加载中…
个人资料
大唐风语
大唐风语
  • 博客等级:
  • 博客积分:0
  • 博客访问:166,784
  • 关注人气:1,851
  • 获赠金笔:0支
  • 赠出金笔:0支
  • 荣誉徽章:
相关博文
推荐博文
谁看过这篇博文
加载中…
正文 字体大小:

白 话 老 浦 东 ——话题说明

(2013-10-10 13:10:19)

白 话 老 浦 

 ——话题说明

   勒拉老浦东人呃生活习惯里,有事事、勿带目的呃“闲聊”、“茄山河”叫“说白话、白话话”。

   “白话”勿是刻意,是随便啥侪好讲呃。家长里短、天南地北、风响雨落、馄饨塌饼、甜酸苦辣……吾搭侬呒啥勿好讲呃

   “白话”就是“闲话”,迭能介就可以没压力呃想搨(写)点啥就搨点啥,好勿考虑体系,也勿要讲究文体,大事小事、好人坏人当中人,想着啥写啥,脚踏西瓜皮滑到哈里是哈里。当然,也勿好乱訾野天瞎搨格。

  “老浦东”呃概念是指浦东开发开放之前。

   实际浪厢,吾一直想以“浦东人家”为题,拿伊放拉历史呃背景浪厢写写浦东、浦东人呃发展,但必过自家作为一个外乡人对浦东晓得来实在太少,再加上水平太差,拿不起迭支笔,也只好捏鼻头做梦特。

   前几年,上海人喜欢讲“腔调”,格么好写“浦东人呃腔调”伐?实际浪厢“腔调”拉上海是个贬义词,即使拉人称乡下呃浦东,也是用来鄙斥言行勿端呃人。

   前几年,上海出仔一本叫《上海人的格调》呃书,伊拿张爱玲写呃旗袍、咖啡、石库门、花露水上海滩浪呃一眼么事当做高雅呃“格调”,格么老浦东是人称乡下呃户荡(地方),搭“高雅”呃“格调”远开八只脚拉。

老浦东人讲呃是“卖相”。么事(物品)好坏讲“卖相”,人呃长相好坏讲“卖相”,最要紧呃用来评判品行呃也是“卖相”。

从文化意义浪厢讲,老浦东人看勿起“腔调”也勿追求“格调”,伊拉做人讲呃是“卖相”。勿晓得自家有本事写写伐。

既然是“白话老浦东”,吾也就用浦东老闲话来写特。

0

阅读 评论 收藏 转载 喜欢 打印举报/Report
  • 评论加载中,请稍候...
发评论

    发评论

    以上网友发言只代表其个人观点,不代表新浪网的观点或立场。

      

    新浪BLOG意见反馈留言板 电话:4000520066 提示音后按1键(按当地市话标准计费) 欢迎批评指正

    新浪简介 | About Sina | 广告服务 | 联系我们 | 招聘信息 | 网站律师 | SINA English | 会员注册 | 产品答疑

    新浪公司 版权所有