從高中那部粉紅色翻蓋索愛機開始,就迷戀上索愛.
剛開始時無特意去尋找索愛嘅機,只系看中的總系索愛.
盡管感覺上我比較喜新厭舊,欠缺耐性,又善變
了解我嘅人就會發現唔系事實.
每間店鋪點嘅食物系同一種,一部電影反復睇好n多次,
舊歌聽完又聽,朋友,留好喺身邊.
擁有嘅嘢只會令我越黎越習慣,越黎越愛,越黎越發現佢嘅優點.
于是當我開始用索愛,就好難再用其他機.
其實我就系索愛.
從努力咁盤算如何向你索愛,到基本上消極應戰,
果種撲空嘅感覺,令我喪失安全感.
我諗,如果愛都系等價交換就好了.
點系貪心,點系應分,我唔知,
我應該做咩先可以得到多D?...
亦分唔清咩時候系灰心,
因為看開同自暴自棄太似了...
咁耐以黎我有無做錯?
一直愛一直愛,受了傷也繼續愛,
睇唔清楚有幾多傷口
惟有希望快D練到麻木,痛到麻木,咁就可以唔痛了
但系麻木點解咁難.
咁快D死心罷了,
心卻超乎想象地強壯,
俾人掟埋一二角,都未死得...
我系壞人,對自己壞嘅人
竟然仲殘忍到要自己堅持,
可能已經好病了.
有陣時忍唔住發狂,希望你可以憐憫一下,
換來嘅點解就只有講笑嘅態度同唔緊唔慢嘅應答?...
完全唔明白自己點解仲咁傻,仲天真咁留喺原地,等著依種咁嘅愛...
夢里面有你嘅身影,一次兩次...好多次了,多到成為習慣.
真系忍唔住鬧自己傻...
三番四次感覺到無能為力,對你嘅不負責任,對自己嘅執迷不悟...
明明知道系假話,都寧愿選擇去相信
點會唔知咁只會傷得更深.
唔通就系咁死性不改,學極都唔乖?
就系...就系好傻咁希冀著你果DD愛...
面對咁嘅自己,唔知可以點,
教自己堅強D,睇開D,盼望有一日你會明白,會感受得到...
沒有勝負,只有繼續期待得到一點愛...
惟有負傷慢慢索愛...