前言：

接近年尾嘅一日,我喺广州搭紧225,听住Juno只<chapel of dawn>,

忽然觉得喺无数个无聊时刻,全靠耳边有mp3陪伴我.

听歌好博爱嘅我,常常需要更新mp3,

喺有限嘅内存空间入面,经历无数次delete洗礼之后,

好多专辑都经不起考验,

好命嘅可以留返几首歌喺果D大杂烩file度

唔好命嘅就香陨玉碎.

但系有几只专辑竟然捱过一次次嘅淘汰赛,到左08年仍然成只生勾勾咁出现!

足以证明佢哋有幾咁硬撐,幾咁好聽,幾咁耐聽,幾咁得我歡心.

所以依家同大家分享下.

(排名不分先后)

my little airport <我們在炎熱與抑鬱的夏天，無法停止抽煙>

之前已經作出過介紹.

MLA嘅歌硬撐程度我會俾4粒半星.

皆因file里面唔不但有曬依只新碟嘅歌,仲有前兩只碟嘅歌.

最夸張記錄系我連續聽左依只碟一個星期,

之后亦都經常拿出黎受寵幸.

 

world`s end girlfriend    (忘記碟名)

依只碟之前無同大家介紹過.

其實系非常好嘅一只純音樂專輯.最欣賞時不時出現嘅大提琴,

成只碟十分流暢又驚喜連連,值得推薦.

關于佢嘅戰績都分外突出,從07年年頭一直聽到08年,一首都無刪過!

由于07年年頭我系一路玩nds嘅super mario賽車一路聽嘅,

所以每次再聽我都會諗起一只game.

 

Sound.Horizon - ELYSION(楽園幻想物語組曲)

又一只made in Japan.

依只碟好特別.特別在于佢系一只有劇情嘅碟.

故事圍繞碟面果幾個唔同顏色衣服嘅女仔,

一個女仔一個故事,而最后又串聯返一齊.

值得細細品味.

硬撐在于值得保留,復聽率唔算太高.

Caprice elvenmusic3 - Tales of the Univite

對依支樂隊無太多嘅了解,凈系知道專門創作新派古典.

偏愛佢系由于入面有大量嘅黑管(單簧管)同長笛.

入面有擁有美妙嗓音嘅女高音,加新派古典.

我唔知咩叫新派古典,不過你可以去聽下,feel下.

無所事事嘅時候我最中意聽依只碟.

 

農夫 - <風生水起>

無謂嘢唔駛多講.

佢哋今年拿左咁多獎,兼且搶埋我心愛Twins個獎而我仲一樣咁高興就

說明佢哋只碟有幾鬼正!

真系一諗起就即刻笑.

 

盛夏光年原聲碟

好聽.

 

Juno - <Chapel of dawn>

壓~~~~~~~~軸!

依只碟做壓軸當之無愧啦.

一出就開始聽,仲要成日都聽,真系好鬼中意.

成只碟好有heart同point.

中意林海峰段rap,中意Juno把聲,中意同何韻詩合唱,

中意~~~~~~wyman嘅詞!

 

恭喜以上依7只碟榮獲07年度最硬撐專輯!

 

后記:

其實諗mp3最耐聽嘅歌依個point系我諗到先嘅,點只俾cheap聲搶左去寫先,

為表誠意,我貼埋圖.

希望大家有興趣都聽下,或者分享下你部mp3嘅硬撐碟,歡迎交流.*(^-^)//