我初中噶时候,可以话系交际花,好鬼多男朋友噶,我读初一,已经拍拖,到初二,基本上系多到唔记得有几多个男仔沟过我,12星座都齐晒。
我唔系要研究星座性格,而且据我经验,星座同性格无乜关联。
讲明先,我系拍拖,不过无性行为噶。因为无钱开房、无胆做爱、最重要系听人话俾人破处好鬼痛噶,通过黎M好多倍,我最怕痛,所以打死都唔俾人搞。
其中有两个男生,印象比较深刻,因为系我最反感同最中意噶两个。一个系狮子座,一个系处女座。(代号而已,跟星座无关)
以下噶内容,我穿越到初中噶精神状态去描述,文笔会好乱。
狮子座好烦,虽然距几靓仔,不过拍拖寿命只有一周,最多拖手,连打车轮都无。
因为距太感性,我好怕D太感性噶男人,因为感性哩样嘢,基本上每个人都会有,就好似底裤咁,自己感觉到就得。但系狮子男就觉得自己噶感性好得,时时刻刻都玩感性,咁就等于有个男人经常摞条好靓噶底裤玩咁,好反感。
距好中意故作深奥讲D我完全无兴趣噶野,之后要我发表意见。好中意计较得失,乜事都要问道清清楚楚。距好像我钟意距,不过距维持一段恋爱关系噶方式就系,指出我有咩做得唔好,之后就好似系我欠距咁。据可能以为,只要我欠距D乜,我就要还债咁,还晒我先可以提出分手。我真系怕左距,一个星期都唔够就分手啦,但系距觉得我有野欠距,我分手就好似犯罪咁。
距经常无厘头问我记唔记得距咩时候讲过咩,我真系唔兴趣去记,距就会觉得我唔系一个好女朋友。
我明明唔想同距打电话噶,不过算啦,一场同学,无谓面阻阻,俾面距听电话,我话,就当系你请我饮汽水,我陪你倾电话啦。距话,倾电话,系双方噶,无话边个陪边个。换然之,距请我饮汽水哩条数就一直系欠住噶。
我唔知距系唔系有钱仔,不过距话距唔系D咩有钱仔,如果拍拖,就唔可以要求距可以好豪,但系距不断咁强调距好孝顺,如果一齐,就一定要对距阿妈好好,以后稳到钱,就一定会俾晒D钱阿妈。
我好憎距一样也,就系钟意分析我。有时我讲话,距就会分析我讲哩句话系咩心态,其实我系想点想点。例如我话M记食得多会厌,距就会一副好悥感性噶样咁讲:“其实你唔系唔想去M记,你只系想试一下,我可以俾到D咩新意俾你,如果我无新意,你就会觉得我无诚意,不过我唔系咩恋爱专家,无办法时时刻刻俾新意你”。真系好鬼无瘾。
拍拖第5日,距话要KISS,仲要好官方好正式咁同我讲,我拒绝,距话我肯同边个边个KISS,点解唔可以同距。我当时唔识回答,冷场,总之我就系唔想,我又欠距一条债。KISS系应份噶,唔KISS就系欠距噶。
距话,拖手就系双方噶,系我应分要俾距拖噶,因为我已经答应左做距女朋友,我就要俾距拖。就系哩个逻辑,我打死都唔会同距KISS,我觉得距一定以为我同距KISS,系我享受,距付出。
距成日强调自己,答应过噶事就一定要做到,但我记忆仲无要距答应过我D咩啊。最后我先知,距话答应过自己一定要做我男朋友,结果真系打死都唔肯分手,仲要我同距KISS。你话哩D人系唔系好烦啊,你话答应送层楼俾我一定做得到我就话多谢你,自己答应自己噶野,关我鬼事咩,明明果样嘢我唔想你做你就系要做,仲要讲到自己好鬼男子汉咁。不如你强奸左我就同全世界讲,自己完成爱我噶使命好过啦。
我欠距D乜呢?我唔记得距几时生日;我唔记得距钟意边首歌;我侮辱过距妈妈(我讲左一句“我叼你老母茜啊”咁咋~~~);我收到距短信无回复;我挂住同D女同学癫,冷落距;我通过几多个男仔细细声讲野;距请我食左几多次M记K记。
有一次,我话距有口臭。距话因为心情唔好,所以口臭,而心情唔好系因为我对距唔好,搞到距连上课都无心机,所以系我欠距噶。距觉得解释完都唔够,就话:“你都试过口臭,我口臭你话我做乜”。距讲完,我当时就觉得好难顶,我口臭你居然记住,等到自己口臭噶时候在摞番出黎讲。可能距觉得我口臭一次,就抵偿番距口臭一次。
距问我:“我知道你以前有好多男朋友,我唔介意,不过我想知道你最爱噶系唔系我”
我话:“尽量”
距话:“如果你做唔到最爱噶系我,你作为我女朋友,你好应该反省一下”
我反省一下之后,义无反顾咁分手。
处女座我最钟意。
距大我一年,完全唔系星座书介绍噶处女座性格,完全唔会追求完美,无洁癖,做事不拘小节。我初初二下学期就同哩个拍拖,一直到初中毕业。
同距一齐无压力,唔怕得罪距,我叼距老母,距就会笑几声,当我无讲过,亦都唔怕距话突然间问我记唔记得距咩时候讲过咩。距完全唔会介意我提起以前噶男朋友,有时距都会讲讲距之前D女,好自然咁。
距从来都无正式咁要求我答应距我做距女朋友,亦唔会好似D男生咁,乱咁叫我做“老婆”或者无厘头要我“叫我一声老公仔啦”咁。
我唔知距有无钱,距有钱就会无厘头请我地班女同学食嘢,不过多数系俾D女生屈距请食嘢,D女仔好衰噶,有人请就狂买零食,距就会话:“无钱啦,手下留情啊,无钱啦。。”俾钱果阵,如果真系唔够钱,就会求D女生,边个边个零食可唔可以唔买啊,最后凑到刚刚够钱埋单。不过无晒钱,距都唔会嬲噶。有时仲会好似D乞依仔咁叫大家施舍D零食俾距。
某日放学,有个捞头摩鸡佬开车撞倒人,我唔知距地系唔系识得噶,不过俾人撞果个系我地学校噶一个矮仔,摩鸡佬仲要闹人行路唔带眼,距就踢摩鸡佬部车,踢到部车前面有少少变形,不过D摩鸡佬唔止一个,结果距同个矮仔俾人围住炳,距打唔过就拉埋矮仔着草,摩鸡佬开摩托车追,距跑唔过就摞砖头拍人,好似只癫狗咁。我突然觉得距好man啊,钟意到爆灯。(长大之后才知道这种叫雄性激素)
有一次距俾女生屈请食麦当劳,距俾人屈到无晒钱,我就出钱请佢食,食完就嘴距,仲要骑住距,距好淡定,完全跟住我噶节奏,唔会办嘢唔会怕丑,就好似两个高手过招咁。当时有好多同学见到,之后我就俾人话我系交际花。其实交际花都几好啊,起码我系交际花,出得大场面,你地系含羞草,自己折埋俾人睇。
我有时同距KISS之后,就会叼距口臭,距就会买条香口胶,如果唔得,就去刷牙。
如果有人沟我,只要我唔讲,距就会当睇唔到,唔会问,更加唔会俾面色我睇,不过送我番屋企果阵就一定会锡到我昏。
我话:“如果有人沟我,你点算啊?”
距就话:“沟我条女,我打到距嗨咁啊!”
我话:“如果我钟意左第个呢?”
距话:“咁我抵死咯,条女唔中意我,我自己折埋咯”
我地一齐都经常倾嘢,不过讲D乜我就真系无点摆响心度,就算记得又点,恋爱间的对话大多是废话,就好像A片里面的对白,写出来都没人看。不过果种感觉就记忆犹新,恨不得时间可以放慢十倍。
我地一齐好少会觉得闷,如果我话闷,距就会带我去清平市场玩狗或者搞D古灵精怪嘢,如果我都系话闷,距无晒办法就会好似好凶咁话:“仲闷?我炳你两镬睇你仲闷唔闷”。我就会觉得好搞笑,打鬼距。
我觉得我地系一对好怪噶组合,距同我拍拖,仲会请班女生食零食,我经常俾D男生拉条bar带,D男生唔知做乜噶,拉到我条bar带就好似好醒咁,距见到就会炳D男生,不过系小炳怡情,绝对唔会大炳伤身。之后大家都叫我做阿嫂,我觉得好过瘾。
我地一齐,无计划过以后点,钟意就嘴几啖,想见就见,无话咩以后要一齐读边间学校啊,咩边个等边个咁。基本上我想唔到我地之间承诺过D乜,不过就有一种唔会分开噶感觉。我当时觉得,我地可能会一世。
之后距升中专,见面时间少左,不过我地依然保持情侣关系。之后见面越来越少,我知道距有新女朋友,我都有D伤心,不过我无问咩,我都唔好得去边,有仔沟,觉得闷就受沟,并且系果个狮子座沟左我,唉。
我地有时仲会约会,见面继续打车轮,揽揽锡锡,享受一下短暂拥有彼此噶感觉,当无事发生。我之后毕业,因为家庭原因,无机会再读书,生活环境完全改变,大家不知不觉咁分手。
有时候认真想一想,我都唔知我钟意距D乜,距好好人,好man,其实好多人都好人过距man果距,不过就系钟意。
哩个世界无天生噶屌丝或者型仔,女人心海底针,你越系去想理解,就越系踏上屌丝噶命运,如果你自认为自己好感性就去写文章,傻兮兮咁玩感性以为可以有女人留意,盏等到变成萝卜干。反而你做自己,做一个人格健全噶男人,女人就会好钟意你。就好似今日最新闻噶【彭彭】,其实真系一副屌丝相,但系我就好鬼钟意距。
http://s11/mw690/7199a862gcfaddc17d79a&690
顺带一提我噶学业。
我数学物理政治都奇差,就算有屋企钱我都无机会读高中。语文最叻系作文,咩阅读理解我完全唔知份题目想我点。你叫我分析个作者想点啊?我自己写文章我自己想点我都唔知道啦。
不过我觉得老师系傻噶,我噶作文,个个同学都挣住睇,老师就俾好低分。大家写秋季旅游风景好,我就写爬山俾老师搵笨,爬上山顶食风,仲要俾蚊叮虫咬,山顶无垃圾桶,自己食完干粮仲要自己带饭落山。个个都话我写得好,老师就话我离题,我边有离体啊?明明就系咁噶,个个都吹水,得我无吹水,居然话我离题。又话我写文章流水账,写文章流水账有乜问题呢?一定要写个重点噶?咁你秋游真系流水账咁啊,如果山顶有个傻佬跳大象舞,我就有重点喈,食零食,捉迷藏,我都唔知有乜好写。
如果对文章有任何疑问,可以加我QQ提问。不过你要自己想办法找到我的QQ,基本上,你在我的博客看几篇文章点几个链接就能找到.现在提供两个连接,任意一个都可以找到我的QQ,自己选择啦。
(要进入文章的原文才能点下面的链接的)
想找我的QQ就点击这里吧...看完文章就找到啦

我的QQ就在这里,点击进去看我的文章吧…
加载中,请稍候......