當你發個網址俾我嘅時候,我第一時間就click咗入去
一直覺得好奇怪,你遺棄咗sina已經咁耐,以你嘅個性應該唔會咁耐都唔整返個blog
所以見到網址時有種終于黎了嘅感覺.
當網站打開左之后,我呆左十幾秒.
原來個blog已經整左好耐,已經有好多日志,
并且已經有好多人留過言.
咁我即系....點呢?
當我喺度考慮我哋嘅關系嘅時候,你又黎留言話你愛我,愛你嘅細妹.
真系相當疑惑.
點解喺你未話俾我聽有blog之前一直都無黎呢?
點解每次都要等果樣嘢整好曬,走入正軌先話我知?
可能我要求真系好多...
對住朋友,我總系會差D忘記大家都有自己嘅世界,都有自己要行嘅路.
我成日都想一齊行,想知道自己朋友身邊發生嘅事,
但系現實令我開始要抑壓依種欲望.
我想大家都喺同一個世界里面...但原來每個人都有人哋走唔入去嘅世界...
無人會系一個世界嘅人...
咁人有乜可能會覺得唔孤獨唔寂寞?
講返我同你...
你話我可以信任你,將個心俾你...
但系你依家有事都系好遲先會同我講,
你嘅嘢我都要睇你嘅簽名,睇你D日志先會知,
你日志嘅留言,我都睇唔明,我哋已經唔系同一個世界了.
我已經唔知你諗緊咩,唔知你為咩開心,為咩唔開心.
可能你好渴望長大,好渴望變得更成熟,
我可以做嘅已經唔系同你一齊行,我只系喺遠處望住你行.
朋友嘅定義系咩?姊妹嘅定義系咩?
原來我系咁唔識點去處理同身邊人嘅關系同相處方式...
對朋友,對戀人,對親人...
大家亦都開始學識去沉默,
而我都被迫要去學...
其實面對你我覺得有隔膜同忌諱了...
可能你聽到會唔開心...
不過你嘅好多嘢我都唔清楚,
如果有人問我你最近點,我諗我都會唔識答.
曾經我諗住唔去諗,由得佢,
但系你又時不時提醒我你緊張我,
咁即系算點?
我唔知點面對我同你嘅關系...
希望你睇到依篇嘢唔好太唔開心...
插入表情