历史图片，1993年广州一汽既双层巴士。（呢两部系国产广州牌双层巴士）

遗弃系车陂一汽巴士公交专用停车场顶层既广州唯一一部双层巴士，系28路......

2002年1月30号，随着广州市最后一部双层巴士既退役，从此系广州运行既双层巴士已经全部消失左拉！无计啊，因为广州既路况真系唔适合双层巴士行啊嘛！而系呢日，传出一条咁既消息——广州博物馆将呢架最后既双层巴士收藏。本来呢件事对大家来讲系件非常高兴既事，因为又一部具有特色而又不存在既广州交通工具收藏系广州博物馆，之前系越秀山五层楼隔离已经收藏佐一部电车公司捐赠既铰接式“大通道”电车（一种广州已经唔存在既公交车）。后来有D消息话，由于车身太高太大既原因，双层巴士唔会开上越秀山五层楼，到时会开去广州博物馆系二沙岛起既新馆度收藏。之后，大家好热切期待，希望系二沙岛见到距。与此同时，呢架双层巴士翻翻到一汽既车厂进行车体既翻新，为收藏博物馆做好准备！后来，等左一年、两年......无消息话广州博物馆系二沙岛建新馆，越秀山又唔见双层巴士，咁呢架号称“广州最后一部，亦都系唯一一部双层巴士”究竟去左边呢？几年后，有D网友传来一个唔好既消息——就系广州博物馆根本无系二沙岛建新馆，而呢部双层巴士又无翻新，俾一汽巴士公司遗弃系车陂既一个公交停车场度！咩话，唔系挂？呢部算系文物，居然无人理！开头，无咩人愿意接受呢个事实！到后尾有人去车陂公交停车场影佐呢部满面沧桑既双层巴士，大家先至接受呢个现实！唉......一部咁有珍藏价值既双层巴士居然被一汽巴士公司咁样浪费，放系车场任由风吹雨打......真系非常伤心（特别系我地D铁杆车迷！）由于长时间无人打理，呢部车开始甩色，零部件生锈，机件老化，同报废车无咩分别！鬼咩，一汽公司顾住买D宇通新款石油气空调巴士，都唔理下呢部本土生产既双层巴士，真系无良心啊！！！咁多网友都关注呢部巴士，一汽巴士公司居然一D反应都无。如果无人出来为呢部巴士安家既话，呢部巴士迟早变一堆废铁！因为呢部毕竟系广州市已经唔存在史前产物，算系文物。果两张遗弃双层巴士相系一个网友一两年前影既，宜家听讲果部巴士旁边堆满垃圾，我上次坐517去黄埔经过车陂停车场果阵时，好似唔见佐呢部车（唔知有无俾人掕佐去劏车场肢解佐添喔！）总之，咁样对待呢部史前文物绝对无得原谅啊！记得我细细个阵，广州有好多双层巴士，我经常坐到双层巴士。而且我好中意坐上层，因为可以睇到更多风景。当时广州好多双层巴士大部分都系用从德国同英国进口既二手双层巴士（系香港翻新），呢D巴士已经有多年车龄，非常之旧！系93年，我地既广州客车厂生产佐市内第一部国产双层巴！之后，一汽公司大量购买佐添！系28、62、63路大量投入使用，我以前从奶奶屋企去流花湖公园经常坐62路，几乎次次都坐到双层巴士（因为62路当时系单层巴士同双层巴士混合营运既），不过差唔多到站时，我都要琴琴青从上层跑落来下层既后门等住落车。点解果阵时广州D双层巴士咁风光，更系啦，广州当时无咩立交桥、内环路、高架桥，一D阻滞都唔，双层巴士自然可以行啦。后来，广州起佐好多桥梁，搞到双层巴士都无定去啊！顽固不化既JW，静系学鬼佬起高架桥，到果阵要枪毙晒D双层巴士！双层巴士既大载客量系宜家既12米长巴士比唔上既，恨死JW！鄙视JW！更鄙视一汽巴士既老细—HJ公司！