忍受，点可以原谅？我就话就系因为个男人太爱呢个女人唔想失去她，所
仅以此BLOG记录我和他的故事(2009-03-19 22:20)
前两日唔觉意咁入番呢个被我遗忘咗好耐嘅BLOG，以前嘅所有记录都被我在转换咗新环境之后全部一并DELETE，又唔知点解，琴晚一夜冇眠，脑度不断重播我和他嘅嘢，原来我同他相识十几年真系有好多好多嘅回忆，脑度不断旋转以往已发生嘅事的同时亦在想像以后我哋生活在一起会发生嘅事，于是在两个好莫名其妙嘅事情下，突发其想想将我哋之间发生嘅嘢记录落呢个BLOG度，呢度唔记录其他嘢，所写的一切只与他有关，好让日后当我遗忘某些事果阵仲有呢个BLOG可以帮助我回复我哋之间的记忆，亦都用此遍天地记录我哋之间的爱情，呢度曾经被我哋放掉的爱情，呢度唔单止系记录我们的过去，现在，将来，亦系用来提醒我要懂得珍惜我哋来之不易嘅爱情，用曾经的失去去提醒我，现在的拥有是多么的不易，要多学会容忍与体谅，适时要将我的小姐脾气收敛一下，我要做他最爱的小狮子~~
